අන්තවාදයට ඉඩ නොතබමු

ප්‍රතිචාරයක් ලබාදෙන්න

milinda-prashna

2014.02.26 – මිලින්ද මොරගොඩ

මේ දිනවල ඉන්දියාවේ මහත් ආන්දෝලනයකට ලක්ව ඇති කෘතියක් කෙරෙහි අවධානය යොමු කරන්නට අවශ්‍යය. Hindus: An Alternative History නැමති මෙම ග‍්‍රන්ථය ලියා ඇත්තේ ඇමරිකානු කාන්තාවකි. ප‍්‍රකට අධ්‍යාපනඥවරියක සේ සැලකෙන වෙන්ඩි ඩොනිජර් හින්දු ආගම සම්බන්ධව දීර්ඝ කාලයක් අධ්‍යනයක යෙදුන බව සැලකේ. මෙම අධ්‍යයනයෙන් ඉනික්බිතිව එහි ඇති සාරය සහ පවතින විශ්වාස හෙළිදරව් කරමින් ලියා ඇති මෙම කෘතිය පිටු හත්සියයක් පුරා ලියැවී ඇති විශාල එකකි. ලෝක ප‍්‍රකට පෙන්ගුවින් ප‍්‍රකාශකයන් ලොව පුරා බෙදා හරින මෙම පොත ඉන්දියාවට නිකුත්වීම සමග එරට හින්දු භක්තිකයන් විරෝධය පළ කරන්නට පටන්ගෙන ඇත.
සිය ආගමට මෙම කෘතිය මගින් වෙනත් අර්ථකථනයක් දී ඇතැයි භක්තිමත් හින්දු භක්තිකයෝ කියති. එහි `දහන් උදාහරණ එකින්එක ගෙන දැඩි විරෝධය දක්වන්නට තමන් සූදානම් අතර මෙය තම ආගමික සහ ජාතික චාරිත‍්‍ර අභියෝගයකට ලක්කරන එකක් යැයි විරෝධතාකරුවෝ එක `ඩින් අදහස් දක්වති. චිකාගෝ විහ්ව විද්‍යාලයෙහි ඉගැන්වීමෙහි නිරත කතුවරිය මෙයට කලින් හින්දු ආගම ගැන පොත් හයක් පමණ ලියා ඇති අතර කාම සූත‍්‍ර කෘතිය ද පරිවර්තනය කරන ලදලේඛිකාවක බව ඇයට සහය දක්වන විවිධ පාර්ශව කරුණු අනාවරණය කරමින් කියා තිබේ.
මේ අතර මෙම පොත ඉන්දියානු වෙළ`ද පොලෙන් වහාම ඉවත්කරගන්නට පෙන්ගුවින් සමාගම තීරණය කළ අතර එය තවත් නරක පූර්වාදර්ශයක් බව ඉන්දියාවේම තවත් පාර්ශව ප‍්‍රකාශ කරන්නට පටන්ගෙන තිබේ. අප ලියන්නට අවශ්‍ය හින්දුස්තානුවන් සිතන දේ පමණක් දැයි ඇතැමි ලිබරල් අදහස් දරන මතධාරීහු ප‍්‍රශ්න කරයි. ඉන්දියාව නිදහස් චින්තනයක් ඇති රටක් නම් කළ යුතු මෙය නොවන බව ද මධ්‍යස්ථ මතධාරීහු දක්වති. ඉන්දියාවෙන් පොත ඉවත් කරගන්නට හේතු වූයේ අනවශ්‍ය ගැටුම් සහ නීති ප‍්‍රශ්න ඇති කර ගැනීමට අසතුටෙන් බව දක්වන නමුත් ඒ හා සමගම අන්තර් ජාලය ඔස්සේ කරන මිලදී ගැනීම් වේගවත්ව ඉහළ යන්නට පටන්ගෙන ඇත. දැඩි ආගමික මතධාරීන්ගේ ආකල්පය කෙසේ වෙතත් නිදහස් අදහස් වලට ඇති පාලනය තාක්ෂණික යුගයේ දී කෙබ`දු එකක් දැයි දක්වන්නට මෙම කෘතිය තවත් පැත්තකින් උදාහරණයක් වී තිබේ.
මෙයට කලින් 1988 දී සල්මන් රැෂ්ඩි ලියන ලද සැටනික් වර්සස්  Satanic Verses නමැති කෘතිය ද දැඩි ආගමික අන්තවාදයට නතු වූ අතර රචකයාට මරණ ද`ඩුවම පමුණුවන්නට පවා ඉස්ලාම් සමාජය නැඹුරු විය.
ලෝකය පවතින්නේ එකම අදහස අනුව නොවේ. නොයෙක් විද්වතුන් පර්යේෂණ අනුව විවිධ අදහස් ඉදිරිපත් කරයි. ඉතිහාසය හදාරන විට ලෝකය ගෝලාකාරයි ප‍්‍රකාශ කිරීම වරදක් වූවා සේ ම අලූත් අදහසක් ඉදිරිපත් වූ සෑම අවස්ථාවකම පවතින සමාජයේ නොරිස්සුමට එය ලක්ව ඇති බව පැහැදිලිව පෙනේ. තවත් මතයක් ඉදිරිපත්වන විට එය විමසා එය හරිද වැරදිද යන්න කරුණු පදනම් කරගෙන සාකච්ඡුා කරන්නට අන්තවාදී කණ්ඩායම් සූදානම් නැත. ඉන්දියාවේ දැන් මතුවී ඇති විරෝධය ම ආසියාවේ තවත් රටවල වෙනත් මුහුණුවරකින් විටින් විට නැගෙන ආකාරය අද ඉතාමත් පැහැදිලිය.
තොරතුරු තාක්ෂණයෙන් දියුණු, විද්‍යාව පොහොසත් සහ අධ්‍යාපනයෙන් ඉහළ දැනුමක් තිබිය දී පවා ගවේශනශීලීව පර්යේෂණයක් මගින් ඉදිරිපත් කරන අන් මතයකට ඉඩනොදෙන්නට තරම් සාහසික ආකාරයක් ගැනීම අවධානයට ගත යුතු බරපතල කාරණයකි. බුද්ධ ධර්මය දේශනා කළ බුදුරජාණන් වහන්සේ තමන් කී පමණනින් විශ්වාස නොකරන ලෙස අනුගාමිකයන්ට වදාල බව කාලාම සූත‍්‍රයෙහි ස`දහන්ය. බුද්ධිමත් ආකාරයට තර්කයක් ගොඩ නගන විට එය දරාගන්නට හැකි සමාජයක් රටකට අභිමානයකි.  අන්තවාදය මගින් ඇතිකරන පීඩනය ශාස්ත‍්‍ර ගවේශනයේ දී බලවත් නින්දාවකි. ශ‍්‍රී ලංකාවේ ද වරින් වර පැන නැගෙන අන්තවාදී අදහස් හමුවේ හැ`ගීම් වලට ඉඩ නොදී බුද්ධිමත්ව ක‍්‍රියා කරන්නට අවශ්‍යය. හින්දු ආගම ගැන ලියැවුන කෘතියෙන් අපට අධ්‍යයනය කරන්නට ඇති පාඩම එයයි.

