කොරෝනා මැඩගෙන නව ගමනකට ආරම්භයක්

ප්‍රතිචාරයක් ලබාදෙන්න

 

 

m prash

2020/06/03 – ලංකාදීප

කොවිඞ් 19 ලෝක වසංගතය කෙබදු අවසානයක් කරා ගමන් කරන්නේ ද යන්න නිශ්චිත නැත. ජීවිත විශාල සංඛ්‍යාවක් අහිමි වනු ඇත. ආර්ථිකය බිද වැටේ. සියළු වියදම් අභිබවා සෞඛ්‍ය පිරිවැය ඉහළ යන්නට ඉඩ තිබේ. වයිරසය පරාජය කරන ප‍්‍රතිකාර සොයා විද්‍යාත්මක පර්යේෂණ සිදුවන බව ලෝකයේ දසතින් අනාවරණය වෙයි. ව්‍යාප්තිය පාලනය කර ජන ජීවිත ආරක්ෂා කරගන්නට ශ‍්‍රී ලංකාව සමත්විය. ලෝකයේ ඉතා දියුණු රටවල තත්ත්වය හා සසදන විට එය කැපී පෙනෙන ලක්ෂණයකි.

මිනිසුන් ජීවත් කරවීමේ පියවර වැදගත් බව සලකා ආණ්ඩුව තීරණ ගත් බව පැහැදිලිය. වලක්වා ගැනීම සදහා බල කරන අතර සහන අවශ්‍ය ජන කොටස් වලට ආධාර සැපයීය. අවශ්‍ය අවස්ථාවල තද තීරණ ගෙන ජනතාව නිවෙස්වලට සීමා කළේය. ආර්ථික ක‍්‍රියාවලියට එයින් අත්වන ඉරණම නොසලකා හැරියේය. දේශපාලන ව්‍යුහය අභිබවා තාක්ෂණික අංශ ඉදිරියට පැමිණියේය. නිලධාරීහු වැඩ කළහ. විශේෂයෙන් සෞඛ්‍ය කාර්ය මණ්ඩලයේ කැපවීම ඉහළින්ම තිබුණි. පොලිසිය හා ත‍්‍රිවිධ හමුදාව දිවා රාත‍්‍රිය නොසලකා සේවය කළහ. දේශපාලනඥයන්ගේ නියෝග වලට අවතන වෙමින් සහ දේශපාලන නායකයන්ගෙන් උත්තරයක් එන තෙක් තීරණ නොගන්නා ආකෘතියක තිබුණ රට අනෙක් ක‍්‍රමයකට හැරිණි. විශේෂඥ අදහස් වලට ජනී ජනයා අවනත වූහ. සියළු මතවාද පැත්තකින් තබා එක අදහසකට ගොනුවූ අතර එය මෑත ඉතිහාසය තුළ දේශපාලනයට කළ නොහැකි වූූ දෙයකි. ප‍්‍රජාතන්ත‍්‍රවාදී පාලනය පැත්තකට කළ යුතු බවක් මෙයින් අදහස් නොකෙරේ. අවස්ථානුකූලව සිදුවූ එම කේන්ද්‍රීය වෙනස රට යහපත් තැනකට ඔසවා තිබේ.

කොවිඞ්-19 වයිරසය මැඩ පැවැත්scan0245වීමෙන් පසු ලෝකය අලූත් ආරම්භයකට ගමන් කරනු නිසැකය. ආර්ථිකය, සෞඛ්‍ය, අධ්‍යාපන, ප‍්‍රවාහන හා නිෂ්පාදන ඇතුළු සියළු පැති නවතම විද්‍යාත්මක හා තාක්ෂණික යුගයකට ඇතුළුවීමක් අපේක්ෂා කළ හැකිය. විකල්ප ව්‍යුහ හැදෙන්නට බැරි නැත. සාමාන්‍යයෙන් මෙතෙක් තිබුණ ලෝකයේ ගමන් මග තිබුණ වේගය වඩා ඉක්මන්වීමට ඉඩ තිබේ. ඩිජිටල්කරණ භාවිතාව, සමාජ දුරස්ථකරණය වඩා ප‍්‍රායෝගික කරන්නට අවකාශ සලසනු ඇත. එමගින් ලබාගත හැකි අවස්ථා නොසිතන, නවතම පැති විවර කරන්නට ඉඩ තිබේ. ශ‍්‍රී ලංකාව රටක් වශයෙන් මෙකී පරිවර්තනය ගැන අවධානය යොමු කරන්නට අවශ්‍යය. වයිරසය තවමත් පවතින අතර වැඩ කරන්නට සූදානම්වීම කාලෝචිතය. ජනතාව ආරක්ෂා කරගැනීමේ අවකාශයෙන් පසු ජීවනෝපාය නැවත අරඹන අභියෝගය එල්ල වී තිබේ.

අර්බුදකාරි අවස්ථාවක ගත යුතු තීරණ ඉමිහිරි ඒවා නොවේ. තද තීන්දු හා ප‍්‍රතිසංස්කරණ හැර අනෙක් මාවතක් නැත. රට නැවත සකී‍්‍රය කරනු අරමුණු කරගෙන අනුගමනය කරන ප‍්‍රතිපත්ති වලින් ආණ්ඩුවට ජනප‍්‍රියත්වයක් නොලැබේ. දේශපාලන ප‍්‍රතිරූප ගැටළු සහගත තැනකට පත් කරනු ඇති අතර එහි අවසාන ප‍්‍රතිපලය නැවත පැවැති පුරුදු විලාසය මතුකිරීමය.

මාස දෙකක පමණ කාලයක් නිලධාරීන් භාරයේ තිබුණ පාලනය නැවත දේශපාලනඥයන්ගේ අතට මාරු වන මොහොත උදා වී තිබේ. ජීවනෝපාය අරඹන පියවරට සමාන්තරව එය සිදුවෙමින් පවතින බව දැක්විය යුතුය. වයිරසයේ ග‍්‍රහනයෙන් ගැලවෙමින් වැඩ පොලට යන අතරවාරයේ නැවත දේශපාලන හඩට අවනත විය යුතුය. දේශපාලනඥයන් හැසිරෙන අන්දම ගැන ජනතාව ප‍්‍රශ්න කරන්නට පටන්ගෙන ඇත. එයට යම් විරුද්ධතා පැන නැගෙමින් තිබේ. එය ප‍්‍රජාතන්ත‍්‍රවාදයේ තවත් ලක්ෂණයකි. අසාධාරණකම්, සමාජ වෛරය සහ එහි ප‍්‍රතිපලයක් ලෙස ගැටුම් ඇති විය හැකිය.

