ජනතා ප්‍රශ්ණ අබියස හිරවෙන නායකයෝ

ප්‍රතිචාරයක් ලබාදෙන්න

m prash

 

2010/02/19 – ලංකාදීප

ඉතාලියේ වෙනෙටෝ කලාපයේ කුඩා නගරයක මෑතක දී බලයට පත් නගරාධිපතිනිය සිය නගර වැසියන් වෙනුවෙන් වෙනම මනෝ උපදේශකවරයෙකු පත් කර ඇත. නිතිපතා වාර්තාවන දස දහසකුත් එකක් ප‍්‍රවෘත්ති මැද මෙම සිද්ධිය විශේෂ එකක් වශයෙන් ලෝක අවධානයට ලක් වී තිබේ. නගරාධිපතිනිය ඇන්ටොනෙල්ලා ආර්ජෙන්ති ය. මැතිවරණයේ දී ඇයට සෑහෙන ජනතා ප‍්‍රසාදයක් ලැබුණි. බලයට පත් වූ වහා බාධාවකින් තොරව ජනතා ප‍්‍රශ්න වලට සවන් දෙන තීරණයක පිහිටා කටයුතු කළාය. දුරකතන මාර්ග විවෘත කළ අතර කාර්යාලය ජනතා ප‍්‍රශ්න වලට සවන් දෙන තැනක් බවට හැරවීය. පසුගිය වසරේ මැයි මාසයේ බලයට පත් වූ ඇය තමන් වෙත එන මැසිවිලි වලින් හෙම්බත්වී සිටින්නීය. මනෝ උපදේශන සේවාව එහි ප‍්‍රතිඵලයකි.

‘‘ඔබ කිසිසේත් මෙම කතාව විශ්වාස කරන එකක් නැහැ’’ නගරාධිපතිනි ඇන්ටොනෙල්ලා ඉතාලියේ පුවත්පතකට ප‍්‍රකාශයක් අරඹන්නේ එසේය. ‘‘බලයට පත් වූ මුල් මාස කිහිපය තුළ සෑහෙන ජන කොටසක් මුණ ගැසෙන්නට පැමිණි අතර තරුණ, මහළු, කාන්තා, පිරිමි සහ නොයෙක් කණ්ඩායම් අතරින් බහුතරයකට තනිකම ගැන ප‍්‍රශ්න ඇති’’ බව දක්වයි. තමන්ගේ ගැටළුව නිවී සැනසිල්ලේ කියා ගන්නට කෙනෙකු නැත. නගරාධිපතිනිය හමුවී දහසකුත් දේ කියන්නට සියළුම දෙනාට උවමනා වී තිබුණ අතර අඩු තරමින් දුරකතන ඇමතුමකින් හෝ කතාකරන්නට අවශ්‍ය වී ඇත. එවැනි කතා බහ සාමාන්‍ය වේලාව ඉක්මවායයි. පැය ගණන් දුක්ගැනවිලි වලට සවන් දෙන නගරාධිපතිනිය ගේ පුද්ගලික ජීවිතය පවා සංකීර්ණ තැනකට පත්වූ බව දැක්වෙයි. අවසානයේ දී ජනතාවට සවන් දෙන මනෝ චිකිත්සකයෙකු පත් කරන අතර සමහරවිට එය එක්තරා විසදුමක් විය හැකි බව නගරාධිපතිනිය කියා සිටින්නීය.

අතිශය කාර්ය බහුල සංකීර්ණ ජීවන රටාව තුළ පැවැතිය හැකි ස්වභාවය ඉතාලියේ කුඩා නගරයක සිද්ධියෙන් අනාවරණය වන බව තේරුම් ගත යුතුය. ජනී ජනයාට ප‍්‍රශ්න තිබේ. වගකිවයුතු කාට හෝ කියා ගන්නට අවශ්‍යය. ඇතැම් ප‍්‍රශ්න වලට විසදුscan0238මක් අවශ්‍ය නැත. නිලධාරීන්ගේ ගැටළු, ඔවුන් නිසි තීරණ නොගන්නා බව, සුළු අමානුෂික සිද්ධි හෝ පරිසරය සම්බන්ධ කාරණ ඒ අතර තිබිය හැකිය. ප‍්‍රදේශයේ තීරණ ගන්නා ඉහළම තැනට කතාකර කරුණු පෙන්වාදීම ද ප‍්‍රමාණවත්ය. සමහර දෙනෙකු වියපත් අතර හුදෙකලාව ජීවත්වන ඔවුන්ට හිතේ ඇති කරුණු කියා ගැනීමට කිසිවෙකු නැත. මෙම සිද්ධිය ගැන කල්පනා කරනවිට එය හුදෙක් ඉතාලියේ කුඩා නගරයක පමණක් නොව අප ජීවත්වන සමාජයේ සෑම අයෙකුටම බලපා ඇති සාධාරණ අවශ්‍යතාවයක් බව තේරුම් ගැනීම වැදගත්ය.

සංවර්ධන ව්‍යාපෘති හෝ ආර්ථිකයේ වර්ධනය වැනි දැවැන්ත මාතෘකා ගැන හිතන මැති ඇමැතිවරුන්ට ජන සමාජයේ අනෙක් පැත්තක දැවෙන සාමාන්‍ය ගැටළු ගැන අවධානය යොමු කරන්නට වෙලාවක් නැත. අහිංසක පුරවැසියෙකු මහජන මෙරට නියෝජිතයෙකු හමුවට පැමිණ කතාව ආරම්භ කළහොත් අත් විය හැකි ඉරණම කුමක්ද? මහජන නියෝජිතයා නොඉවසිලිමත්ය. ඔහුට හෝ ඇයට තවත් රැස්වීමකට වහා පිටත්ව යා යුතුය. තම නායකයාගේ ඉරියව් දකින ලේකම්වරු හෝ ආරක්ෂකයෝ අමුත්තා පැත්තකට කරන්නට සූදානම්ය. සැනසිල්ලේ යමක් කියා හිත නිදහස් කරගන්නට පැමිණි පුද්ගලයා තවත් අසරණ වන අතර හිතේ ඇති ගැටළුව කියාගත  නොහැකි තැනට පත්වෙයි. ඡන්දයෙන් බලයට පත් කළ නායකයා සුපිරි රියක නැගී පිටත්ව යන විට පුරවැසියා තුළ ඉතිරිවෙන්නේ වෛරයක් පමණකි.