Advertisements

දම්පල්තුමන් දුටු අනාගත ඛේදවාචකය

ප්‍රතිචාරයක් ලබාදෙන්න

milinda-prashna

2014.02.19 – මිලින්ද මොරගොඩ
අනගාරික ධර්මපාල තුමන්ගේ ගමන් මග සහ ක‍්‍රියා කලාපය නැවත නැවතත් ජන අවධානයට පත් වෙමින් තිබේ. එතුමන්ගේ එකසිය පනස් වැනි ජන්ම දිනය ලබන සැප්තැම්බර් මාසයට යෙදී ඇත. බෞද්ධ පුනරුදය ඇති කිරීමට අවිහිංසාවාදීව එතුමන් ගත් අභීත, අඛණ්ඩ වැඩ පිළිවෙල ශ‍්‍රී ලාංකිකයන්ගේ ඉමහත් ගෞරවයට ලක්ව ඇති බව අවිවාදිතය.
දොන් ඬේවිඞ් හේවාවිතාරණ උපදින විට ලංකාව බි‍්‍රතාන්‍යයට යටත්ව තිබූ කොළණියකි. බටහිර ක‍්‍රමයට අධ්‍යාපනය ලැබූ ඬේවිඞ් තරුණයා ආකල්ප අතින් වෙනස් පුද්ගලයෙකු විය. බෞද්ධ ප‍්‍රබෝධය සහිතව නිදහස සම්බන්ධ කතිකාවක් රට තුළ පැන නැගෙන විට උපතින් ලැබූ නම අත හැර ධර්මපාල නම අත්පත් කරගත් හෙතෙම මෙරට පළමු අනගාරික, එනම් තම ජීවිතය සද්භාවයෙන් යුතුව රට වෙනුවෙන් කැපකරන තීන්දුවට එළැඹියේය. ඔල්කොට් තුමන් ප‍්‍රමුඛ වියතුන් මෙරට දානපතියන් සමග එක්ව රට පුරා බොදු පාසල් ඇතිකරන විට රට පුරා යමින් විශාල සන්නිවේදක කාර්ය භාරයක නියැලෙන්නට ධර්මපාල තුමන්ට හැකියාව ලැබිණ.
බුද්ධගයාවට සංචාරයකට පිටත්ව ගිය ධර්මපාල තුමන් බුද්ධ චරිතයට සම්බන්ධ තැන් අන්‍යාගම් වල සංකේත බවට පත්වෙමින් තිබූ ආකාරය දැක ඒ වෙනුවෙන් විශාල ආන්දෝලනයක් ඇති කළේය. එහි ප‍්‍රතිඵලය වූයේ බෞද්ධ ලකුණ යළි තහවුරු වීමයි.
සිංහල බෞද්ධයිනි අවදිවව් කියමින් හෙතෙම රට පුරා සංචාරය කළේය. එහි දී ජාතිය අවදි කරන්නට කී දේශනාවක කොටසක් අනගාරික ධර්මපාල තුමන්ගේ වචන වලින්ම මෙසේය. ‘‘අරූ ගොයිගම, අරූ දුරාවේ, අරූ කරාවේ කිය කියා හතර පැත්තට බෙදිලා. දේශපාලකයන් බදාගෙන පක්ෂ වලට බෙදිලා. උඹලගෙ හාමුදුරු ගොල්ලන් කරන්නෙත් ඔය ටිකමයි. නිකාය වලට බෙදිලා. බණ එක එකාගේ බුක්තියට ලියාගෙන.’’ එහෙම දොස් පවරන ධර්මපාල තුමා ‘‘කෝ උඹලගෙ ප්‍රෞඩ ඉතිහාසය? කෝ උඹලගේ සංස්කෘතිය? කෝ උඹලගෙ මනුස්සකම’’ යනුවෙන් තදින් ප‍්‍රශ්න කරයි. ‘‘අනෙක් ජාතීන්ට දොස් කියන්නට එපා. උඹලගෙ ජාතියේ දුර්වලකම් ගැන සොයා බලලා දැන්වත් කල්පනාවෙන් වැඩ කරපල්ලා’’ යැයි අවවාදයක් ද කරයි.