පවතින අවකාශය තුළ ජනතාව සතු වගකීම ඉමහත්ය. කොතැන, කෙලෙසක කුමක් සිදුවුව ද තමන් ආරක්ෂා විය යුතුය. පාලනය කරගෙන ඇති වයිරසයේ දෙවැනි රැල්ලක් නැගෙන්නට ඉඩ තිබේ. රෝහල්වල හදිසි  ප‍්‍රතිකාර ඒකක වලට දරාගත හැකි මට්ටම අභිබවා ගියහොත් බලවත් අනතුරකි. පක්ෂ හා විපක්ෂ මතවාදවලින් පැන නැගෙන තත්ත්වය අනෙනකි. නැවත සාමාන්‍යකරණය වන අවස්ථාවක නිසි පිලිවෙත් අඛණ්ඩව අනුගමනය කර ස්වකීය ආරක්ෂාව කෙරෙහි සැලකිල්ල ඉතාම වැදගත්ය.

 

 

 

 

 

 

ප‍්‍රතිකාර, ආර්ථිකය හා මානසික ශක්තිය

ප්‍රතිචාරයක් ලබාදෙන්න

m prash

 

2020/03/18 – ලංකාදීප

කොරෝනා හමුවේ ප්‍රතිකාර; ආර්ථික අභියෝග ජය ගැනීම

අර්බුදකාරී අවස්ථාවක නිවරැුදි තීරණ ගැනීම ඉතාම වැදගත්ය. කොවිඞ් -19 වයිරසය වසංගතයක් වශයෙන් ලෝක සෞඛ්‍ය සංවිධානය ප‍්‍රකාශයට පත් කර තිබේ. ශ‍්‍රී ලංකාව ඇතුළු ලෝකයේ රටවල් එකසිය තිහකට වඩා වයිරසයේ බලපෑමට ලක්ව සිටී. අලූත් දශකයකට එනම් වසර 2020 න් පසු එළැඹෙන කාල වකවානුවට සැහැල්ලූවෙන් මුහුණදෙන බලාපොරොත්තු සහිතව සිටි ජගත් ප‍්‍රජාව ආරම්භයේ දීම නොසිතූ අභියෝගයක් අභිමුවෙහි පසුවෙයි.

ලෝක ඉතිහාසය තුළ මෙවැනි වසංගත තත්ත්ව නොයෙක් යුගවල පැවැතිණි. ජාත්‍යන්තර ප‍්‍රජාව, ඉතිහාසයේ අත්දැකීම් සහිතව අර්බුද හමුවේ තීරණ ගන්නා අතර විද්‍යාව හා තාක්ෂණයේ දියුණුව අද වන විට බලවත් ශක්තියක් වී තිබේ. සොබා දහමට විරුද්ධව මනුෂ්‍යයා යන ගමන මෙවැනි අනපේක්ෂිත විපත් වලට හේතුව බවට මතයක් පවතී. සොබා දහම හා මනුෂ්‍යයා අතර පවතින තර`ගකාරීත්වය වශයෙන් දැක්වීම සුදුසු බව මගේ විශ්වාසයයි. සොබා දහමට එරෙහිව කරන විනාශ හෙයින් පැන නැගෙන ප‍්‍රශ්න වලට එරෙහිව නැගී සිටින මනුෂ්‍ය ප‍්‍රජාව, ඒවාට උත්තරයක් වශයෙන් නැවත වටයකින් අලූත් දේ සොයා ගනිමින් සිටිති. එය සදාතනික – සෞම්‍ය අරගලයකි.

සිංගප්පූරුව වසංගත තත්ත්වයට  මුහුණ දෙන අන්දම අධ්‍ය්‍යනය කිරීම සුදුසුය. කුඩා රටක් වශයෙන් ජාත්‍යන්තරය සමග ඉතාම විවෘතව කටයුතු කරමින් ඉතා දියුණු ආර්ථිකයක සිටියේය. සමාජ ගෝලීයකරණයට කදිම උදාහරණයක් විය. කොවින්-19 වසංගතයට ඉක්මනින්ම ගොදුරුවීමට එය එක හේතුවකි. සිංගප්පූරු අගමැති ලී ෂියාන් ලූන් මහතා වරින් වර ජාතිය අමතන අතර සමාජය අධිෂ්ඨානශීලීව තබා ගැනීම අරමුණු කරගෙන වැදගත් අදහස් ඉදිරිපත් කරයි. අගමැතිවරයාට අනුව වයිරසයට මුහුණදීමේ දී සලකා බැලිය යුතු කරුණු තුනක් තිබේ. එකක් සෞඛ්‍ය කටයුතුය. ආර්ථිකය හා මානසික තත්ත්වය ගැන අවධානය යොමු කිරීම අනෙක් ඒවාය. සිංගප්පූරුව ලෝකයේ හො`දම සෞඛ්‍ය පහසුකම් සහිත රටවල් අතරින් එකකි. සිය වැසියන් වෙන්කර තබන හා නිරෝධායනය කරන පිලිවෙල ප‍්‍රමිතියකට අනුව කරගෙන යන බව පෙනේ. සියළු දෙනා රෝහල් ගත කිරීම උත්තරය නොවන බව දක්වා ඇත. ආර්ථිකය ඉතාම නරක ප‍්‍රතිවිපාක වලට මුහුණ දෙන බව අගමැතිවරයා ගේ අදහසයි. ගුවන් සේවා, සංචාරක, ප‍්‍රවාහන, සෞඛ්‍ය හා පිරිසිදු කරන අංශ වලට අයත් පිරිස ගැන අවධානය යොමු කර ඇත. රාජ්‍ය හා පුද්ගලික අංශයේ කර්මාන්ත හා ව්‍යාපාර මුහුණ දෙන ඉරණම සලකා බලා වහා සහන දිය යුතු බව යෝජනා කරන අතර ගිග් ඉකොනොමි නොඑසේනම් වහා පැන නැගෙන අවස්ථා තුළින් යැපෙමින් සිටි අර්ධ කාලීන වෘත්තිකයන් ගැන වැඩිපුර අවධානයක් යොමු කළ යුතු බව කියා තිබේ. මෙම සියළු පැති අතර පුරවැසියන්ගේ මානසික තත්ත්වය ආරක්ෂා කරගැනීම අවශ්‍යයැයි දක්වයි. කාර්යාල වසා සේවකයන් නිවාඩු සිටින කාල වකවානුවේ දී තාක්ෂණය භාවිතා කර පුහුණුව ලබා දිය යුතු අතර එම ක‍්‍රමවේදය මගින් නැවත වැඩට එන විට ශක්තිමත් හා අලූත් අදහස් ඇති ශ‍්‍රම බලකායක් නිර්මාණය වන ඇති බව අගමැති ලී ෂියාන්ගේ මතයයි.