මෙවැනි සිද්ධිවලින් අනූන සමාජයක අවසාන ඉරණම කුමක්ද? මහජන නියෝජිතයෝ සවන්දෙන්නන් විය යුතුය. පොදු ජනතාවට ඉශ්ඨ කරගත නොහැකි වූ දහසකුත් එකක් දේ තිබේ. කියා ගන්නට සෑහෙන කරුණු ඇත. අහන්නට වගකිව යුත්තෙකු නැත. ජනතාව පත් කළ නියෝජිතයා පමණක් නොව මෙරට නිලධාරීහු පවා ජනතාවගේ පැත්තෙන් සවන්දෙන්නට වෙලාවක් නැති පිරිසකි. තමන්ගේ ප‍්‍රශ්න කියන්නට ආකාරයක් නැති ජනී ජනයා එයින් හෙම්බත්ව ඒවා සමග ජීවත්වෙති. මෙම රාමුව වෙනස් කරන පියවරක් අවශ්‍යය. ගැටුම්, අර්බුද නිලධාරීවාදය සහ අවස්ථාවක් නැති ජන සමාජයට හිතේ ඇති දෙයක් නිවී සැනසිල්ලේ කියා ගන්නට ක‍්‍රමය සකස් කිරීම අවශ්‍යය. ප‍්‍රශ්න වලට සවන් දී යමක් සිදුවන බව පැහැදිලිවන පිලිවෙලක් ස්ථාපිත කළ යුතුය. සැනසිලි සහගත ජන සමාජයක් බිහිකරන්නට පදනම එතැන ඇත.

 

 

 

 

මාර්ග තදබදයට පිටරටින් යෝජනා හා විසදුම්

ප්‍රතිචාරයක් ලබාදෙන්න

m prash

2020.02 .12 – ලංකාදීප

රථ වාහන තදබදයෙහි ස්වභාවය ගැන අලූතින් යමක් සදහන් කිරීම අවශ්‍ය නැත. කොළඹ නගරයට එන සහ එහි සිට පිටත්ව යන සැතපුම් විස්සක වට ප‍්‍රමාණයක ජීවත්වන සියළුම දෙනා එයින් පීඩා විදිති. මහනුවර, ගාල්ල හෝ මාතර වැනි අනෙක් නගරයක ස්වභාවය ද එයට නොදෙවෙනිය. කොළඹ නගරය වටා පිහිටි උප නගර පවා අධික වාහන තදබදයක පවතින අතර කාලය හා ධනය නිරපරාදේ වැයකිරීම බලවත් අපරාධයකි.

පර්යේෂකයන් ගණන් බලා ඇති අන්දමට තදබදය පවතින අවස්ථාවල මෙරට ප‍්‍රධාන නගර ආශ‍්‍රිත වාහන ගමනාගමන වේගය පැයට කිලෝ මීටර් හතරකි. සෙමෙන් ගමන් කරන වාහන වල පිලිස්සෙන ඉන්ධන වලින් පිටවන දුම වායු දූෂණයට හේතු වී තිබේ. වාහන වලින් පිටවන දුම සියයට හැත්තෑවක ප‍්‍රතිශතයකින් නාගරික වායු දූෂණයට බලපා ඇති බව ප‍්‍රකාශ වෙයි. රටට අවශ්‍ය ඉන්ධන සදහා වසරකට වියදම් කරන මුදල ඇමරිකානු ඩොලර් බිලියන 2.9 කි. මෙයින් සියයට හැටකට වඩා රථ වාහන ධාවනයට බව ද නොරහසකි. විශාල විනිමය ප‍්‍රමාණයක් වැය කර පැයට කිලෝ මීටර් හතරක වේගයෙන් තදබදය පවතින අවස්ථාවල ගමන් කරන වාහන වලින් පිට කරන දුම බලවත් සෞඛ්‍ය ප‍්‍රශ්න ඇති කරන බව පිලිගත යුතුය.

scan0211රථ වාහන තදබදය හා අධික ඉන්ධන පිරිවැය පාලනය කරනු සදහා ගත හැකි පියවර ගැන නොයෙක් අදහස් තිබේ. පර්යේෂණ කර වාර්තා නිකුත් කර ඇත. ප‍්‍රායෝගිකව යමක් සිදුවී නැත.

වාහන පරිහරණය අවම කරන අලූත් අදහස් ජාත්‍යන්තරයෙහි ක‍්‍රියාත්මක වෙයි. පුද්ගලික වාහන පරිහරණය අවම කරන අතර පොදු වාහන භාවිතා කරන නැඹුරුවක සිටී. පොදු ප‍්‍රවාහන ක්ෂේත‍්‍රයට හදුන්වා දී ඇති වාහන හවුලේ භාවිතා කිරීම ඉතා ජනප‍්‍රිය වී තිබේ. තොරතුරු තාක්ෂණය දියුණු වන විට ඒ වෙනුවෙන් සකස් වූ ඇප් වලින් වාහන ඇනවුම් කළ හැකි අතර වාහන වල ගමන හා හිස්ව ඇති ආසන වලට අතරමග දී මගීන් නංවා ගැනීම සාමාන්‍ය දෙයක් බවට පත්ව ඇති බව දැක්වෙයි. ඇමරිකාවේ කරන ලද නවතම සමීක්ෂණයකට අනුව වාහන හවුලේ භාවිතා කරන ක‍්‍රම හෙයින් පුද්ගලික වාහන තිස් දෙකක් කරන සේවය එක වාහනයකින් කරන තරමට පැතිරී තිබේ. තමන්ගේ ගමනටම වෙන් කරන වාහනය යන සංකල්පය වෙනුවට ගමන සදහා  ඕනෑම වෙලාවක අනුන්ගේ වාහනයක් පරිහරණය කළ හැකි පරිදි සංකල්ප වෙනස් වන විට මහ පාරේ පවතින අධික තදබදය යම් ප‍්‍රමාණයකට පාලනය කළ හැකිය.

