2016/11/30 – ලංකාදීප
ස්කොට්ලන්තය මහා බි‍්‍රතාන්‍යයේ කොටසක් නමුත් වෙනම පාලනයක් ඇති රටකි. කුඩා නමුත් හොඳ ජීවන තත්ත්වයක පසුවෙයි. ස්කොට් වැසියන් පොදු ප‍්‍රවාහනය වශයෙන් දුම්රියට කැමැතිය. එරට දුම්රිය සේවාව රජය සතු ව්‍යාපාරයකි. කිලෝ මීටර් තුන් දහසක් පුරා පවත්වාගෙන යන සේවය අවුරුද්දකට මගීන් මිලියන හැට දෙකක් එහා මෙහා ගෙන යන බව සඳහන්ය.
ස්කොට්ලන්ත පාලකයන් එරට දුම්රිය ගමන් මගීන් ගේ පහසුව ඉහළින්ම සලකයි. පසුගිය දා එරට ප‍්‍රවාහන අමාත්‍යවරයා දුම්රිය ප‍්‍රමාදවීම ගැන මගීන්ගෙන් සමාව ඉල්ලා සිටියේය. ජාත්‍යන්තර මාධ්‍ය එම ප‍්‍රවෘත්තිය ප‍්‍රමුඛ තැනෙක ලා වාර්තා කර තිබිණ. සිද්ධි ප‍්‍රවෘත්තියක් වෙන්නේ අසාමාන්‍ය හෙයින්ය. ලෝක ප‍්‍රවෘත්තියක් වෙන්නේ එයටත් වඩා අවධානයට ලක්වන කාරණයක් බැවිනි. ඇතැම් රටවල ඇමැතිවරු ක‍්‍රියා කරන අන්දම අනුව සමාව ඉල්ලන සිද්ධි විරල බව ඇත්තකි. එහෙයින් ඒවා පුදුමාකාර ප‍්‍රවෘත්ති බවට පත්වෙයි. නමුත් ස්කොට් ඇමැතිවරයා මගීන්ගෙන් සමාව ඉල්ලන්නේ වැලැක්විය නොහැකි කරුණු මත සිදුවූ දුම්රිය ප‍්‍රමාදය ගැන කරුණු දක්වමින්ය.
ස්කෝට්ලන්තය පමණක් නොව ජපානය එරට විදුලි දුම්රිය ප‍්‍රමාද වුවහොත් දුම්රියෙන් බැස යන මගීන්ගෙන් එයට සමාව ඉල්ලයි. ජර්මනියේ දුම්රිය සේවය වෙලාවට ධාවනය කරන අතර එයට පසුබිම් වූ උපමා කතාවක් අනුව වෙලාවට දුම්රිය වේදිකාවට ගෙන නොඑන රියැදුරෙකුට මුසෝලිනි දඞුවම් කරන ලද බව කියැවෙයි. එතැන් සිට වෙලාවට දුම්රිය ධාවනය වූ අතර මගී ප‍්‍රවාහනය කොපමණ වැදගත් දැයි කියන්නට එය ද සාක්ෂියකි. ඉන්දියාවේ දුම්රිය අනතුරක් සිදුවුවහොත් වගකීම භාරගන්නේ ඇමැතිවරයාය. මහතීර් මොහමඞ් මහතා මැලේසියාවේ බස් රථ වෙලාවට ධාවනය කරනවාදැයි බලන්නට ඒවායේ අයිතිකරුවන් පෙළැඹවීය. නගරයේ තදබදය අඩුකර කගරය කාර්යක්ෂම කරනු සඳහා බස්ගාස්තු අය නොකරන නොමිලේ සේවයක් එස්තෝනියාව හදුන්වා දුන්නේය. ස්කොට්ලන්තයේ සමාව ඉල්ලීමේ සිට එස්තෝනියාව දක්වා එදා මෙදා පොදු ප‍්‍රවාහනයට අදාල සිද්ධි කියන්නේ පොදු ජනතාවගේ ගමන බිමන් ගැන රට රටවල පාලකයන් දක්වන උනන්දුවක තරමය.
ජාත්‍යන්තරයේ පවතින තත්ත්වය ගැන විස්තර දන්නා අපට මෙරට පොදු ජනතාව ගමන් බිමන් යන්නේ කෙසේදැයි ප‍්‍රශ්න කරන්නට වගකීමක් තිෙබි. පොදු ප‍්‍රවාහනයේ දී ජනතාව බලවත් වේදනාවක් විඳිති. වෙලාවට දුම්රිය නැත. ලංගම බස් රථ ප‍්‍රවාහන අවශ්‍යතා සම්පූර්ණ කරන්නට ප‍්‍රමාණවත් නොවේ. පුද්ගලික බස් රථ සේවය ගැන මහජන විවේචන අප‍්‍රමාණය. වේගවත් සහ නවීන දුම්රිය සේවා රටට එªන්වා දෙන බව කියන්නේ සෑහෙන කාලයක සිටය. එසේ තිබිය දී දුම්රිය, බස් රිය පමණක් නොව තමන්ගේම වාහනයකින් ගමනක් යන්නට පාරට එන පුරවැසියන් මුහුණ දෙන්නේ සෑහෙන දුෂ්කරතාවන්ටය.
ජනතාව දුක්විඳින අතරවාරයේ ජනතා නියෝජිතයන් වශයෙන් පත්වන මැති ඇමැතිවරු හැසිරෙන්නේ කෙසේද? වත්මන් ආණ්ඩුවේ මැති ඇමැතිවරු තමන්ගේ බදු රහිත වාහන බලපත‍්‍රය, අමාත්‍යංශ නිල වාහනය හෝ එවැනි වාහනයක් දෙනතුරු ගන්නට තැත් කරන දීමනා සම්බන්ධ විස්තර මාධ්‍යයෙන් කියවන විට ලෝකයේ වෙනත් රටවල සිදුවීම් අභව්‍ය දේ මෙන් පුරවැසියන්ට දැනෙන බව නිසැකය. ජනතාව වෙනුවෙන් පෙනී සිටින බව පොරොන්දු දී බලයට පත්වන මහජන නියෝජිතයන්ට මැතිවරණ වේදිකාවේ දී ජනතා දුක වෙනුවෙන් කියන ලද කිසිවක් මතක නැති බව පැහැදිලිය. දුම්රිය ප‍්‍රමාදවීම ගැන සමාව ඉල්ලන ඇමැතිවරු ඉන්නා ලෝකයක ශ‍්‍රී ලංකාව යන දූපතේ මහජන නියෝජිතයන් තමන් මහජන මුදලින් නඩත්තු වන ආකාරය ගැන නැවත හිතා බැලීම සුදුසුය.
Milinda Prashna 