ශ‍්‍රී ලංකාව ද කොවිඞ් -19 වයිරසය ජය ගෙන ආපසු නැගී සිටින විට කලින් තිබුණ තත්ත්වයට වඩා ජයග‍්‍රාහී ඉදිරි පිම්මකට සූදානම්වීම වැදගත්ය. කාර්යක්ෂමතාව, කළමණාකාරීත්වය සහ සමාජ විනය අලූතින් හදා ගත හැකිය. රටක් එක කාලයක් වැඩ නොකරන තැනක සිට අලූතින් වැඩ කරන තැනට පත් කරන විට අලූත් තීරණ ගත හැකිය. තාක්ෂණයට යොමුවීම මෙහි ඇති වැදගත්ම සාධකයයි. සියළු පැති ගැන අලූතින් හිතන ආර්ථික කාර්ය සාධන බලකායක් රටට අවශ්‍යය. වයිරසයේ බලපෑම අඩුම තරමින් වසරක් පමණ පවතිනු ඇති බව ජගත් පර්යේෂකයන්ගේ අදහසයි. එම කාලය තුළ මානසිකත්වය ඉහලටම ගෙන රට වෙනුවෙන් අලූත් අරමුණකින් වැඩ කරන පරම්පරාවක් බිහි කළ යුතුය.

මෙම අභියෝගාත්මක මොහොතේ වගකීමක් ඇතිව සේවය කරන සෞඛ්‍ය, බලශක්ති, පොදු ප‍්‍රවාහන, කසල කළමණාකරන සහ සන්නිවේදන ඇතුළු සියළු අංශ රටට දෙන ශක්තිය ඉතාම වැදගත්ය. අන්ධකාර අවස්ථාව පසුකර නැවත ආලෝකය වෙත ළගාවන නැවුම් මොහොත ඉතා වැදගත් ඉලක්කයක් විය යුතුය. අභියෝග අවස්ථාවක් කරගත යුතු අතර දක්ෂ මානව සම්පතක් ඇති ශ‍්‍රී ලංකාව ආත්ම විශ්වාසය සහිත භූමියක් බව අමතක කළ යුතු නැත.  මෙම මොහොතේ තද තීරණගත යුතුව තිබේ. නායකත්ව ලක්ෂණ අවශ්‍යය. පටු දේශපාලනය පැත්තකට කිරීම සුදුසුය. සියළු දෙනාට වෙනස් මත තිබිය හැකිය. දේශපාලන අදහස් මතු කරන්නට බැරි නැත. ඉක්මනින් තීරණ ගෙන ඒවා ඉක්මනින් ක‍්‍රියාවට නැංවීම හැර අනෙක් සියළු දේ වලංගු නැති බව පෙන්වා දිය යුතුව තිබේ.

 

 

 

 

m prash

නායකත්වය නැති නායකයෝ

ප්‍රතිචාරයක් ලබාදෙන්න

 

 

m prash

2020/03/11 – ලංකාදීප

නීතිඥ කොල්වින් ආර්. ද සිල්වා මහතා මෙරට දේශපාලන ඉතිහාසය තුළ කැපී පෙනෙන චරිතයකි. පළමු මාක්ස්වාදී පක්ෂය වශයෙන් ලංකා සමසමාජ පක්ෂය පිහිටුවන කණ්ඩායමේ  සිටි ප‍්‍රබලයෙකි. 1907 වසරේ බලපිටියේ දී උපත ලබා ඇති හෙතෙම 1989 පෙබරවාරි 27 වැනි දා ජීවිතක්ෂයට පත්වූ අතර වර්තමාන දේශපාලන පරම්පරාවේ වැඩිදෙනෙකු නොදන්නා බව නිසැකය.

නිදහස ලැබුණ කාල වකවානුව හෙතෙම අත් විදින්නට ඇත. සිංහල දෙමල ගැටුම්වල මුල් භාගයේ සිට ජූලි කලබලය තෙක් සිද්ධි ගැන අවධානයක සිටි බව නිසැකය. දකුණේ හටගත් තරුණ කැරළි වල පසුබිම ගැන අවබෝධයක ඉන්නට ඇත. ඔහු ගේ දේශපාලන ක‍්‍රියාකාරීත්වය හා රටට කළ සේවය අනෙකකි. එය සාකච්ඡා කිරීම මෙහි අරමුණ නොවේ. එහෙත් කොල්වින් ආර්. ද සිල්වා මහතා එක්තරා අවස්ථාවක ‘‘අපට නායකයන් සිටි නමුත් නායකත්ව නොතිබුණ’’ බව සදහන් කර තිබේ. මෙම සදහන කරන්නේ නිදහස සදහා අධිරාජ්‍යවාදීන් සමග කරන ලද ගැටුම්, අරගල හා යුද්ධ ගැන සදහනක් වශයෙනි. අතීත සිද්ධි පාදක කරගෙන කරන ලද නායකත්ව ගුණාංග සම්බන්ධ ප‍්‍රකාශය අදට ද අදාල කාරණයකි. රටට නායකයෝ සිටිති. නායකත්ව තිබේද? ජාතික, ආගමික. අධ්‍යාපනික සහ දේශපාලන ඇතුළු සියළු අංශ වලට මෙය අදාලය. ව්‍යාපාරික හෝ සේවා අංශ වල දී පවා ප‍්‍රමුඛ නායකයෝ සිටිති. එහෙත් නායකත්ව ලක්ෂණ දුලබය. එය බලවත් ගැටළුවකි.