සමහර රටවල් නගරයට වාහන ඇතුළු වන විට බදු අය කරන අතර අධික තදබදය පවතින අවස්ථාවල බද්ද දෙගුණ තෙගුණ කෙරේ. වාහන නතර කරන තැන් අහෝසි කරන අතර එය පුද්ගලික වාහන භාවිතාව අධෛර්ය කරන පියවරකි. විදුලියෙන් ධාවනය කරන පොදු වාහන අධික බදු වලින් නිදහස් කරන අතර එය පරිසරය ආරක්ෂා කරන පියවරක් සේ සැලකේ. කුලී පදනමකින් හෝ හවුලේ පරිහරණය කරන විදුලිය බලයෙන් ධාවනය වන වාහන වලට ලැබෙන සහන අනුව මගීහු ගමනට කරන වියදම සෑහෙන ප‍්‍රමාණයකින් පහත වැටේ.

වායු දුෂණය අවම කරන ජනතාව ගලවා ගැනීම සහ අධික ඉන්ධන වියදම පාලනය කරන අරමුණ ඇතිව විප්ලවීය තීරණයකට යා යුතුය. කැළඹිල්ලක් ඇති කර පවතින රාමුවෙන් ඔබ්බට ගිය විසදුමක් කෙරෙහි අවධානය යොමු කළ යුතුව තිබේ. ශ‍්‍රී ලංකාව අලූත් යුගයකට ඇතුළු වන විට පොදු ප‍්‍රවාහනය දියුණු කරන තීරණ ගැනීම වැදගත්ය. නගරයට එන වාහන පාලනය කිරීම අවශ්‍යය. පුද්ගල වාහන අධෛර්යය කර නගරයට යන එන විට වාහන හවුලේ පරිහරණය කරන ක‍්‍රම ප‍්‍රචලිත කරන පියවරකට යා යුතුය. වෙනත් විකල්පයක් රටට නැත.

 

 

 

 

 

සතුට හා ඉවසීම වෙනුවෙන් අරාබි රටක අමාත්‍යංශයක්

ප්‍රතිචාරයක් ලබාදෙන්න

 

m prash

 

2020/02/04 – ලංකාදීප

එක්සත් අරාබි එමීරේට්ස් රාජ්‍යයේ සතුට සහ ඉවසීම වෙනුවෙන් අමාත්‍යංශයක් පිහිටුවා තිබේ. එහි ඇමැතිධුරයට පත් කරන්නේ විසි දෙහැවිරිදි තරුණයෙකි. ලෝක ප‍්‍රජාවගේ ඉවසීම හා සතුට අරමුණු කරගෙන සමුළුවක් ද පසුගිය වසරේ නොවැම්බරයේ දී සංවිධානය කර තිබුණි. රටවල් සෑහෙන ප‍්‍රමාණයකින් අමුත්තෝ දහස් ගණනක් එයට සහභාගී වූහ. මැදපෙරදිග ධනවත් රටක සිදුවූ මෙම අලූත් පත් කිරීම සැනසිල්ල සොයන සියළු පාර්ශවයන් හි බලවත් අවධානයට පත් ව තිබේ.

නිදහස දිනා ගැනීම ගැන හැත්තෑ දෙවසරක අභිමානය සමරන ශ‍්‍රී ලංකාව සතුට, ඉවසිල්ල සහ සමාදානය සම්බන්ධයෙන් ජන සමාජයේ පවතින තත්ත්වය කෙරෙහි සැලකිලිමත් විය යුතුය.

එක්සත් අරාබි එමීරේට්ස් රාජ්‍යය සතුට හා ඉවසීම අරමුණු කරගෙන අමාත්‍යංශයක් නිර්මාණයකරන විට ලෝක ප‍්‍රජාව එයට හේතු සොයා බැලූහ. තරුණන් අතර නොඉවසිල්ලක් තිබේ. අරාබි වසන්තය එය අනාවරණය කළ අතර අනාගතයට මුහුණ දිය යුතු බව එක්සත් අරාබි එමීරේට්ස් රාජ්‍යයේ පාලකයෝ ප‍්‍රකාශ කළහ. පසුගිය වසර පහ තුළ සිදුවූ අසමත් සිද්ධි වලින් පාඩමක් ඉගෙන ගත් බව වැඩිදුරටත් පෙන්වා දී ඇත. තරුණ සිතුම් පැතුම් හා ආකල්ප සම්බන්ධයෙන් අවබෝධයක් ඇති තරුණයෙකු ඇමැති ධුරයට පත් කිරීමෙන් ප‍්‍රායෝගික තීරණයකට එළැඹි බව පෙනේ. තරුණන් ගැන රටක් වශයෙන් ආඩම්බර වන බව දක්වන එක්සත් අරාබි එමීරේට්ස් පාලකයෝ තරුණ පෙළ තම අනාගතය වන අතර නවීන තාක්ෂණ යුගයේ ඉදිරියට එන අලූත් පරපුරට දොරටු විවෘත කළ යුතු බව ද දක්වයි.scan0182

එක්සත් ආරාබි එමීරේට්ස් රාජ්‍යය මැද පෙරදිග කලාපයේ වඩා දියුණු ආර්ථිකයක් ඇති රටකි. සවුදි අරාබියට පමණක් දෙවැනි වී තිබේ. මිලියන දහයක පමණ ජනගහනයක් සිටින අතර එයින් සෑහෙන කොටසක් වෙනත් රටවලින් පැමිණි අය බව දැක්වෙයි. ලෝකයේ බොරතෙල් සම්පත සහිත රටවල් අතර හත්වැනි තැන සිටී. ආර්ථික ප‍්‍රතිසංස්කරණ සමග ආයෝජන හා තාක්ෂණ අංශවල ව්‍යාපාර අරඹන්නට ඉඩ  දී තිබේ.

ශ‍්‍රී ලංකාව සතුට හා ඉවසිල්ල සම්බන්ධව පාඩම් ඉගෙන ගත යුතු රටකි. පසුගිය දශක හත තුළ ජන සමාජයට ඉවසිල්ලක් නොතිබුණ අතර එහි ප‍්‍රතිඵලයක් වශයෙන් සතුට සීමා වී තිබුණ බව නොරහසකි. කැරළි හෙයින් දස දහස් ගණනින් තරුණ ප‍්‍රජාව රටට අහිමි විය. එය මෙරට ප‍්‍රගතිය අවහිර කළේය. ජාති, ආගම්, භාෂා, කුලය හා පැලැන්තිය වශයෙන් සමාජය බෙදී බේධ භින්න වී ඇත. නුතන මාධ්‍ය භාවිතාව විශේෂයෙන් සමාජ මාධ්‍ය භාවිතය ඔස්සේ තත්ත්වය උත්සන්න කරන බව නිරීක්ෂණය කළ හැකිය. සමාජ එක`ගතාව හා සංහි`දියාව ගැන විශාල ව්‍යාපෘති ක‍්‍රියාත්මක කරන උත්සාහ පවතින නමුත් එයින් ලැබී ඇති ප‍්‍රයෝජනය සැලකිය යුතු එකක් නොවේ.

