කොළ පැහැය

ප්‍රතිචාරයක් ලබාදෙන්න

 

milinda-prashna

2017/03/29 ලංකාදීප

අපි එදිනෙදා ගන්නා ආහාර වේල ගැන නොයෙක් අදහස් තිබේ. කුස පිරෙන්නට පමණක් නොව ශරීරයට අවශ්‍ය පරිදි ආහාර තෝරා ගැනීමට බුද්ධිමත් විය යුතුය. ආහාර පුරුදු නරක නම් එය ජීවිතයේ අයහපත් පැත්ත උදෙසා බෙහෙවින් බලපාන බව සඳහන් කළ යුතුය. මැදි ආදායම් රටක් බවට පත් වන විට, තමන්ගේ ආහාර මොනවාදැයි තෝරා බේරා පරෙස්සමෙන් අනුභව කිරීමට රට වැසියන් නැඹුරු විය යුතුය. ගැලපෙන තරමට ආර්ථිකය හැදෙන විට දිනපතා ආහාර වේල ගැන සැලකිලිමත් වීම ජීවිතය නිරෝගීවත් කරයි.

කෑම පිඟානකට බෙදා ගන්නා ආහාර වර්ග වල විවිධ වර්ණ රුචිය ඇති කරන අතර එය එකිනෙකට වෙනස් පෝෂ්‍ය ගුණදායක තත්ත්වයන් උදෙසා බලපාන බව පෝෂණවේදීන් සාමාන්‍යයෙන් කරන නිර්දේශයයි. නමුත් සෑම වර්ණයකටම වඩා ඉහළින් කොළ පැහැය වැදගත් බව එකහෙළා පිලිගැනීමට ලක්විය යුතුව තිබේ. ශී‍්‍ර ලංකාව පිහිටා ඇති දේශගුණික කලාපය අනුව අධික මාංශ අනුභවය අවශ්‍ය නැත. පිටි වර්ග සහ තෙල් උපයෝගී කරගෙන සකස් කරන ලද ආහාර අධික වශයෙන් භාවිතය ද නුසුදුසුය. තන්තු බහුල අලූත් එලවලූ පලතුරු ඉතාම හිතකරය.

කොළ පැහැය සහිත ආහාර වර්ග මෙරට සුලබය. පලා වර්ග එයට හොඳ උදාහරණයකි. කොළ කැඳ පානය කරන ලෙස දේශීය වෛද්‍යවරු නිතර උපදෙස් දෙති. බටහිර වෛද්‍යවරු ද එය පිලිගෙන තිබේ. මෙරට ජනී ජනයා නොයෙක් පලා වර්ග එකතු කරගෙන කැඳ පිලියෙල කරගත්හ. පාරම්පරික සහල් උපයෝගී කරගෙන ගෙවත්තෙන් නෙලා ගත් කොළ වර්ගයක් ඇසුරෙන් සකස් කරගත්  කොළ කැඳ කුස පුරා පානය කර ශක්තිමත්ව හේන හා කුඹුර වැඩ කරන ගොවියන් ගැන අදත් උදාහරණ ඇත. නමුත් කාර්ය බහුල, කාර්යාල ජීවියට හුරු වන නවීන පරම්පරාව ඉක්මනින් එයින් බැහැරව ඉතාම වේගයෙන් ජීවිත නාස්ති කරගෙන තිබේ. පෙනෙන යථාර්ථය පිලිගැනීම වෙනුවට ආහාර වේල ගැන ඇතිකරගෙන ඇති ඇබ්බැහිය රට තුළ විශාල ව්‍යසනයක් කරන බව තේරුම්ගත යුතුය.