මෙම වචන ග‍්‍රාම්‍ය, අවිනීත සහ දරුණු බව පෙනී යා හැකිය. නමුත් අදටත් මේ වදන් එලෙසම මතු කරන්නට සිදුව තිබේ. රට සංවර්ධනය වන විට පැරණි දුර්මත වලින් දුරු විය යුතුය. අසමගිකම තොර සාධාරණ සමාජයක් බිහි විය යුතුය. නිදහස ලැබූ දා සිට වකවානුව ගැන පමණක් ස`දහන් කළත් පැවැති ආණ්ඩු මෙහෙයවූයේ රට සැනසිලි දායක තැනක් කරන්නටය. අනගාරික ධර්මපාල තුමන් ආදර්ශයෙන් සහ කැපවීමෙන් පෙන්නුම් කළ දර්ශනය සම්පූර්ණයෙන් නිවැරදිව වටහා ගන්නට අදටත් හැකියාවක් ලැබී නැත. සමාජය ගමන් කරන්නේ කොයිබටද යන බරපතල ප‍්‍රශ්නය නගන්නට සිදුව තිබේ.
අනගාරික ධර්මපාල තුමන් ගේ ජීවන ගමන නොව එතුමන් අනාවරණය කළ සමාජ දෘෂ්ටිය ගැඹුරු සංවාදයකට යොමු කළ යුතු කාලය උදා වී ඇත. මහජනතාව වෙත පණිවුඩය සන්නිවේදනය කරන්නට ගත් අවිහිංසාවාදී ප‍්‍රතිපත්ති හෙලිදරව් කළ යුතුය. වර්තමානයේ දී විවිධ අවස්ථාවල මහජන ගැටලූ හමුවේ විරෝධතා සංවිධානය කරන බව පෙනේ. මෙම විරෝධතා වලදී යුක්ති ගරුක මත වෙනුවට පැතිරෙන්නේ චෝදනාය. ප‍්‍රති පාර්ශව වෙත ක්‍රෝධය සහ වෛරය පතුරවන අදහස්ය. එයින් සමාජය ඇවිලෙයි. තව තවත් බෙදී වෙන්වෙයි. එකතුවක් එකමුතුවක් ඇති නොවේ. සමාජ, ආගමික සහ ආර්ථික මත සමග දරුණු තීන්දු තීරණ ප‍්‍රකාශ වෙයි. සාමාන්‍ය ජන ජීවිතයට බාධා ඇතිවන වර්ජනය. මාර්ග අවහිර කිරීම, බලහත්කාරය සහ අවසානයේ දී සිය දිවි නසා ගැනීමෙන් ප‍්‍රශ්නය හුවා දක්වන තැන දක්වා විකාශය වී තිබේ. බලධාරින් අවධානයට නොගැනීම ද එවැනි වර්ධනයක් දක්වා පැතිරෙන්නට හේතු විය හැකි නමුත් මෙහිදී සමාජය ඉතිහාසයේ සිට මේ දක්වා පැමිණි ගමන් මගෙහි ඛේදවාචකය හ`දුනාගෙන විකල්ප කෙරෙහි නැඹුරුවීම අවශ්‍යබව දම්පල් දර්ශනයෙන් උගත යුතු වැදගත් පාඩමකි.