තරුණන්ට අවස්ථාව හිමි විය යුතුය. ව්‍යවස්ථාවෙන් හෝ නීති රීති වලින් පංගු බෙදීම ප‍්‍රායෝගික නැත. සමාජය තුළ තරුණ ජවය හා ශක්තිය කෙරෙහි විශ්වාසයක් තිබිය යුතු අතර නිසි අවස්ථාවේ දී තරුණන්ට තැනක් දී ඉවත්වෙන්නට වැඩිහිටි පරම්පරාව තීරණය කළ යුතුය. මෙරට වගකිව යුතු තැන් වල විශේෂයෙන් දේශපාලනයේ දී තරුණ නියෝජනයට අවස්ථා වැඩි කිරීම අවශ්‍යය. වයස්ගතම පිරිස මැති ඇමැතිධුර බෙදා ගත් පසු තරුණ ප‍්‍රජාවගෙන් ඉවසිල්ලක් අපේක්ෂා කළ හැකිද? අවස්ථා අහිමි සමාජයකින් සතුට, සැනසිල්ල බලාපොරොත්තු වෙන්නට පුලූවන්ද?

අනාගතය ගැන ප‍්‍රශ්න කළහොත් ශ‍්‍රී ලංකාවේ තරුණ ප‍්‍රජාව දෙන උත්තරය කුමක්ද? උසස් අධ්‍යාපනය ලබන සෑම තරුණ තරුණියකම තම අනාගත අභිවෘද්ධිය තකා විදෙස් රටකට පැන ගැනීමේ නොනිත් ආශාවක සිටිති. එහි සිංහල, දෙමල හෝ මුස්ලිම් බේධයක් නැත. අධ්‍යාපනය ලැබීමෙන් පසු රටට සේවය කරනු වෙනුවට රට හැර යන මානව සම්පත ශ‍්‍රී ලංකාවට බිහි කරන අනාගතය ගැන කල්පනා කරන්නට අවශ්‍යය. සතුට, සැනසිල්ල සහ ඉවසීම ඇති කරන ක‍්‍රමවේද ගැන අවධානය යොමු කළ යුතු අතර එය පැවැත්ම කෙරෙහි බලපවත්වනු නිසැකය. රට ගැන හිතන තරුණ පරපුරක් වෙනුවෙන් යමක් කළ යුතු දිනය උදා වී තිබේ.

 

 

 

 

 

 

දේශපාලනඥයන්ගේ සුදුසුකම් සෙවීම අවශ්‍යමද?

ප්‍රතිචාරයක් ලබාදෙන්න

m prash

2020/01/29 – ලංකාදීප

දේශපාලනඥයන්ගේ පිරිහීම ගැන සෑහෙන විවේචනයක් තිබේ. පක්ෂ හෝ විපක්ෂ බේධයක් නැත. දේශපාලනඥයෝ කෙරෙහි යම් අකමැත්තක් පවතින බව නිරීක්ෂණය කළ හැකිය. රට බෙදන්නට, රට විකුණන්නට හෝ දේශපාලනයෙන් හරිහම්බකරගන්නට පමණක් වෑයම් කරන පිරිසක් යැයි කල්පනා කිරීම නුසුදුසුය. සිදුවීම්, විකෘති මත පැතිරවීම ඔස්සේ දේශපාලනඥයෝ සැහෙන කලූ චරිත සේ හුවා දක්වති. දේශපාලනය ද එක්තරා වෘත්තියක් වන අතර එය සමාජයේ නියෝජනයකි.

ජර්මනියේ විසූ දාර්ශනික පාලකයෙකු වූ බිස්මාක් දේශපාලනය ගැන කරන නිර්වචනයක අනුව දේශපාලනය යනු කළ හැකි දෙය සම්බන්ධ කලාවක් වන අතර එය අත්කරගත හැකි විශිෂ්ඨ දෙයකි. යතාර්ථය එයයි. ප‍්‍රජාතන්ත‍්‍රවාදය ලෝකයේ ප‍්‍රචලිත පාලන ක‍්‍රමයකි. කාලානුරූපව දියුණු වෙමින් පවතින අතර එහි අඩුපාඩු තිබිය හැකිය. ප‍්‍රජාතන්ත‍්‍රවාදී පාලනය ක‍්‍රියාත්මක වන ආකාරයක් තිබේ. වැඩිදෙනාගේ කැමැත්තෙන් තීරණ ගැනීම වන අතර කොටසක් එම තීරණවලට එකග නැති විය හැකිය. විරුද්ධවීමට අයිතියක් තිබීම ද ප‍්‍රජාතන්ත‍්‍රවාදයේ ගුණාංගයකි.

ශ‍්‍රී ලංකාවේ ප‍්‍රජාතන්ත‍්‍රවාදය දුෂ්ඨ, අකාරුණික, බලලෝභි එකක් යැයි සිතන බව පෙනේ. බහුතරයක් දූෂිත යැයි ප‍්‍රකාශවෙscan0177,යි. එහෙයින් ක‍්‍රමය වෙනස් කරනු සදහා විද්වත්, බුද්ධිමත් පිරිසක් තෝරා ගත යුතු බවට බලවත් අදහසක් ඇත.