ගෙවත්තක වැවෙන කොළ පැහැති පලා වර්ග අතර ආහාරයට ගත නොහැකි දෙයක් නැති බව පැහැදිලිය. දේශීය වෛද්‍යවරු පමණක් නොව මෙරට ඉපැරණි ආහාර පාන ගැන විශාල උනන්දුවකින් ක‍්‍රියා කරන විද්වතුන් එය නොයෙක්වර පැහැදිලි කර දී තිබේ. අද මෙරට නාගරික ජනතාව පීඩා විඳීන අධික රුධිර පීඩනය, දියවැඩියාව ඇතුළු තත්ත්ව සඳහා පෙති හෝ කරල් භාවිතයෙන් තොරව නිසි පාලනය පවත්වාගෙන යා හැකි බව ප‍්‍රත්‍යක්ෂ වී ඇත. ලෝකයේ නන් රටවල්වලින් පැමිණ ඒ ගැන පර්යේෂණ පවත්වා ඒවාගේ ගුණ වෙන්කර අධික මිල ගණන් වලට විකිණිය හැකි බෙහෙත් නිපදවමින් සිටින අතර ඒවාට නැඹුරු වන ජනතාව පැරණි පුරුදු අමතක කර නවීන බෙහෙතට හුරුවීමෙන් සිදුවී ඇති විපාක ගැන යළි යළිත් මෙනෙහි කළ යුතුය තිබේ.

ගෙවත්ත ගැන අවධානය අලූත් කළ යුතුය. ආහාර වේලට ප‍්‍රයෝජනයට ගත හැකි පලා වර්ග කිහිපයක් හෝ තමන්ගේ නිවස අයට වගා කරන්නට නැඹුරු වීම සුදුසුය. හරිත වර්ණය තමන්ගේ කෑම පිඟානට වැඩිපුර එකතු කිරීම තම නිරෝගී බව වෙනුවෙන් යැයි හිතන ආකල්පය ඉතාම වැදගත්ය. ක්ෂණික ආහාර වලටත් නොගැලපෙන රසකාරකවලටත් හුරු වූ අපට එහි ප‍්‍රතිඵල වශයෙන් රට පුරා සෑම නගරයකම චැනල් සේවා ඔසු අලෙවි සැල් ව්‍යාප්තව ඇති බව වටහා ගැනීමට කාලය එළැඹ තිබේ. නිරෝගිමත් පරපුරක් වෙනුවෙන් පරිවර්තනය ආරම්භ කළ යුතු අප විසින්ම වන අතර නොයෙක් රහ දැනෙන ආහාර වලට කරන ප‍්‍රචාරක බලපෑම් පරාජය කරන්නට අදිටන් කරගැනීම අවශ්‍යය.

 

Advertisements

කරුණාකර නිහඩ කරන්න

ප්‍රතිචාරයක් ලබාදෙන්න

milinda-prashna

2017/03/22 – ලංකාදීප

දුරකථනය ජනතාවගේ අත්‍යවශ්‍ය මෙවලමක් බවට පත්ව තිබේ. ශ‍්‍රී ලංකාව ජනගහනයටත් වඩා දුරකථන භාවිතා වන රටක් බව ප‍්‍රකාශ වෙයි. දියුණුවන සන්නිවේදන ව්‍යුහය සමග ස්මාට් දුරකථනයකින් පුරවැසියන්ට ජීවිතය පහසු කරගත හැකි බව ආර්ථික පර්යේෂකයන් පෙන්වා දී තිබේ. සමීක්ෂණ ආයතන දුරකථන භාවිතා වන ස්වභාවය ඒවායෙන් හුවමාරු වන දත්ත උපයෝගී කරගනිමින් නවතම ජීවන රටා ගොඩනගමින් සිටී. එය ව්‍යාපාරික අවස්ථාවකි. ජංගම දුරකථන භාවිතා වන තැන, වාර ගණන හා ඒවා සිදුවන රටාව අධ්‍යයනය කරන විකුණුම් පර්යේෂණ ආයතන එහි වාර්තා අනුව නිගමන නිර්දේශ කරන බව අලූත්ම තොරතුරු අතර තිබේ.