ලංකාව පහසුවෙන් පාලනය කරන පිලිවෙලක් වශයෙන් අධිරාජ්‍යවාදීහු මෙරට නායකත්ව මර්දනය කළහ. එකිනෙකා අතර ගැටුම් ඇති කර බේධ අවුලූවන ලද අතර අධිශ්ඨානයකින් යුතුව සංවිධාන ගතවීම වලක්වන ලදහ. පාලකයන් සුළු පිරිසකට රට පාලනය කරන්නට එම උපාය ප‍්‍රයෝජනයට ගත් අතර ලාංකිකයන් අතරින්ම තෝරා ගත් කොටසකට තාන්න, මාන්න හා වරප‍්‍රසාද පවරා රට වහල් භාscan020,,0වයෙකින් පවත්වාගෙන යන්නට හැකිවිය. රට නිදහස ලැබූ නමුත් නිවහල් වී නැත. අධිරාජ්‍යවාදී පිලිවෙල අනියමින් බලපැවැත්වෙයි. අදට ද තනතුරු, වරප‍්‍රසාද, නම්බුනාම වලින් පුද්ගලයෝ පැත්තකට කරන උපාය ක‍්‍රියාත්මකය. එහි ප‍්‍රතිඵලයක් ලෙස නායකත්ව ලක්ෂණ යට කර නායකයෝ බිහිකර තිබේ. අධිරාජ්‍යවාදීන්ගේ උගුලෙන් ගැලවෙන මග අනාවරණය කරගෙන නැත. සුළු තනතුරක්, යම් වරප‍්‍රසාදයක් වෙනුවෙන් නායකයෝ වශයෙන් හැසිරෙන අතර එය කිසිසේත් නායකත්ව ගුණාංගයක් සේ දැක්වීම අනුචිතය.

ආත්මාර්ථකාමීත්වය නායකත්ව ගුණාංගයක් නොවේ. කුහකබව නොතිබිය යුතුය. එහෙත් මෙකී නුගුණ මෙරට නායකයන් අතරින් බොහෝ දෙනෙකු තුළ යහමින් තිබේ. නායකත්ව තුළ පවතී. පටු අභිමතාර්ථයන් ඉක්මවන පුලූල් අධ්‍යාශය නායකත් වසතු ලක්ෂණයකි. ගැඹුරු දාර්ශනික ප‍්‍රතිපත්ති වලට අනුව ක‍්‍රියා කරයි. එයින් රටත් ජනතාවත් ඉහළට ඔසවා තැබේ. ලෝකය වෙනස් කළ චරිත එවැනි හැබෑ පරිත්‍යාගයකින් ලබාදුන් නායකයෝ වූහ. පොදු අරමුණකින් විශිෂ්ඨත්වය වෙනුවෙන් පෙනී සිටි අතර එහි දී කිසිම පුද්ගලික අපේක්ෂාවක නොසිටියහ. ජනතාව අතරින් නැගී සිටි එවැනි පිරිස් එතෙර සහ මෙතෙර ඉතිහාසය තුළ අමරණීය වී තිබේ. මෙකල, මෙරට අමරණීය විය හැකි නායකයෝ සිටිත්ද? සිටිති එහෙත් සුළු පිරිසකි. තමන් නායකයෙකු ද යන්න කැඩපත හමුවට පැමිණ අපගෙන්ම ප‍්‍රශ්න කළ යුතුය.

අධිරාජ්‍යවාදීහු නසා විනාශ කරන ලද උරුමය යළි ගොඩනැගීමට යුහුසුළුවීම අපගේ වගකීමකි. අප සියළු දෙනාම අනෙකා ගැන සිතන, වගකීම භාරගන්නා නායකයෝ විය යුතුය. ජන සමාජය වෙනුවෙන් කරන කැපවීම හා පරිත්‍යාගය නායකත්වයේ ගුණාංග අතර වැදගත් තැනක පවතින බව වටහා ගත යුතුය. කොල්වින් ආර්. ද සිල්වා මහතා අදහස් කළේ අධිරාජ්‍යවාදීන් පලවා හැරීමට කරන ලද සටන ගැනය. අධිරාජ්‍යවාදීන් ඉතිරිකර ගිය දෙයින් ගැලවීමට ද එය වැදගත් අදහසකි.

 

 

 

 

ආයුබෝවන් සමාචාරයේ අපේ සෞඛ්‍යමය යහපත් සිරිත

ප්‍රතිචාරයක් ලබාදෙන්න

m prash

2020/03/04 – ලංකාදීප

අනන්‍යතාව සම්බන්ධ ගැටළුවක් රටට තිබේ. වසර දෙදහස් පන්සියයකට වැඩි ඉතිහාසය ගැන ආඩම්බරයෙන් කතා කරයි. වසර තිස් පන්දහසක කාලයක සිට මානව ජනාවාස තිබුණ බවට සාක්ෂි ඇත. මෙපමණ දීර්ඝ අතීතයක් පවතින නමුත් ශ‍්‍රී ලාංකේය අනන්‍යතාව හමවේ එකගතාවයක් නැත. එයට හේතුවක් තිබේ. බෙදීම් බහුලය. ජාති, ආගම් හා භාෂා වශයෙන් මිශ‍්‍රවීමක් තිබේ. රටට එල්ල වූ ආක‍්‍රමණ මෙකී මිශ‍්‍රවීම හා බේදීම් ඇති කරන ලද බව සදහන් කළ යුතුය. චෝල ආක‍්‍රමණයේ සිට අවසානයේ දී ඉංග‍්‍රීසි ජාතිකයන් දක්වා ලංකාව යටත් කරගත් අතර බැහැර සිට පැමිණි නොයෙක් ජාතීන් එකනෙකට වෙනස් ඇවතුම් හා පැවැතුම් වලට යටත් කළහ. මෙම ආක‍්‍රමණ නතර වී නැත. අද වෙනස් මුහුණුවරකින් සිදුවෙයි. රට රටවලට යන එන හා එම රටවල් සමග පවත්වන සම්බන්ධතා එයට පාදක වී ඇත.

ජන සමාජය එකතු කර එකමුතු කිරීමේ දී ශ‍්‍රී ලාංකේය අනන්‍යතාවයක් ඇති කිරීම අවශ්‍යය. අපේකම සම්බන්ධයෙන් පවතින දුබලතා රට ගොඩනැගීමේ  දී බරපතල බාධකයක් වී තිබේ. ඇදුම පැළදුම, කතා බහ, චාරිත‍්‍ර වාරිත වල සිට සියළු දේ ගැන අලූතින් අවධානය යොමු කිරීම වැදගත්ය. සියළු දෙනා රට එකතු කරන්නට අවශ්‍ය බව ප‍්‍රකාශ කරති. එහෙත් ක‍්‍රියාවට නැගෙන්නේ නැත. අපේකම ගැන නොතැකීම එයට ඇති බලවත් බාධකයකි.