විද්වත් පිරිස අතරින් පාලකයා තෝරා ගැණිනි නම් ඇමරිකාවේ පළමු ජනාධිපති වශයෙන් ජෝර්ජ් වොෂින්ටන් පත් වන්නේ නැත. එදා සිට අද දක්වා ලෝකයේ නොයෙක් රටවල පාලකයෝ ජනතාව අතර ගැවසෙන ජනාදරයට පත් පුද්ගලයන් අතරින් බිහි වී තිබේ. දැනුම, අවබෝධය හා අත්දැකීම් ජනතාව ඇසුරෙහි ගැවසී ලබා ගන්නා දේශපාලනඥයන් ගේ පිලිවෙල සමහර බුද්ධිමතුන්ට වඩා අගනා බව ඔප්පු වී තිබේ. සහතික හා වෘත්තීය තත්ත්වය අනුව සලකා බලනවිට සාහිත්‍යධරයන්, නව නිමැවුම්කරුවන්, ප‍්‍රබල ව්‍යවසායකයන් සෑහෙන පිරිසක් අවලංගු වන බව නිසැකය. දේශපාලනය ද වෘත්තියකි. එහි නිරතවීමට සුදුසුකම් සෙවීම නිෂ්ඵලය. ජනතාව වෙනුවෙන් පෙනී සිටින හා කැපවීමට ඇති හැකියාවක් තිබීම හොදටම ප‍්‍රමාණවත්ය. වියතුන් හා ඉගෙනුමෙහි ප‍්‍රවීනයන් වෙනුවට අප තෝරා ගත යුතු චරිතවත් පුද්ගලයන්ය.

යුද කාල පරිච්ඡේදය පැවැති පසුබිම තුළ දේශපාලනයට පැමිණි පුද්ගලයෝ ප‍්‍රචණ්ඩත්වයට හුරු වී සිටියහ. සාමකාමී සහජීවනයට වඩා බලහත්කාරයට නැඹුරුවූහ. අද එය වෙනස් විය යුතු බව අවිවාදිතය. එය කළ යුතු දක්ෂතම වෛද්‍යවරයා හෝ දක්ෂතම ඉංජිනේරුවා දේශපාලනයට ගෙනැවිත් අසාර්ථක කිරීමෙන් නොවේ. දක්ෂ පිරිස තමන් දන්නා කලාවෙන්, ශිල්පයෙන් රටට වැඩ කළ යුතු අතර ජනතාව කැමැත්තෙන් තෝරා ගන්නා නියෝජිතයන්ට දේශපාලනඥයන් වශයෙන් ක‍්‍රියාකිරීමට ඉඩ දිය යුතුය.

ඉතාම බුද්ධිමත් චරිතයකට පවා තමන්ගේ කැපවීම අනුව ජනතා අභිලාශ සාර්ථක කළ නොහැකි අවස්ථාවේ දී අදක්ෂ දේශපාලනඥයෙකු බවට පත්වේ. ඉතිහාසය එයට සාක්ෂි දරයි. සෑම වෘත්තීයකම ආචාර ධර්ම හා සම්ප‍්‍රදාය පවතින අතර ඒවා ආරක්ෂා කිරීම හැර අනෙකක් නැත. දේශපාලනඥයන්ගේ අසාර්ථකත්වය හමුවේ වෙනත් වෘත්තීයකින් පිහිට පැතීම එනම් බුද්ධිමතුන්ගෙන් ප‍්‍රජාතන්ත‍්‍රවාදය ඉල්ලන අප අමතක කළ යුතු නැති දෙයක් තිබේ. එය අසාර්ථක වුවහොත් අනාගතයේ දී අත්පත්වන ප‍්‍රතිඵලය කුමක්ද? මැතිවරණයකට ඉදිරිපත් වන අපේක්ෂකයන්ගේ විභාග සුදුසුකම් පරීක්ෂා කිරීම හෝ වියතුන්, බුද්ධිමතුන් පමණක් ජනතා නියෝජිතයන් වශයෙන් පත් කරගත යුතුය යන අදහස ප‍්‍රායෝගික නැත. දක්ෂතාවය ඇති මහජනතාව වෙනුවෙන් කැපවිය හැකි බුද්ධිමතුන්ට දේශපාලනයෙහි දොරටු විවෘත විය යුතුය. මහජනතාව අතර සිටින ජනතාවාදී මිනිසුන්ට සුදුසුකම් සොයා බලා දේශපාලනයේ දොරටු වැසීම සිදුවිය යුතු නැත.

 

 

 

 

 

 

බි‍්‍රතාන්‍ය අගමැතිගෙන් අපටත් පාඩමක්

ප්‍රතිචාරයක් ලබාදෙන්න

m prash

 

2020/01/22 – ලංකාදීප

බි‍්‍රතාන්‍ය අගමැති බොරිස් ජොන්සන් සිය කැබිනට් මණ්ඩලයට තදින් අවවාද කර තිබේ. ප‍්‍රතිඵල නොපෙන්වුවහොත් සතියකින් කැබිනට් ප‍්‍රතිසංස්කරණයක් කරන බවට අනතුරු අගවා ඇත. පළපුරුදු ඡ්‍යෙශ්ඨ ඇමැතිවරුන් පවා පරිවාස කාලයකට යටත් කර ඇති බව අගමැති නිල නිවසින් ලැබෙන වාර්තා අනාවරණය කරයි. ප‍්‍රතිරූපය හදා ගැනීමට වඩා රට ගොඩනැගීමට කටයුත කළ යුතු බව ප‍්‍රකාශ කර ඇත. අගමැතිවරයාගේ මෙම ප‍්‍රවේශය දෙස බි‍්‍රතාන්‍ය පුරවැසියෝ බලවත් කැමැත්තක් දක්වන බව අනාවරණය වෙයි.

යුරෝපා සංවිධානයෙන් ඉවත්වන තීරණය බි‍්‍රතාන්‍ය ආර්ථිකය හා දේශපාලනය කුණාටුවකට තල්ලූ කළේය. හිටපු අගමැති ඬේවිඞ් කැමරන් ජනමත විචාරණයක් පවත්වන ලද අතර යුරෝපා සංවිධානයෙන් ඉවත්විය යුතු බවට බි‍්‍රතාන්‍ය වැසියන් අතරින් සියයට 51.9 ක් ප‍්‍රකාශ කළහ. එවකට බලයේ සිටි කැමරන් සිය පරාජය හේතුවෙන් ධුරයෙන් ඉල්ලා අස්වූ අතර අනතරුව බලයට පත් තෙරේසා මේ අගමැතිනියට ද තත්ත්වය පාලනය කරගත නොහැකි විය. වත්මන් අගමැති බොරිස් ජොන්සන් පවා ව්‍යාකූලතාවයන්ට මුහුණ දුන් අතර රට තුළ පැන නැගුණ අන්තවාදය බරපතල ස්වභාවයක පවතින බව විචාරක මතයයි.