දුරකථන භාවිතා කරන්නෝ සිය දුරකථනය තැන නොතැන නොසලකා භාවිතා කරමින් සිටී. ජාත්‍යන්තර පර්යේෂණයක් අනුව භාවිතා කරන්නන් අතරින් සියයට පනහක් සිය ජංගම දුරකථනය වැසිකිලියට ද ගෙන යන බව දැක්වේ. එය ලෝකයේ සාමාන්‍ය ප‍්‍රතිශතය බව දැක්වෙන අතර ඇමරිකාවේ එකී ප‍්‍රතිශතය සියයට හැත්තෑ පහක් බව අනාවරණය වෙයි. ඉකුත් වසර දහය තුළ ජංගම දුරකථනය පැවැත්ම ආක‍්‍රමණය කර ඇත්තේ ඇබ්බැහිවීම එපමණ සංකීර්ණ බව දක්වමින්ය. ජංගම දුරකථනයෙහි ඇති කැමරාව පාවිච්චි කර පින්තූර ගැනීම තවත් ප‍්‍රශ්නයක් බවට පත්ව ඇති අතර සමහර රටවල් වල එයින් සිදුවන අනතුරු සලකා නීති පනවන්නට තීරණය කර ඇත. දුරකථනය භාවිතා කරමින් එහි ගීත වලට සවන්දෙමින් නොසැලකිල්ලෙන් මහ මග යනෙන සහ රිය පදවන නොයෙක් දෙනා අනතුරු  වලට මුහුණ පා ප‍්‍රතිශතය ද සැලකිය යුතු තරම් බව ද සඳහන් කළ යුතුය.

භාවිතා කරන්නන් ජංගම දුරථකථනයට අවනත වන්නේ ඇයි? එපමණට එය සමීප හෙයින් බව සඳහන් කළ යුතුය. පණිවුඩ හුවමාරු කරගැනීමට අමතරව ලෝකයේ දැන් සිදුවන්නේ කුමක්ද, මිතුරු සම්බන්ධතා, මග සලකුණු සොයා ගැනීමේ සිට වෙලාව බලාගැනීමට ද භාවිතා කරන්නේ ජංගම දුරකථනයයි. එහෙයින් එය අත්හරින්නට නොහැකි වී තිෙබි.

නමුත් සියළු ඇබිබැහිවීම් පාලනය කරන්නට අවශ්‍යය. ජංගම දුරකථනය මගින් තමන්ගේ කාලය ඉතිරි කරන සහ කාර්ය පහසු කරන බව පිලිගත යුතුය. නමුත් ඒ හා සමානව අනෙක් අය ගේ පැවැත්මට සිදුවන බාධා ගැන ද සලකා බලන්නට අවශ්‍යය. සාකච්ඡා, රැස්වීම් හෝ පොදු සභාවක එකතුවන විට තමන්ගේ ජංගම දුරකථනය කි‍්‍රයා විරහිත කර හෝ ඒවා නිහඩ කර තැබීමට උත්සුකවීම මැනවි. එයට හේතුව අන්‍යයන්ට සිදුවන හිරිහැරයයි. කොපමණ වැදගත් පුද්ගලයෙකුගේ වැදගත් ඇමතුමක් නමුත් එය පොදු සාකච්ඡාවක න්‍යාය පත‍්‍රයට බාධා කරන්නේ නම් ගැටළු ඇති කරයි. පැවැත්වෙන සැසියක ස්වභාවය නොසන්සුන් කරන්නට එක ජංගම දුරකථනයක නාදය ප‍්‍රමාණවත් වන අතර එය තීරණාත්මක අවස්ථාවක එළැඹිය යුතු අවධානය බිඳ දැමුවහොත් එයින් විය හැකි අවාසිය ගණන් බැලීම පහසු නැත.

කරුණු එසේ හෙයින් ජංගම දුරකථනයේ වාසිය අත් වි`දින්න. නමුත් එය බලපෑමක් කර ගැනීමෙන් වලකින්න. පවුලේ සාමාජිකයන් එකතු වී ආහාර ගන්නා කෑම මේසයේ දී ජංගම දුරකථනය නිහ`ඩ කරන්න. පවුලේ සියළු දෙනා සැහැල්ලූවෙන් කතාබහක නිරත වන විට ජංගම දුරකථනය එයට වඩා වැදගත් තැනකට පත්විය යුතු නැත. නිතර හමුවෙනොවන නෑ මිතුරන් මුණගැසෙන වේලාවක ජංගම දුරකථනයෙන් කතා කරමින් තමන්ගේ ලෝකයේ සැරිසරන එක මිතුරෙකු සියළු දෙනාගේ හැගීම් වලට නිගරු කරන බව සැලකිල්ලට ගන්න.