ආයුබෝවන්scan0152 කියන්නට අපට මැලිකමක් තිබේ. එය හොද ප‍්‍රාර්ථනයකි. අමුත්තන් හමුවන විට ආයුබෝවන් කියා එකිනෙකා සමාචාර පවත්වා ගැනීමට යම් ප‍්‍රවේශයක තිබුණ නමුත් අද එය අමතක වී තිබේ. අතට අත දෙන වෙනත් රටක සිරිත වෙනුවට අත් එකතු කර ආයුබෝවන් යැයි සුබපතන්නට නොහැකි මන්ද?

ලෝකයේ නොයෙක් රටවල අනන්‍ය ආචාර විධි තිබේ. බටහිර රටවල කරන සිප වැළද ගැනීම අපට නුහුරුය. ශරීර ස්පර්ශය අවදානමක් වන තරමට හැරී තිබීම අනෙකකි. ලොව පුරා පැතිරෙන කොරොව් -19 වසංගතය ඉතාම භයානක තැනකට හැරී තිබේ. රෝගී පිරිස ස්පර්ශ වීම වයිරසය පතුරවන්නට හේතු වී ඇති බව ප‍්‍රකාශවෙයි. අමුත්තන් හමුවන විට මුළු ගැන්වෙන තත්ත්වයක් අද උදා වී ඇත. අත් එකතු කර ආයුබෝවන් යැයි ප‍්‍රකාශ කිරීම ගැලපෙන සුබපැතීමකි. අපගේ අනන්‍ය ක‍්‍රමය ජගත් ප‍්‍රජාව අතරට යැවිය හැකි අවස්ථාවක දී නිසි පියවර ගැනීම සුදුසුය.

අතට අත දෙන ආචාර ක‍්‍රමය බටහිර අධිරාජ්‍යවාදීන්ට යටත්ව සිටි කාලයේ දී ලංකාවට හුරු වී ඇත. ඉහළ පැලැන්තියේ ස්වදේශිකයන් අතට අත දී බටහිර අනුගමනය කළහ. අතට අත දෙන සම්ප‍්‍රදායක් බි‍්‍රතාන්‍ය රදලයන් අතර නිර්මාණය වන හේතුව ද අවධානයට ගැනීම වැදගත්ය. තමන්ගේ හුරු අත ඉදිරියෙන් සිටින අමුත්තාට දෙන විට ඔහු ට දෙන පණිවුඩයක් ඇත. තමන්ගේ කඩුව ඇද සටනකට සූදානම් නැති බවය. ඉදිරියෙන් සිටින්නා කඩුව හුරු අත තමන්ට දෙන විට මිත‍්‍රයෙකු බව වටහා ගන්නා අමුත්තා ද සිය හුරු අත පා සටනකට සූදානම් නැති බව අගවයි. අදට නොගැලපෙන මෙම ක‍්‍රමය නඩත්තු කරන්නට ශ‍්‍රී ලාංකිකයන් වශයෙන් අප උනන්දු වන්නේ ඇයි? බටහිර ඇදුමකින් සැරසී අතට අත දෙනු වෙන්වට රටට ගැලපෙන ක‍්‍රමයකට යා යුතුය.

ආයුබෝවන් යැයි ප‍්‍රකාශ කිරීම පෙරදිග ක‍්‍රමයයි. ඉන්දියාව අත් එකතු කර නමස්තේ වශයෙන් ප‍්‍රකාශ කරන අතර ජපානය ක`ද ඉදිරියට නවා තමන්ගේ ලැදියාව දක්වයි. දෙතුන් වතාවක් කද නවා ආචාර කරන විට අමුත්තා කෙරෙහි ඇති සැලකිල්ල ඉහළ බව පිලිගත යුතුය. ඉන්දියාව, ජපානය හෝ බි‍්‍රතාන්‍ය අනුගමනය කළ යුතු නැති ශ‍්‍රී ලංකාව ලාංකිකත්වය දැක්වෙන ආචාර විධියකට හුරුවීම සුදුසු බව සදහන් කළ යුතුව ඇත.

 

 

 

 

ව්‍යවස්ථාදායකය අභිබවා යන බි‍්‍රතාන්‍ය අධිකරණය

ප්‍රතිචාරයක් ලබාදෙන්න

 

2020/02/26 – ලංකාදීපm prash

බි‍්‍රතාන්‍යයේ කරන ලද නවතම සමාජ සමීක්ෂණයකට අනුව අධිකරණය කෙරෙහි එරට වැසියන්ගෙන් සියයට අසූ එකක විශ්වාසයක් තිබේ. දේශපාලනඥයන් ගැන ඇති විශ්වාසය සියයට දහ හතරක් දක්වා පහත වැටී ඇත. ජනතා ඉල්ලීම මත යුරෝපා හවුලෙන් ඉවත්වන ප‍්‍රයත්නයක සිටින අතරවාරයේ පසුගිය මහ මැතිවරණයෙන් ද ජනතා කැමැත්ත දිනාගත් දේශපාලනඥයෝ කෙරෙහි අවිශ්වාසයක් ඇයි?

අනෙක් පැත්තක් ද තිබේ. බි‍්‍රතාන්‍ය අධිකරණයට හිමි ස්වාභාවික බලය අභිබවා ක‍්‍රියා කරන තැනට පත්ව ඇති බවට ද මතයක් පැන නැගී ඇත. හැම දෙයකටම අධිකරණයෙන් තීන්දුවක් ඉල්ලන තැනට පත්වීම ගැන පාලකයෝ නොසතුට පළ කරන බව දැක්වේ. ප‍්‍රජාතන්ත‍්‍රවාදය යනු ව්‍යවස්ථාදායකය, විධායකය හා අධිකරණය අතර බල තුලනයෙකි. ව්‍යස්ථාදායකය නීති සම්පාදනය කරන අතර අධිකරණය එය ක‍්‍රියාවට නංවයි. මේවාට වෙන වෙනම වගකීම් තිබේ. සීමාව ඉක්මවා යා යුතු නැත. නමුත් මෑත කාලය තුළ අධිකරණය දුන් තීන්දු කෙරෙහි බි‍්‍රතාන්‍ය ආණ්ඩුව තීරණාත්මක අවධානයක් යොමු කර ඇත. බි‍්‍රක්සිට් තීරණය ක‍්‍රියාත්මක කරන අර්බුදය හමුවේ එක් අවස්ථාවක දී පාර්ලිමේන්තුව කල් තබන ලද අතර  අධිකරණය එය ආපසු හැරවීය. අධිකරණය හා පාර්ලිමේන්තු ක‍්‍රමය අතර නොගැලපීම නිර්මාණය කළ තීරණාත්මක තැනක් වශයෙන්scan0068,, සදහන්ය.