මෑතක දී පැවැති මහ මැතිවරණයෙන් ජය ගත් බොරිස් ජොන්සන් අගමැතිවරයා පවතින අන්තවාදී ස්වභාවය තුළ ස්ථාවරත්වයක් ගොඩනගාගන්නට වැයම් කරමින් සිටී. එය පහසු නැත. සිය ඇමැති මණ්ඩලය පාලනය කරගැනීමේ අරමුණ ප‍්‍රධාන අවශ්‍යතාවයක් බව ඔහුට ඒත්තු ගැන්වී තිබේ. රූපවාහිනී වැඩසටහන් වලට සහභාගී වී ප‍්‍රතිරූපය ගැන සැලකිලිමත්වීම පැත්තකට කළ යුතු අතර කැපවීමෙන් සේවය කළහොත් රට ඉහළට ඔසවා තැබිය හැකි බව අගමැතිවරයාගේ අවවාදය වී ඇත.
ඇමැතිවරු වැඩ කරන බව ජනතාවට දැනෙන්නට අවශ්‍ය අතර මාධ්‍යවේදීන්ට කෑමෙන් බීමෙන් සංග‍්‍රහ කරන ඇමැතිවරු එයින් සිය ජනප‍්‍රියත්වය පවත්වා ගැනීමට උත්සාහ කරන්නේ නම් තනතුර අත්හරින්නට සූදානම් විය යුතු බව කියා තිබේ.

ඩවුනිං වීදියේ අංක දහය දරන තැන පිහිටි අගමැති කාර්යාලයෙන් එන මෙම අලූත් ප‍්‍රාණවත් භාවය කැළඹීමක ලකුණු බව ප‍්‍රකාශ වෙයි. බි‍්‍රක්සිට් යෝජනාවෙන් ඉවත්වන අතර රට ඉදිරියට ගෙන යන්නට නම් මහන්සියෙන් වැඩ කර හොද ප‍්‍රතිඵල පෙන්විය යුතු බව අවධාරණය කර ඇත.
බලයට පත්වන දේශපාලනඥයෝ කැබිනට් මණ්ඩලයේ ලොකුම තනතුර අපේක්ෂා කරන අතර එයින් පසු තම ප‍්‍රතිරූපය නංවන ව්‍යාපෘති කෙරෙහි සැලකිලිමත් වෙති. ප‍්‍රජාතන්ත‍්‍රවාදී ක‍්‍රමය පවතින කොතැනක පවා සිදුවන සාමාන්‍ය දෙයකි. රූපවාහිනී හා ගුවන් විදුලි වැඩසටහන් සහ පුවත් පත් සම්මුඛ සාකච්ඡා වලින් මැති ඇමැතිවරු බලය පෙන්වන බව පෙනේ. පොදු ජනතාවට සේවය කිරීමට වඩා මාධ්‍ය වලින් අවස්ථාවක් ගැනීමට වෙහෙසෙති. ඡන්දයට පසු ගමට යන්නේ නැති මහජන නියෝජිතයෝ මාධ්‍යවල පෙනී සිටින අතර ඒවායෙන් කරන ‘‘වොයිස්කට් දේශපාලනය’’ පැවැත්ම අවුල් කරන එකක් පමණකි.

මැතිවරණයක දී ඡන්දය දෙන ජනතාව හඩක් නැගිය හැකි, හොද ප‍්‍රතිරූපයක් සහිත චරිත වලින් රටක් ගොඩනගන ප‍්‍රයත්නයක් අපේක්ෂා කරනවාදැයි ප‍්‍රශ්න කිරිමට කාලය එළැඹ තිබේ. හඩ ද නැත්නම් රටකට අවශ්‍ය වැඩ ද යන්න කල්පනා කිරීම ජනතාව සතු වගකීමකි. බි‍්‍රක්සිට් උගුලක සිටින බි‍්‍රතාන්‍ය දේශපාලනය රට තුළ නැගෙන ඇමැති ප‍්‍රතිරූප ගැලවීමකට මාවත බව විශ්වාස කරන්නේ නැත. ලෝකයේ පවතින ආර්ථික හා සමාජ තරගකාරීත්වය හා අලූතින් පැන නැගෙන ප‍්‍රශ්න දෙස සාවධාන වන ගැඹුරෙන් අවධානය යොමු කරන දේශපාලන සංවාද ඕනෑම රටකට සුදුසුය. ප‍්‍රතිපාක්ෂික දේශපාලනඥයන් මැඩ එයින් ජයග‍්‍රාහකයන් වන සංවාද වලින් පමණක් රටක් ගොඩගැනීමට පුලූවන් කමක් තිබේ නම් ශ‍්‍රී ලංකාව දැනටමත් පාරාදීසයකි. බි‍්‍රතාන්‍ය අගමැතිවරයාගේ තරවටුව අපට පෙන්වා දෙන ආදර්ශය එයයි.

තෛපොන්ගල් සමග බැදූනු සිංහල අලුත් අවුරුද්ද

ප්‍රතිචාරයක් ලබාදෙන්න

m prash

2020/01/15 – ලංකාදීප

ලොව පුරා දෙමළ ජනතාව අද දිනයේ දී තයිපොන්ගල් උත්සවය නිමිති කරගෙන වතාවත් පවත්වති. වැදගත් සංස්කෘතික සමාජයීය පිලිවෙත් විදහා දක්වන අනර්ඝ පිලිවෙතක් වශයෙන් සදහන් කළ හැකිය. තයිපොන්ගල් උත්සව පුරාණය දකුණු ඉන්දියාව දක්වා විහිදෙයි. ගොවිතැනේ දී ලැබුණ සරු අස්වැන්න වෙනුවෙන් කෘතවේදීත්වය පළ කිරීම මෙම උත්සවයේ සංකල්පීය පොදු ලක්ෂණය බව සදහන් කළ හැකිය.