ජංගම දුරකථනය ජීවිතය පහසු කර තිබේ. එය කාලය ඉතිරි කර ඇත. ලෝක ප‍්‍රජාව අතර තිබුණ පරතරය අවම කරන අතර සිදුවන දේ වටහා ගන්නට ඉඩ කඩ විවෘත කරයි. නමුත් එයට ඇබ්බැහිවීමෙන් සිදුවන යහපතට වඩා අයහපත නරක එකක් බව අවධානයට ගත යුතුය.

 

ඉක්මන් ගමන කොටයි

ප්‍රතිචාරයක් ලබාදෙන්න

milinda-prashna

2017/03/15 – ලංකාදීප

මාර්ග අනතුරු දිනෙන් දින වැඩි වෙමින් තිබේ. මහ මග අනාරක්ෂිත බව  කොපමණ දැයි එයින් අඟවයි. අපරාධ වැඩි වන බව වාර්තා පෙන්වයි. දිනපතාම පාහේ මනුෂ්‍ය ඝාතන වාර්තාවන තත්ත්වයක් පවතී. මාර්ග අනතුරු වලින් හා අපරාධ නිසා රටට අහිමි වන ජීවිත ප‍්‍රමාණය සැලකිය යුතු තරමකින් වැඩි වී තිබේ. අසාමාන්‍ය මට්ටමකින් අනතුරු හා අපරාධ සිදුවන විට එයට හේතු සොයා බලා විසදුම් සකස් කිරීම  සුදුසුය.

කාර්ය බහුල සමාජය තම ගමන ගැන අවධානය යොමු කරන නමුත් ආරක්ෂාව ගැන හිතන්නේ නැති බව නිරීක්ෂණය කළ හැකිය. ඉක්මන් ගමන ගැන විනා ජීවිතයෙහි වටිනාකම සම්බන්ධයෙන් නොසලකන තත්ත්වයක් ඇතිවූයේ කෙසේද? විශේෂ අවධානය යොමු කළ යුතු කරුණකි.

තමන්ටම වාහනයක් අයිති කරගැනීම සියළු දෙනාගේ උත්සාහයයි. අඩු තරමින් ත‍්‍රිරෝද රථයක් හෝ යතුරු පැදියක් මිලදී ගන්නටය. එය නරක අදහසක් නොවේ. නමුත් කෙටි ගමන් බිමන් වලට පමණක් සෑහෙන මෙම සරල වාහන පවුලේ සියළු දෙනාම ගමන් බිමන් යන තත්ත්වයට පත් කරගැනීම ඉතා අනතුරුදායක බව සඳහන් කළ යුතුය. කුඩා යතුරු පැදියක තමන්ගේ දරුවන් සමග අමතර පංතියකට යන මවක් ඉටු කරන්නේ යම් වගකීමක් බව තේරුම් ගත හැකිය. මව, පියා සහ දරුවන් සහිතව යතුරු පැදියක් පවුලේ වාහනයක් සේ සලකා යතුරු පැදියෙන් ගමන්කරනු පෙනේ. කුඩා දරුවන් සමග සියළු බඩුබාහිරාදිය පටවා ගෙන ගමනක් යන ත‍්‍රී රෝද රථයක් දකින විට එහි ගමන් කරන්නේ තවත් යුතුකමක් වෙනුවෙන් බව හිතාගන්නට බැරි නැත. නමුත් මෙම සියළුම දෙනාගේ ගමන අනතුරුදායකය. පරෙස්සමක් නැත. යතුරු පැදිය හෝ ත‍්‍රී විලර් එක තම පවුලේ වාහන නොවේ. මහා මාර්ගයේ ධාවනය වන වාහන අතර ඒවාට ඉඩක් නැත. නමුත් සාමාන්‍ය ජනතාවට විකල්පයක් නැත. මහා මාර්ගයේ දී අති විශාල බරක් පටවාගෙන යන කන්ටේනර් රථයකට හෝ සෙනග පුරවා ගත් බස් රියකට හෝ නීතිය එකය. ත‍්‍රීවිලර් සහ යතුරු පැදි මාර්ගයේ ධාවනය කෙරෙන්නේ ද එම නීති අනුගමනය කරමින්ය. රෝද හතරක වාහනයකට ඇති හැසිරවීමේ හැකියාව රෝද තුනකට හෝ දෙකකට නැත. අනතුරකට හේතුවිය හැකිය. අධික තදබදය මැද යතුරුපැදියක්, ත‍්‍රීවිලර් එකක් වෙනුවෙන් කුඩා ඉඩක් දෙන්නට අනෙක් වාහන පදවන්නන් සූදානම්ද?