එයට ප‍්‍රතිචාර  වශයෙන් පසුගිය මැතිවරණයෙන් ජයගත් බි‍්‍රතාන්‍ය ආණ්ඩුව අලූත් අධිකරණ ඇමැතිවරයෙකු පත් කරන ලද අතර ආණ්ඩුවට හිතැති නීතිපතිවරයෙකු ද පත් කරගෙන තිබේ. එයින් ඇති විය හැකි වාසි හෝ අවාසි ගැන මෙතෙක් අනාවරණය වී නැති නමුත් එම තීරණය පිටුපස පරිසරය, මානව හිමිකම් හෝ පුද්ගලික ප‍්‍රශ්න හමුවේ නිතර අධිකරණයට යන ක‍්‍රමය අඩාල කරන ප‍්‍රයත්නයක් පැවතිය හැකි බව දැක්වේ.

ඉකුත් දශකයක කාලය තුළ බි‍්‍රතාන්‍ය අධිකරණ පද්ධතිය බලය ඉක්මවා කි‍්‍රයා කර ඇති බව ආණ්ඩුවේ මතයයි. පරිසරය මානව හිමිකම් හෝ පවුලේ පුද්ගලික ප‍්‍රශ්න වෙනුවෙන් අලූතින් පනවන ලද අණ පණත් සහ අධිකරණයට බලය වැඩිපුර දිය යුතු බවට කලින් තිබුණ ආණ්ඩුවල උවමනාව අද පවතින අර්බුදයට බි‍්‍රතාන්‍ය තල්ලූ කර ඇති බව මැදහත් විචාරකයන් ඉදිරිපත් කරන තර්කයකි. විශේෂයෙන් කන්සර්වටිව් පක්ෂ අනුගාමිකයෝ එම පැත්ත කල්පනා කරති.

බි‍්‍රතාන්‍යයේ ශ්‍රේෂ්ඨාධිකරණ ක‍්‍රමය පිහිටුවන්නේ 2009 වසරේ දී ය. එතෙක් සාමි මණ්ඩලය ඉහළම අධිකරණය වශයෙන් සැලකිණ. ඉහළ මන්ත‍්‍රී මණ්ඩලයේ කොටසක් සාමි මණ්ඩලය නියෝජනය කළ අතර ව්‍යවස්ථාදායකය හා අධිකරණය අතර අවබෝධයක් ඇති කරගැනීමට එයින් අවකාශයක් සැලසී තිබුණි. සාමි මණ්ඩලය වෙනුවට බල ගැන්වුණ ශ්‍රේෂ්ඨාධිකරණ ක‍්‍රමය බි‍්‍රතාන්‍යයට අලූත් අත්දැකීමකි. එහි ක‍්‍රියාපටිපාටිය පරිනත වී නැත. ආණ්ඩුවක ප‍්‍රශ්න පැත්තකින් තබන ශ්‍රේෂ්ඨාධිකරණය දෙන තීන්දු ජනතාව කුල්මත් කරන නමුත් එයින් රටක පැවැත්මට ප‍්‍රශ්න ඇති කර තිබේ. අධිකරණය ජනතා ඡන්දයෙන් පත් නොවන අතර ජනතාව හමුවට යන මහජන නියෝජිතයන් ප‍්‍රායෝගිකව තීරණගත යුතු බව බි‍්‍රතාන්‍ය ආණ්ඩුවේ ස්ථාවරය වී තිබේ. නැවතත් සාමි මණ්ඩලයක ආකෘතියකට යා යුතු ද යන අදහස ද පැන නැගී ඇති අතර ව්‍යවස්ථාදායකය හා අධිකරණය අතර පෑහීම කිසියම් ආකාරයකට සිදුවිය යුතු බව මහජන නියෝජිතයන්ගේ අදහස වී තිබේ.

අධිකරණය දෙන තීන්දු ගැන ජනතා විශ්වාසය වර්ධනය වීම එකකි. ජනතාව ගේ පැත්ත ගැන කල්පනා කර තීන්දු දෙන විනිසුරුවරු ජනතා වීරයන් බවට පත්වන බව ද ඇත්තකි. ජනතා ඡන්දයෙන් ජනතාවගේ පොදු උවමනාවන් සාක්ෂාත් කරනු සදහා බලයට පත්ව ඇති ආණ්ඩුවක් අභිබවා යන තීන්දු වලින් ලැබන අවසාන ප‍්‍රතිඵලය කුමක් විය හැකි දැයි කිසිසේත් අවධානයට ගෙන නැති වැදගත් කරුණකි. අධිකරණ ආණ්ඩු ක‍්‍රමයක් විය හැකි අතර එය ප‍්‍රජාතන්ත‍්‍රවාදයට අත් පත් කරන වාසි අවාසි ගැන බලවත් අවධානයක් යොමු වී තිබේ.

 

 

 

 

ජනතා ප්‍රශ්ණ අබියස හිරවෙන නායකයෝ

ප්‍රතිචාරයක් ලබාදෙන්න

m prash

 

2010/02/19 – ලංකාදීප

ඉතාලියේ වෙනෙටෝ කලාපයේ කුඩා නගරයක මෑතක දී බලයට පත් නගරාධිපතිනිය සිය නගර වැසියන් වෙනුවෙන් වෙනම මනෝ උපදේශකවරයෙකු පත් කර ඇත. නිතිපතා වාර්තාවන දස දහසකුත් එකක් ප‍්‍රවෘත්ති මැද මෙම සිද්ධිය විශේෂ එකක් වශයෙන් ලෝක අවධානයට ලක් වී තිබේ. නගරාධිපතිනිය ඇන්ටොනෙල්ලා ආර්ජෙන්ති ය. මැතිවරණයේ දී ඇයට සෑහෙන ජනතා ප‍්‍රසාදයක් ලැබුණි. බලයට පත් වූ වහා බාධාවකින් තොරව ජනතා ප‍්‍රශ්න වලට සවන් දෙන තීරණයක පිහිටා කටයුතු කළාය. දුරකතන මාර්ග විවෘත කළ අතර කාර්යාලය ජනතා ප‍්‍රශ්න වලට සවන් දෙන තැනක් බවට හැරවීය. පසුගිය වසරේ මැයි මාසයේ බලයට පත් වූ ඇය තමන් වෙත එන මැසිවිලි වලින් හෙම්බත්වී සිටින්නීය. මනෝ උපදේශන සේවාව එහි ප‍්‍රතිඵලයකි.