සොබාදහමේ කාරුණිකත්වය ගොවියන්ට ඉතා වැදගත්ය. හිරු එළිය ප‍්‍රධාන වශයෙන් සලකා බැලේ. සූර්ය ශක්තිය අනුව සොබා දහම පවතින බවව පුරාණ සංස්කෘතීන් දැන සිටියහ. ගොවියා හා සමානව කෙතට බැස මෙහෙවරෙහි යෙදෙන ගවයා ගේ කාර්යය ද මිළ කළ නොහැකිය. අස්වනු නෙළාගත් පසු සූර්යයා වෙත ප‍්‍රතිචාර දක්වන ගොවීහු ගොවිතැනට නිසි දායකත්වයක් දැක් වූ ගවයෝ සරහා හො`ද ආහාර පාන සපයා සතුටට පත් කරති. අතීතයේ දී දෙවියන් සේ සලකා හිරු නමදින ලද අතර සෑම අවස්ථාවකම හිරු ගේ ප‍්‍රයෝජනය අගය කළහ. ආවේනික සැරසිලි කරන පැරණි කාල වකවානුවේ මිදුලේ කෝළම් රටා ඇද එය පරපුරෙන් පරපුරට ගෙන යන සිද්ධියක් බවට හරවති.  ආහාර පාන සහ කැවිලි, අලූත් ඇදුම් අසල්වැසියන් සමග බෙදා හදා ගන්නා දෙමළ ප‍්‍රජාව එයින් සතුටට පත් වෙති. මෙම එකිනෙක අංශ පදනම් කරගෙන තයිපොන්ගල් උත්සවය දින තුනක් පවත්වන ආගමික හා සංස්කෘතික ප‍්‍රබෝධමත් එකක් බව පැරණි වාර්තා දක්වයි.

දකුණු ඉන්දියාවෙන් පැතිර ලෝකයේ තැනින් තැන ගිය දෙමළ ජනතාව තයිපොන්ගල් සංස්කෘතිය හැම හදවතකටම කාන්දු කරන්නට සමත්ව ඇත. මෙරටට පැමිණි දෙමළ ජනතාව එය ශ‍්‍රී ලාංකේය පැවැත්මට මුහු කර ගෙන තිබේ. මැලේසියාව, සිංගප්පූරුව, ඇමරිකාව, බි‍්‍රතාන්‍යය ඇතුළු ලෝකයේ නොයෙක් රටවල ජීවත්වන ඩයස්පෝරාව ස්වකීය උරුමය සිහිපත් කරන අවස්ථාවක් බවට පත් කරගෙන සිටින බව නිරීක්ෂණය කළ හැකිය.

දෙමළ ජනතාව තයිපොන්ගල් උත්සවය පවත්වන විට සිංහල වැසියෝ භාග්‍යවන්ත මාසයේ දී අවුරුදු උත්සවය පවත්වති. නව වසරක් උදා වූ බව කල්පනා කර මධ්‍යම රාත‍්‍රියේ සිට පහන් වන තුරු සාද පවත්වන ලද ඇතැම් දෙනෙකු පවා රටක ජීවත්වන ජනී ජනයා පවත්වන උත්සවවල උල්පත අවබෝධ කරගෙන සිටිය යුතුය. තයිපොන්ගල් දිනය හුදෙක් නිවාඩු දිනයක් නොවේ. එයට එපිටින් බලවත් දර්ශනයක් ඇත. ශ‍්‍රී ලාංකිකයන්ගේ අනන්‍යතාව හා සමානව සෞභාග්‍යය හා තෘප්තිය ගැන ප‍්‍රවේශයක් තිබේ.

අනෙක් පාර්ශවයේ අනන්‍යතා හැදිනනගෙන ඒවාට ගරු කිරීම අප සියළු දෙනාගේ වගකීමකි. තයිපොන්ගල් දිනයේ දී දෙමල ජනතාව සතුටුවන අන්දමට සිංහල අවුරුද්දේ දී සිංහලයන් ප‍්‍රමෝදයට පත් විය යුතුය.

ජන ජීවිතය, ආහාර සහ පැවැත්ම ගැන අතීතයෙන් එකතු වී ඇති දර්ශනය ගැන නැවත වතාවක් හිතන්නට කාල වකවානුවක් එළැඹ තිබේ. මෙම තයිපොන්ගල් සහ එළැඹෙන සිංහල අවුරුද්ද එයට පදනමකි. ලෝකය පුරා පවතින කාලගුණ හා ස්වභාවික කැළඹිලි ක‍්‍රමයෙන් තීරණාත්මක තැනකට ප‍්‍රවේශ වී තිබේ. අනෙකා ගේ පැවැත්ම නොඉවසන රටාවක් තුළ ස්වභාවිකත්වය අගය කරන මානසිකත්වයක් ඇති කරගැනීමට පුලූවන්කමක් නැත. අනෙක් පාර්ශවය ගැන මනස යොමු නොකරන  වරද තුළ සියළු විපත් හා අර්බුද පැන නැග ඇති බව අවධානයට ගත යුතුය. සංස්කෘතික අනන්‍යතා තුළ ඇති උරුමය වටහා ගැනීම වැදගත්ය. සන්සුන් සිතින් මැදහත්ව ජීවත්විය යුතු අතර සොබා දහම හා සමීපවීම සාර්ථකත්වයට හේතුව බව ඉතිහාසය මනාව සනාථකර ඇති ධර්මතාවයකි.

බලයට උඩගු නොවී සාමාන්‍ය සෙබලෙකු සේ සිටි සුලෙයිමානි

ප්‍රතිචාරයක් ලබාදෙන්න

m prash

2020/01/08 – ලංකාදීප

ඉරාන හමුදා ප‍්‍රධානි කසෙම් සුලෙයිමානි ගේ ඝාතනය ලෝකය පුරා කැළඹීමක් ඇති කර තිබේ. ඉරාකයේ බැග්ඩෑග් ගුවන් තොටුපොල අසල දී එල්ල කරන ලද ඩෝන ප‍්‍රහාරයකින් ඔහු ජීවිතක්ෂයට පත් විය. ඇමරිකානු ජනාධිපති ඩොනල්ඞ් ට‍්‍රම්ප් ගේ අනුදැනුම ඇතිව මෙම ප‍්‍රහාරය එල්ල කරන ලද බව සදහන්ය. ඉරානයේ උත්තරීතර නායකයාට පසු බලවත්ම චරිතය වශයෙන් ඉමහත් ගෞරවයට පාත‍්‍ර වි සිටියේය. මරණයෙන් පසු දෙවියන්ගේ දොරටුව විවෘත වන යහපත් පුද්ගලයන්ගේ වරම ජීවත්ව සිටිය දී හිමිකරගෙන සිටි හෙතෙම ඉරානයට එපිටින් ඇති මැදපෙරදිග රටවල ෂියා අයිතිවාසිකම් වෙනුවෙන් පළ කළ නිර්භීත බව එයට හේතු විය.