සවුදි ආරාබියේ අධිවේගී මාර්ග වල ගමන් කරන වාහන හදිසියේ නතර වෙන අවස්ථා තිබේ. එයට හේතුව සොයන බලන විට නිවී සැනසිල්ලේ පාර මාරුවෙන ඔටු ගැල් පන්තියකට ඉඩ දීම සඳහාය. අධිවේගී මාර්ගයක නවීන වාහන, ඔටුවන් පාර මාරුවන තුරු නතරවීම කලබලයකට හේතු වෙන්නේ නැත. මෙරට මහ පාරක කරත්තයක් ගමන් කළහොත් ඇතිවන තත්ත්වය කෙබදුද? වාහනයක් පාර මැද නතරවුවහොත් ඇතිවන කලබැගෑනිය විශාල එකකි. මේවායෙන් පෙන්වන්නෙ සමාජය දියුණු නමුත් පරිනත නැති බවය. දුබලයා වෙනුවෙන් පරිත්‍යාගයක් කරන්නට ප‍්‍රබලයා සමත් නැති බවය. සියළු සාමාන්‍ය වාහන අභිබවා ඉදිරියට යන්නට බලවතා උත්සාහ කරයි. එහි අවසානය කුමක්ද?

මැදි ආදායම් රටක් බවට පත්වන විට රට පුරා ධාවනය වන වාහන ප‍්‍රමාණය ඉහළ යයි. එයට ප‍්‍රමාණවත් මාර්ග පහසුකම් වැඩි දියුණු නොවන විට තදබදය ඇතිවේ. එහි පීඩනයෙන් ඉවසිල්ල සහ විනය බිඳ වැටේ. දරුණු අනතුරු වලට හේතුව නිසි සැලකිල්ලක් නැති ධාවනය කිරීමයි. යතුරු පැදි සහ ත‍්‍රී විලර් වලින් අනතුරු සිදුවන ප‍්‍රවනතාව තවත් ඉහළ මට්ටමක බව සඳහන් කළ හැකිය.

අඹු දරුවන් සමග යතුරු පැදියක හෝ ත‍්‍රීවිලර් එකක ගමන් කරන පුරවැසියන් අවදානම ගැන අවබෝධයක සිටිය යුතුය. සෙසු වාහන පදවන රියැදුරන් කුඩා වාහන වලට ඉඩ දෙන, ඒවායේ ගමන්කරන ජීවිත වල ආරක්ෂාව ගැන හිතන පිරිසක් බවට පත් කිරීම අවශ්‍යය. නීති සම්පාදනය වැදගත් නැත. රට දියුණු වන විට ජන සමාජය අලූතින් හිතන බුද්ධිමත් කොට්ඨාශයක් බවට පත්වන්නේ නම් සුදුසුය.

අතේ රෝල් මාධ්‍ය භාවිතාව

ප්‍රතිචාරයක් ලබාදෙන්න

milinda-prashna

2017/03/08 – ලංකාදීප

මාධ්‍ය භාවිතාව තුළ අසත්‍ය, අදෘෂමාන ප‍්‍රවෘත්ති යනුවෙන් පැතිකඩක් සාකච්ඡුාවට ලක්ව තිබේ. මූලාශ‍්‍ර විකල්ප යනුවෙන් ව්‍යුහයක් ද සකස් වී ඇත. මෑත කාලයේ දී ජන සන්නිවේදනයෙහි විකාශය උපරිම ව්‍යුහයක් කරා ළඟා වන විට ජනතාව හා මාධ්‍ය අතර සංකීර්ණ තත්ත්වයක් මතුව ඇති බව දක්වන්නට මෙකී කරුණු දෙක මතු කර දැක්විය හැකිය.