ජන්ද සටනට අංකය ගන්න නම වෙනස් කිරීම

ප්‍රතිචාරයක් ලබාදෙන්න

milinda-prashna 

 12/02/2014 මිලින්ද මොරගොඩ

යම් පුද්ගලයෙකුගේ නම අනන්‍යතාවයට ඉතාම වැදගත්ය. සමාජය හමුවට පැමිණෙන ඔහුගේ හෝ ඇයගේ පසුබිම අනුව නමට දක්වන ගරුත්වය කෙබ`දු දැයි අවබෝධ කර ගැනීම අපහසු නැත. මෙරට විසූ කිර්තිමත් පුද්ගලයන්ගේ හැඩරුව නොදන්නා නමුත් කරන ලද කාර්යභාරය ගැන අවබෝධයක් ඇති වර්තමාන සමාජය එයට ගෞරවය පළකරන්නේ නාමය සදා සිහිපත් කරමින්ය. ලෝකයේ  ඕනෑම රටක තත්ත්වය එයට වෙනසක් නැත.

පසුගිය වසර හය සියයක පමණ කාලය තුළ ශ‍්‍රී ලංකාවේ පුරවැසියන්ගේ නම වෙනස් කිරීම විශේෂ අධ්‍යයනයකට ලක් විය යුතුය. මිහි`දු මහ රහතන් වහන්සේ බුදු දහම ගෙන මෙරටට වැඩම කළ වකවානුවේ සිට එය සලකා බැලිය හැකිය. මෙරට ඉතිහාසයේ රජු සහ රජුට හිතවත් පාලකයන්ගේ උවමනාව මත වැසියන්ගේ කුල බේධ සලකා නම් පාවිච්චි කරන ලද බව දැක්වේ. විප්ලවවාදීන් සාහිත්‍යකරුවන් තම අනන්‍යතාව ස`ගවා කළ කී දේ ගැන ජගත් ප‍්‍රජාවට අවබෝධයක් ඇත. යටත් විජිත සමයේ ලන්දේසි, පෘතුගීසි සහ ඉංග‍්‍රීසි පාලකයන්ගේ බලපෑම මත මෙරට එක්තරා සමාජ කොටසක් තමන්ගේ නම වෙනස් කරගන්නට උනන්දු වූහ. එම ජාතීන්ට හිතවත් වූ සහ එය ඔස්සේ සමාජයේ ඉහළ පැලැන්තිය සමග සම්බන්ධ වූ ඇතැමි කණ්ඩායම් එයට ගැලපෙන නමක් හෝ වාසගමක් තිබීම වරප‍්‍රසාදයක් සේ සලකන්නට ඇත. නම පමණක් නොව ආගම ද මෙම කාලය තුළ ඔවුන්ට රිසි පරිදි කාලානුරූපව වෙනස් කරගෙන ඇති බව අධ්‍යයනය කරන විට පෙනේ.