‘‘ඔබ කිසිසේත් මෙම කතාව විශ්වාස කරන එකක් නැහැ’’ නගරාධිපතිනි ඇන්ටොනෙල්ලා ඉතාලියේ පුවත්පතකට ප‍්‍රකාශයක් අරඹන්නේ එසේය. ‘‘බලයට පත් වූ මුල් මාස කිහිපය තුළ සෑහෙන ජන කොටසක් මුණ ගැසෙන්නට පැමිණි අතර තරුණ, මහළු, කාන්තා, පිරිමි සහ නොයෙක් කණ්ඩායම් අතරින් බහුතරයකට තනිකම ගැන ප‍්‍රශ්න ඇති’’ බව දක්වයි. තමන්ගේ ගැටළුව නිවී සැනසිල්ලේ කියා ගන්නට කෙනෙකු නැත. නගරාධිපතිනිය හමුවී දහසකුත් දේ කියන්නට සියළුම දෙනාට උවමනා වී තිබුණ අතර අඩු තරමින් දුරකතන ඇමතුමකින් හෝ කතාකරන්නට අවශ්‍ය වී ඇත. එවැනි කතා බහ සාමාන්‍ය වේලාව ඉක්මවායයි. පැය ගණන් දුක්ගැනවිලි වලට සවන් දෙන නගරාධිපතිනිය ගේ පුද්ගලික ජීවිතය පවා සංකීර්ණ තැනකට පත්වූ බව දැක්වෙයි. අවසානයේ දී ජනතාවට සවන් දෙන මනෝ චිකිත්සකයෙකු පත් කරන අතර සමහරවිට එය එක්තරා විසදුමක් විය හැකි බව නගරාධිපතිනිය කියා සිටින්නීය.

අතිශය කාර්ය බහුල සංකීර්ණ ජීවන රටාව තුළ පැවැතිය හැකි ස්වභාවය ඉතාලියේ කුඩා නගරයක සිද්ධියෙන් අනාවරණය වන බව තේරුම් ගත යුතුය. ජනී ජනයාට ප‍්‍රශ්න තිබේ. වගකිවයුතු කාට හෝ කියා ගන්නට අවශ්‍යය. ඇතැම් ප‍්‍රශ්න වලට විසදුscan0238මක් අවශ්‍ය නැත. නිලධාරීන්ගේ ගැටළු, ඔවුන් නිසි තීරණ නොගන්නා බව, සුළු අමානුෂික සිද්ධි හෝ පරිසරය සම්බන්ධ කාරණ ඒ අතර තිබිය හැකිය. ප‍්‍රදේශයේ තීරණ ගන්නා ඉහළම තැනට කතාකර කරුණු පෙන්වාදීම ද ප‍්‍රමාණවත්ය. සමහර දෙනෙකු වියපත් අතර හුදෙකලාව ජීවත්වන ඔවුන්ට හිතේ ඇති කරුණු කියා ගැනීමට කිසිවෙකු නැත. මෙම සිද්ධිය ගැන කල්පනා කරනවිට එය හුදෙක් ඉතාලියේ කුඩා නගරයක පමණක් නොව අප ජීවත්වන සමාජයේ සෑම අයෙකුටම බලපා ඇති සාධාරණ අවශ්‍යතාවයක් බව තේරුම් ගැනීම වැදගත්ය.

සංවර්ධන ව්‍යාපෘති හෝ ආර්ථිකයේ වර්ධනය වැනි දැවැන්ත මාතෘකා ගැන හිතන මැති ඇමැතිවරුන්ට ජන සමාජයේ අනෙක් පැත්තක දැවෙන සාමාන්‍ය ගැටළු ගැන අවධානය යොමු කරන්නට වෙලාවක් නැත. අහිංසක පුරවැසියෙකු මහජන මෙරට නියෝජිතයෙකු හමුවට පැමිණ කතාව ආරම්භ කළහොත් අත් විය හැකි ඉරණම කුමක්ද? මහජන නියෝජිතයා නොඉවසිලිමත්ය. ඔහුට හෝ ඇයට තවත් රැස්වීමකට වහා පිටත්ව යා යුතුය. තම නායකයාගේ ඉරියව් දකින ලේකම්වරු හෝ ආරක්ෂකයෝ අමුත්තා පැත්තකට කරන්නට සූදානම්ය. සැනසිල්ලේ යමක් කියා හිත නිදහස් කරගන්නට පැමිණි පුද්ගලයා තවත් අසරණ වන අතර හිතේ ඇති ගැටළුව කියාගත  නොහැකි තැනට පත්වෙයි. ඡන්දයෙන් බලයට පත් කළ නායකයා සුපිරි රියක නැගී පිටත්ව යන විට පුරවැසියා තුළ ඉතිරිවෙන්නේ වෛරයක් පමණකි.

මෙවැනි සිද්ධිවලින් අනූන සමාජයක අවසාන ඉරණම කුමක්ද? මහජන නියෝජිතයෝ සවන්දෙන්නන් විය යුතුය. පොදු ජනතාවට ඉශ්ඨ කරගත නොහැකි වූ දහසකුත් එකක් දේ තිබේ. කියා ගන්නට සෑහෙන කරුණු ඇත. අහන්නට වගකිව යුත්තෙකු නැත. ජනතාව පත් කළ නියෝජිතයා පමණක් නොව මෙරට නිලධාරීහු පවා ජනතාවගේ පැත්තෙන් සවන්දෙන්නට වෙලාවක් නැති පිරිසකි. තමන්ගේ ප‍්‍රශ්න කියන්නට ආකාරයක් නැති ජනී ජනයා එයින් හෙම්බත්ව ඒවා සමග ජීවත්වෙති. මෙම රාමුව වෙනස් කරන පියවරක් අවශ්‍යය. ගැටුම්, අර්බුද නිලධාරීවාදය සහ අවස්ථාවක් නැති ජන සමාජයට හිතේ ඇති දෙයක් නිවී සැනසිල්ලේ කියා ගන්නට ක‍්‍රමය සකස් කිරීම අවශ්‍යය. ප‍්‍රශ්න වලට සවන් දී යමක් සිදුවන බව පැහැදිලිවන පිලිවෙලක් ස්ථාපිත කළ යුතුය. සැනසිලි සහගත ජන සමාජයක් බිහිකරන්නට පදනම එතැන ඇත.