පරිහරණය කරන්නා කෙරෙහි සැලකිල්ල යොමු කිරීම වගකිව යුතු මාධ්‍යයක මූලික කාර්ය භාරයයි. ජනතාව දැනුවත් කරන අතර නිවැරදි දේ සන්නිවේදනය කරන බවට විශ්වාසය තහවරු කරගැනීම වැදගත්ය. ඇතැම් අවස්ථාවල මාධ්‍යල අසත්‍ය තොරතුරු උවමනාවෙන්ම දක්වන්නේ නම් එහි අරමුණ කුමක්ද? මෑතක දී අවසන් වූ ඇමරිකානු ජනාධිපතිවරණයේ දී ඉතාම බහුලව සංවිධාවාත්මකව අසත්‍ය තොරතුරු පළ වූ බව අනාවරණය වෙයි. එය අද වන විට ජාත්‍යන්තරයේ තියුණු සංවාදයට ලක්ව තිබේ. ඇමරිකානු ජනාධිපතිවරණයේ දී හිලරි ක්ලින්ටන්ට අදාල පුවතක් එක්තරා වෙබ් අඩවියක පළවිය. වොෂින්ටන් නගරයේ අවන්හලක ළමා අපචාර සිදුවන අතර එහි බාල දරුවන් රඳවා ඇති බව එහි හෙළිදරව් කළේ හිලරි ක්ලින්ටන් එයට වගකිව යුතු බව දක්වන අයුරින්ය. මෙම පුවතින් තැති ගත් උතුරු කැරොලිනාවේ විසි අට හැවිරිදි තරුණයෙකු ගිනි අවියක් ද රැගෙන අවන්හලට කඩා වැදුණු අතර ඔහු මෙම පුවත කොපමණ දුරට විශ්වාස කළා ද යත් තමන්ම මෙම බාල දරුවන් ගලවා ගත යුතු යැයි තීරණයකට එළැඹ සිටියේය. පොලිසිය වහාම ගිනි අවිය සහිතව අවන්හල දෙවනත් කළ මෙම පුද්ගලයා අත්අඩංගුවට ගත්තේය. නැතිනම් ඔහු අතින් නිරපරාදේ ජීවිත කිහිපයක් අනතුරකට ලක්වන්නට ඉඩ තිබුණ අතර ඔහු මෙම  ප‍්‍රවෘත්තිය අසත්‍යයක් බව තේරුම් ගත්තේ අවසානයේ දී ය.

මෙවැනි ‘‘ අතේ රෝල් ’’ ප‍්‍රවෘත්ති පළ කිරීම නරක බව දුරාතීතයේ සිට පැවැති පිලිගැනීමයි. නමුත් අද එය සාමාන්‍යකරණය වී තිබේ.විකල්ප ප‍්‍රවෘත්ති මූලාශ‍්‍ර ගැන පවතින විවාදය අනෙක් කාරණයයි. එය ද සාකච්ඡුා කරන්නේ ඇමරිකානු ජනාධිපති ඩොනල්ඞ් ට‍්‍රම්ප් ගේ දිවුරුම් දීමේ නිල උත්සවය පදනම් කරගෙනය. මෙම අවස්ථාවට හිතූ තරම් ජනකායක් නොපැමිණි බව මාධ්‍ය වාර්තා කරන ලද නමුත් නව ජනාධිපතිවරයාගේ පාර්ශවයේ ප‍්‍රධානීහු තර්ක කළේ මාධ්‍යවේදීන් හිතාමතාම සෙනග අඩු පැත්තකින් අවස්ථාව ආවරණය කළ කෝණයක එකක් බවය. නැත්නම් විශාල පිරිසක් සිටි බව ඔවුහු දක්වන්නේ බැරක් ඔබාමා හිටපු ජනාධිපතිවරයාගේ දිවුරුම් දෙන නිල අවස්ථාවේ ඡුායාරූප ගත් කෝණ සන්සන්දනය කරමින්ය. උවමනාවෙන්ම ඇත්ත නොපෙන්වා සිටීමට තැත් කරන මෙම පින්තූර වාර්තාකරණය වැරදි බව පෙන්වන්නේ විකල්ප මූලාශ‍්‍ර පෙන්වමින්ය.