විජාතික ඌරුවක් ඇති පුද්ගල නම් ස්වදේශිකත්වයට ගැලපෙන පරිදි වෙනස් කරගැනීමට දැක්වූ උනන්දුව මෙහි අනෙක් අන්තයයි. රට ජාතිය සම්බන්ධ බලවත් ඇල්මක් ඇති කරගත් දේශපේ‍්‍රමීහු තමන්ට ලැබුණ නම අත් හැර අලූත් නමක් එකතු කරගනිමින් තම අරමුණු සාක්ශාත් කරගැනීමට ක‍්‍රියාකරන ලද බව පෙනේ. රට යටත්ව තිබූ කාලයේ දී විජාතික නමකට තිබූ ඇල්ම පමණක් නොව රට නිදහස් වන අවස්ථාවේ දී රටට ඇති ආදරය පදනම් කරගෙන නම වෙනස් කර ගැනීමට දක්වන ලද විශේෂ උනන්දුව ද මෙයින් වටහා ගත හැකි එකකි.

නමුත් මේ වන විට මෙරට තුළ අලූත් ප‍්‍රවනතාවයක් මතු වෙමින් තිබේ. එය ඉතාම පටු අරමුණක් ඇතිව කරගෙන යන්නකි. මැතිවරණයකට තර`ග කරන්නට සූදානම් වන අපේක්ෂකයෝ තමන්ගේ නම ගැන සැලකිල්ලක් දක්වති. අපේක්ෂකයන්ගේ නමට වඩා ප‍්‍රසිද්ධ කරන්නේ කරගෙන යන රැකියාව හෝ අන් යමක් නිසා ඇතිවුන අන්වර්ථ නාමයකි. එය ද පසෙක තිබිය දී තමන්ට දෙමව්පියන් උපතින් දෙන ලද නම අකාරාදියට ගැලපෙන පරිදි වෙනස් කරන්නට ඇතැමෙකු මහන්සි වෙති. පසුගිය කාලයේ පැවැති මැතිවරණ ගණනාවක දී උප්පැන්න සහතිකයේ ස`දහන් නම වෙනුවට තම නමට ඉදිරියෙන් අකාරාදියට ගැලපෙන අලූත් අකුරු එල්ලන ලද අවස්ථා තිබේ. මෙහි වරදක් නැත. නමුත් මැතිවරණයකදී මනාපයක් ලබාගැනීමට ඉලක්කම ඉතාම වැදගත් යැයි කල්පනා කිරීම යහපත් එකක්ද? මනාප අංක ලැයිස්තුවේ ඉදිරියට පැමිණෙන්නට ඉඩ ඇති හෙයින් නම වෙනස් කර අන් නමක් තම පුද්ගල නාමයට එකතු කරන්නට සූදානම්වීම අනුමත කළ හැකිද? එක පැත්තකින් නීතිය අසරණ කරන අතර අනෙක් පැත්තෙන් එය මෙරට ඡන්දදායක පොදු ජනතාවට කරන බලවත් නිගරුවකි.

තමන්ගේ රටේ තමන් හො`දින් දන්නා මහජනතාවගේ නියෝජිතයෙකු ලෙස පත්වී ප‍්‍රජාතන්ත‍්‍රවාදී ලෙස මෙරට පාලනය කරගෙන යන්නට හවුල්වීම මැතිවරණයකට ඉදිරිපත්වන අපේක්ෂකයන්ගේ එකම යුතුකම විය යුතුය. නම වෙනස් කරන අතර වේදිකාවේ දී අප‍්‍රමාණ පොරෙන්දු දෙන සහ අති විශාල ධනස්කන්ධයක් වියදම් කර මහජන නියෝජිතයෙකුවීමේ කැක්කුමක් මෙම පිරිසට ලැබුණේ කවර ආභාෂයකින්ද? පෙරදිගින් ලැබුණ දර්ශනය අනුව මෙරට අධ්‍යාත්මය සකස් විය. අපරදිගට යටත්ව සිටි කාලයෙන් උපයා ගත් අත්දැකීම් ගැන රටට යම අදහසක් තිබේ. නමුත් මැතිවරණයකට යාමේ දී තමන්ගේ නම වෙනස් කර අංකයක් ලබා ගැනීම වැදගත් යැයි හුරුවක් සමාජයට ලැබෙන්නේ කොතැනින්ද?