 

 

 

 

මාර්ග තදබදයට පිටරටින් යෝජනා හා විසදුම්

ප්‍රතිචාරයක් ලබාදෙන්න

m prash

2020.02 .12 – ලංකාදීප

රථ වාහන තදබදයෙහි ස්වභාවය ගැන අලූතින් යමක් සදහන් කිරීම අවශ්‍ය නැත. කොළඹ නගරයට එන සහ එහි සිට පිටත්ව යන සැතපුම් විස්සක වට ප‍්‍රමාණයක ජීවත්වන සියළුම දෙනා එයින් පීඩා විදිති. මහනුවර, ගාල්ල හෝ මාතර වැනි අනෙක් නගරයක ස්වභාවය ද එයට නොදෙවෙනිය. කොළඹ නගරය වටා පිහිටි උප නගර පවා අධික වාහන තදබදයක පවතින අතර කාලය හා ධනය නිරපරාදේ වැයකිරීම බලවත් අපරාධයකි.

පර්යේෂකයන් ගණන් බලා ඇති අන්දමට තදබදය පවතින අවස්ථාවල මෙරට ප‍්‍රධාන නගර ආශ‍්‍රිත වාහන ගමනාගමන වේගය පැයට කිලෝ මීටර් හතරකි. සෙමෙන් ගමන් කරන වාහන වල පිලිස්සෙන ඉන්ධන වලින් පිටවන දුම වායු දූෂණයට හේතු වී තිබේ. වාහන වලින් පිටවන දුම සියයට හැත්තෑවක ප‍්‍රතිශතයකින් නාගරික වායු දූෂණයට බලපා ඇති බව ප‍්‍රකාශ වෙයි. රටට අවශ්‍ය ඉන්ධන සදහා වසරකට වියදම් කරන මුදල ඇමරිකානු ඩොලර් බිලියන 2.9 කි. මෙයින් සියයට හැටකට වඩා රථ වාහන ධාවනයට බව ද නොරහසකි. විශාල විනිමය ප‍්‍රමාණයක් වැය කර පැයට කිලෝ මීටර් හතරක වේගයෙන් තදබදය පවතින අවස්ථාවල ගමන් කරන වාහන වලින් පිට කරන දුම බලවත් සෞඛ්‍ය ප‍්‍රශ්න ඇති කරන බව පිලිගත යුතුය.

scan0211රථ වාහන තදබදය හා අධික ඉන්ධන පිරිවැය පාලනය කරනු සදහා ගත හැකි පියවර ගැන නොයෙක් අදහස් තිබේ. පර්යේෂණ කර වාර්තා නිකුත් කර ඇත. ප‍්‍රායෝගිකව යමක් සිදුවී නැත.

වාහන පරිහරණය අවම කරන අලූත් අදහස් ජාත්‍යන්තරයෙහි ක‍්‍රියාත්මක වෙයි. පුද්ගලික වාහන පරිහරණය අවම කරන අතර පොදු වාහන භාවිතා කරන නැඹුරුවක සිටී. පොදු ප‍්‍රවාහන ක්ෂේත‍්‍රයට හදුන්වා දී ඇති වාහන හවුලේ භාවිතා කිරීම ඉතා ජනප‍්‍රිය වී තිබේ. තොරතුරු තාක්ෂණය දියුණු වන විට ඒ වෙනුවෙන් සකස් වූ ඇප් වලින් වාහන ඇනවුම් කළ හැකි අතර වාහන වල ගමන හා හිස්ව ඇති ආසන වලට අතරමග දී මගීන් නංවා ගැනීම සාමාන්‍ය දෙයක් බවට පත්ව ඇති බව දැක්වෙයි. ඇමරිකාවේ කරන ලද නවතම සමීක්ෂණයකට අනුව වාහන හවුලේ භාවිතා කරන ක‍්‍රම හෙයින් පුද්ගලික වාහන තිස් දෙකක් කරන සේවය එක වාහනයකින් කරන තරමට පැතිරී තිබේ. තමන්ගේ ගමනටම වෙන් කරන වාහනය යන සංකල්පය වෙනුවට ගමන සදහා  ඕනෑම වෙලාවක අනුන්ගේ වාහනයක් පරිහරණය කළ හැකි පරිදි සංකල්ප වෙනස් වන විට මහ පාරේ පවතින අධික තදබදය යම් ප‍්‍රමාණයකට පාලනය කළ හැකිය.

සමහර රටවල් නගරයට වාහන ඇතුළු වන විට බදු අය කරන අතර අධික තදබදය පවතින අවස්ථාවල බද්ද දෙගුණ තෙගුණ කෙරේ. වාහන නතර කරන තැන් අහෝසි කරන අතර එය පුද්ගලික වාහන භාවිතාව අධෛර්ය කරන පියවරකි. විදුලියෙන් ධාවනය කරන පොදු වාහන අධික බදු වලින් නිදහස් කරන අතර එය පරිසරය ආරක්ෂා කරන පියවරක් සේ සැලකේ. කුලී පදනමකින් හෝ හවුලේ පරිහරණය කරන විදුලිය බලයෙන් ධාවනය වන වාහන වලට ලැබෙන සහන අනුව මගීහු ගමනට කරන වියදම සෑහෙන ප‍්‍රමාණයකින් පහත වැටේ.

වායු දුෂණය අවම කරන ජනතාව ගලවා ගැනීම සහ අධික ඉන්ධන වියදම පාලනය කරන අරමුණ ඇතිව විප්ලවීය තීරණයකට යා යුතුය. කැළඹිල්ලක් ඇති කර පවතින රාමුවෙන් ඔබ්බට ගිය විසදුමක් කෙරෙහි අවධානය යොමු කළ යුතුව තිබේ. ශ‍්‍රී ලංකාව අලූත් යුගයකට ඇතුළු වන විට පොදු ප‍්‍රවාහනය දියුණු කරන තීරණ ගැනීම වැදගත්ය. නගරයට එන වාහන පාලනය කිරීම අවශ්‍යය. පුද්ගල වාහන අධෛර්යය කර නගරයට යන එන විට වාහන හවුලේ පරිහරණය කරන ක‍්‍රම ප‍්‍රචලිත කරන පියවරකට යා යුතුය. වෙනත් විකල්පයක් රටට නැත.

 

 

 

 

 

Older Entries