අතේ රෝල් සහ ඇත්ත වසං කරන තොරතුරු පළකිරීම වැදගත් මාධ්‍ය මගින් අපේක්ෂා කරන දෙයක් නොවේ. නමුත් පවතින පක්ෂග‍්‍රාහී ස්වභාවය හෝ මාධ්‍ය භාවිතාව තුළ ඇති විශේෂිත අරමුණු හෙයින් එය එසේ සිදුවී තිබේ. එක පැත්තකින් ගවේශනශීලී මාධ්‍ය භාවිතාව ගැන විශාල අවධානයක් පවතින වකවානුවක අනෙක් පැත්තෙන් එයට හාත්පසින්ම විරුද්ධ දේ මාධ්‍ය මගින් ඉටුවෙයි. එය නවීන කෘත්‍යයක් සේ අනාවරණයවීම වත්මන් දියුණු සන්නිවේදන ප‍්‍රවාහයේ බලවත් අර්බුදයකි.

මෙරට මාධ්‍ය ආයතන තුළ සේවය කරන හසල අත්දැකීම් ඇති විද්වතුන් සහ විශ්ව විද්‍යාල විද්‍යාර්ථීන් අතර මෙකී ප‍්‍රවනතාව සම්බන්ධයෙන් පවතින තත්ත්වය ගැන විශාල සාකච්ඡාවක් සිදුවිය යුතුය. මාධ්‍යයේ ආරම්භය, එය ජන සමාජයේ තහවුරුවීම පමණක් නොව මෙහි විකාශනය තුළ සමාජය පත්ව ඇති අපහසුතාවය විද්‍යාත්මකව තේරුම් කිරීම වැදගත්ය. මාධ්‍යයක පළවන තොරතුරු ඉතාම මැනැවින් පිරික්සා බලා ඇත්ත බව තහවුරු කරගැනීමෙන් පසු ජනතාව අතට පත්කරන බවට ඇති විශ්වාසය පලූදුවීම තරම් මාධ්‍ය කර්මාන්තයට බාධා කරන අනෙක් කාරණයක් කිසිසේත් තිබිය නොහැකිය.

 

 

මහ පාරේ අයිතිය කාටද?

ප්‍රතිචාරයක් ලබාදෙන්න

milinda-prashna

2017/03/01 – ලංකාදීප

පාරක් හැදෙන්නේ පැති දෙකක් යා කරමින්ය. පැති දෙක වෙනස් අනන්‍යතා සහ සංස්කෘතික ලක්ෂණ සහිතය. පාරේ යන එන ගමන් බිමන් වල දී අදහස් එකතු වෙයි. අවබෝධතාවය ඇතිවෙයි. එය අලූත් යුගයකට මාවත විවර කරයි. පාරක් හැදෙන්නේ අවශ්‍යතා ඉටු කරගන්නටය. අඩි පාර කළ එළි වී, අබල දුබල තැන් හැදෙන විට පාර කොපමණ අවශ්‍යතාවයක් ද යන්න පැහැදිලිව හදුනාගත හැකිය. අවශ්‍යතා වැඩි වී ප‍්‍රයෝජන ගැනීමට තව තවත් හේතු ඇතිවන විට එය මහ පාරක් බවට පත්වෙයි. ගම මැදින් පාරක් හැදෙන්නේ විශාල කළ එළියක් ඇති කරමින්ය.

සංවර්ධන ගමනේ ඉදිරියට යන අද දවසේ දී  මහ පාර අයිති කාටදැයි ප‍්‍රශ්නයක් මතු වී තිබේ. ධනය හා බලය ඇති පිරිස මහ පාර අයිතිකරගෙන ඇත. බලහත්කාරයට එහි තැනක් ලැබී ඇති බව නිරීක්ෂණය කළ හැකිය. සාමාන්‍ය පදික ජනතාව මහ පාරෙන් ඉවතට තල්ලූ වී තිබේ. පැති දෙකක් යා කරමින්, අලූත් අදහස් එකතු කරන අතරවාරයේ නව යුගයකට ජනතාව යොමු කරනු ඇතැයි අපේක්ෂා කළ මහ පාර අද ගැටුම් බහුල තැනකි. එහි ඇති අවස්ථාවාදී ප‍්‍රයත්න සාමාන්‍ය ජනතාව පීඩාවට පත් කර ඇත. ජන ජීවිතය අර්බුදයකට පත්ව ඇති බව මහපාරේ අද පවතින ස්වභාවය කදිම සාක්ෂියක් සපයයි.