ඝාතනයට ලක්වන විට සුලෙයිමානි, ඉරාක යේ නිල සංචාරයක නිරතව සිටියේය. එරට අගමැතිවරයා මුණගැසීමට නියමිතව සිටි අතර ත‍්‍රස්තවාදියෙකු නොවන හමුදා නායකයෙකු වෙනත් රටක දී ඝාතනය කිරීම ඇමරිකානුවන් පවා මවිත කළ කාරණයකි. එක්සත් ජාතීන්ගේ සංවිධානයේ අයුක්ති සහගත ඝාතන සම්බන්ධ නිලධාරිනිය ඇතුළු ලෝක නායකයෝ සිද්ධිය හෙළා දැක නිවේදන නිකුත් කර ඇත. ත‍්‍රස්තවාදය තරමටම බලහත්කාරය වර්ධනය වී ඇති අතර ඩ්‍රෝන තාක්ෂණය වැනි උපක‍්‍රම ඉදිරියේ ආරක්ෂාව සම්බන්ධ බරපතල ගැටළු පැන ලෝකයේ පැන නැගී ඇති බව පෙනේ.

1980-88 කාලයේ ඉරාන ඉරාක යුද්ධයේ දී සොලෙයිමානි ගේ දක්ෂතාවය කැපී පෙණින. අයිසිස් ත‍්‍රස්තවාදීන් සමග සටන් කරන විට ඇමරිකාව පැත්තේ සිටි සුලෙයිමාන් ඉරාකය ගලවා ගත්තේය. එය සුලෙයිමානි ගේ නායකත්ව දක්ෂතාවයයි. ෂියා නායකයන් ශක්තිමත්කර මැදපෙරදිග කලාපයෙන් ඇමරිකාව පලවා හරින ප‍්‍රයත්නයේ දී ඔහු ත‍්‍රස්තවාදියෙකු බවට පත්වන බව පෙන්වා දිය යුතුය. මෙම සංකීර්ණ ස්වභාවය තුළ සොලෙයිමාන් එක භූමිකාවක දී වීරයෙකි. තවත් අවස්ථාවක ත‍්‍රස්තවාදියෙකි.  ඇමරිකානු නායකයා කියන පරිදි  නියම් හෝ අනියම් ලෙස ලක්ෂ සංඛ්‍යාත මිනීමැරුම් වලට ඔහු වගකිව යුතුය. එහෙත් ෂියා ජාතිකයන්ට සුලෙයිමානි දැවැන්ත වීරයෙකි. මැදපෙරදිග එක්සත් කරන ප‍්‍රයත්නය ඉදිරියට ගෙන ගිය පුද්ගලයාය. ෂියා දර්ශනය අනුව ඉරානය මෙහෙය වූ නොපෙනෙන හස්තය සේ ක‍්‍රියා කළේය. ජාත්‍යන්තර ප‍්‍රජාව ඔහු ගැන විමසිලිමත්ව සිටි හේතුව ද එයයි.

ඉරාක යුද්ධයෙන් පසු මේජර් ජනරාල් ධුරයට පත් කරන ලද සුලෙයිමාන් අනුගමනය කරන ලද දර්ශනය අනුව එරට කැපී පෙනෙන චරිතයක් විය. ඔහු බලයට බලවත් කෑදරකමක් දැක්වූයේ නැත. තනතුරු හෝ වරප‍්‍රසාද මායිම් කළේ නැත. යුද බිමේ දී සාමාන්‍ය සොල්දාදුවන් ඇසුරෙහි ගැවසුන අතර බලවත් ආත්ම ශක්තියක් පෙන්නුම් කළේය. කවර හෝ මොහොතක හෝ මරණය එතැයි සූදානමින් ලක්ෂ පහකට වැඩි භට පිරිසකට නායකත්වය දුන් හෙතෙම තමන් මිය ගිය පසු සාමාන්‍ය සොල්දාදුවෙකු සේ සලකා සොහොන් කොත සකස් කරන සේ ඉල්ලා තිබුණි. ජීවත්ව සිටිය දී පමණක් නොව මරණයේ දී ද ඉහළම බුහුමන් ඉල්ලන යුද නායකයන්ට සුලෙයිමානි කදිම ආදර්ශයකි. ඉහළම තාන්තර හෝ තරු පහේ ජීවිත පසෙකට කරන ලද හෙතෙම ඉරාන රජයේ නිල සාකච්ඡා වලට සහභාගීවන විට පවා වඩා අවධානයට නොගැනෙන තැනක සාමාන්‍ය අසුනක් තෝරාගෙන පැත්තකට වී සිටි බව ප‍්‍රකාශවෙන කරුණකි.

මැදපෙරදිග රටවල් අතර ෂියාවරුන්ගේ එක්සත් භාවය වෙනුවෙන් ක‍්‍රියාකරමින් සිටි සුලෙයිමානි ගේ මරණය සමග ඔහු ගේ අභිමතාර්ථ සාක්ෂාත් කරන මාවත උදා වෙමින් තිබෙන බව නිරීක්ෂණය කළ හැකිය. ඉරාක පාර්ලිමේන්තුව විදේශ හමුදා ඉවත්කරන යෝජනාවක් වහාම සම්මත කළේය. යේමනය, සිරියාව, ඉරාකය, ලෙබනනය ඇතුළු මුළු මැදපෙරදිග රටවල් පවා එක මිටට එකතු වී සිටී. ඉරානය රක්ත වර්ණ ධජය ඔසවා ඇති අතර නුදුරු කාලයේ මතුවිය හැකි තත්ත්වය උණුසුම් විය හැකිය. ඉරාකයේ සිට දේහය රැගෙන යන විට ලක්ෂ ගණනින් ඔහු වෙනුවෙන් එකතු වූ අතර අවසන් කටයුතු සිදුවන අවස්ථාවේ දී මිලියන පහලොවකට වැඩි ජනකායක් එකතුවනු ඇතැයි බටහිර මාධ්‍ය වාර්තා කර තිබුණි. සාමාන්‍ය සෙබලෙකු සේ මිහිදන් කරන සේ ඉල්ලා සිටි සුලෙයිමාන් වෙත ඉරාන ජනී ජනයා පෙල ගැසී බුහුමන් දක්වන්නේ මන් ද යන කාරණය පරෙස්සමෙන් අධ්‍යයනය කළ යුතුය.

Older Entries