යාන වාහන මහ පාර අයිති කරගෙන තිබේ. මහ මග ඇවිද ගෙන යන පදිකයා, පා පැදිය හෝ යතුරු පැදිය පදවන්නාට එහි ඉඩ කඩ නැත. සුපිරි වාහන තැත් කරන්නේ අහිංසකයන් පැත්තකට කර ගමන යන්නටය. ලොකු බස් රථ මහ මග ධාවනය කරන කුඩා තී‍්‍ර විලර් එකකට ඉඩදෙන්නට සූදානම් නැති අතර සැර දමා ශබ්ධ නගා නලා නාද කර පැත්තකට කිරීම සාමාන්‍ය දෙයකි. කුඩා වාහන මහ පාර සම්පූර්ණයෙන්ම තමන්ගේ එකක් සේ සලකා හැසිරෙන විට වෙන කරන්නට දෙයක් නැති බව ලොකු වාහන ධාවනය කරන රියැදුරන්ගේ අදහසයි. තැන නොතැන නොබලා පාර පනින විට සහ කහ ඉර නොසැලකිලිමත්ව පරිහරණය කරන විට තම ඉවසීම බිඳ වැටෙන බව ඔවුහු සඳහන් කරති.

මෑතක සිට මහ පාර විරෝධතා දක්වන තැනකි. සාකච්ඡුාවෙන් විසඳාගත නොහැකි ගැටළු මහ පාරට ගෙනැවිත් තිබේ. වෘත්තීය අරගලය පාරට ගෙන එන විරෝධතාකරුවෝ පාර අවහිර වන සේ ගමන් කරමින් සාමාන්‍ය ජනතාව ගේ එදිනෙදා පැවැත්ම අවහිර කරති. පාර ජනාකීර්ණ වන දවල් දොලහට පාසල අවසන් වෙන වේලාවේ සහ කාර්යාල අවසන් වන හැන්දෑවේ විරෝධතාවය සහ දේශපාලනය මහ පාරට ගෙන එන විට තැලෙන්නේ දරුවන්ය. කාර්යාලය අවසන් කර ඉක්මනින් ගෙදර යන්නට බලා ඉන්නා විඩා පත් ජන කොටස්ය. මෙම සිදුවීම් වල  අවසානය කුමක්ද අලූත් සංස්කෘතියක් හැදිය යුතු වූ නමුත් මහ පාර බලවත් කෝලාහලයක් හදා තිබේ.  රටට එයින් යහපතක් සිදුවී තිබේද?

මහ පාර ඉවසිලිවන්ත තැනක් කරන්නේ කොහොම ද යන ප‍්‍රශ්නය සාකච්ඡුා කළ යුතුව තිබේ. සන්සුන් බව එහි ඇතිකරන්නේ කෙසේදැයි විමසා බැලීම වටී. දහස් සංඛ්‍යාත පිරිසක් පාරට බහින්නේ තමන්ගේ වැඩ කටයුතු කරගෙන ආපසු නිවසට යන බලාපොරොත්තු ඇතිවය. සාක්ෂාත් කරගත යුතු ඉලක්ක සහිතවය. මහපාරේ ඇති බලහත්කාරය, ඝෝෂාව හා අවනීතිය ජන ජීවිතය අසරණ කර තිබේ නම් දියුණු වන රටක් වශයෙන් ලස්සන මං මාවත් තනන්නට මහජන මුදල් වෙන්කිරීමෙන් ලැබෙන කිසිදු ප‍්‍රතිඵලයක් නැත.

මහා මාර්ගය පරිහරණය කරන සියළු දෙනා එහි ඇති වටිනාකම හා තිබිය යුතු ගෞරවය ගැන අලූතෙන් සිතන්නට අවශ්‍යය. අනෙක් පුද්ගලයාගේ අයිතිවය බාධාවක් වන සේ මහා මාර්ගය හරස් කිරීම අසාධාරණ  බව හිතන්නට අවශ්‍යය. කුඩා පටු මාර්ගයක්ව පැවැති ගමන් බිමන් යන එන මාවත අඩි තිහ හතලිහක් පුලූල් වී අධිවේගී එකක් වෙන විට මතුවන සංකීර්ණත්වය  ගැන සැනසිල්ලේ හිතන්නට සුදුසු හෝරාව එළැඹ තිබේ.