2019/10/23 – ලංකාදීප
ජනාධිපතිවරණයට තරග කරන අපේක්ෂක ප‍්‍රමාණය සලකනවිට අංශ දෙකක් ගැන අවධානය යොමු කළ යුතුය. එකක් තනතුර සැහැල්ලූවට ලක් කර තිබේ. අනෙක පවතින ක‍්‍රමයට ඇතුළු වුවහොත් ලැබෙන වාසි කන්දරාවයි. සරල නායකයෙකු වශයෙන් ක‍්‍රියා කරන බව දක්වන නමුත දේශපාලන ක‍්‍රමය නඩත්තු කිරීම සදහා සෑහෙන කැපකිරීමක් කරන්නට ජනතාවට සිදුවේ. ක‍්‍රමය වෙනුවෙන් ගෙවන වන්දියක් බව පොදු ජනතාව තකන්නේ නැත. නිදහස ලැබූ දින සිට දැකගත හැකි තත්ත්වයකි.
සිංගප්පූරුවේ නිර්මාතෘ, දිවංගත අගමැති ලී ක්වාන් යූ මැති ඇමැතිවරුන්ට ඉහළ වැටුප් ගෙවීය. දක්ෂ පුද්ගලයන් දේශපාලනයට කැදවීමට හොද පහසුකම් සැපයිය යුතු බව ඔහුගේ දර්ශනය විය. එම ක‍්‍රමය තුළ දූෂණයට ඉඩක් නොවීය. මැති ඇමැතිවරුන්ට දූෂණ චෝදනා එල්ල වුවහොත් කිසිම සමාවක් නොතිබුණි. ලී ක්වාන් යූ වැඩිම වැටුපක් ලද රාජ්‍ය නායකයෙකි. වැටුප ගැන ප‍්‍රශ්න කළ මාධ්‍යවේදියෙකු ඇමතූ ලී ක්වාන් යූ කියා සිටියේ වැඩිම වැටුප කෙසේ වෙතත් තමා ලෝකයේ දුප්පත්ම රාජ්‍ය නායකයා බවය. එයට එකම හේතුව ඔහු ආණ්ඩුවෙන් නඩත්තු වූ චරිතයක් නොවේ. අනෙක දූෂණ වංචා වලට සම්බන්ධ නොවූ ආදර්ශවත් චරිතයක් විය. සමීප අමාත්‍යවරු පවා අල්ලස් චෝදනා එල්ල වූ විට පක්ෂයෙන් ඉවත් කළේය. චෝදනා විභාග වන විට දිවිනසාගත් ඇමැතිවරු ගැන ද ඔහුගේ කාලයේ දී වාර්තා විය. හෙතෙම නිවැරදි මාවත අනුගමනය කළ අතර එහෙයින්ම දුප්පතෙකු විය. අන්තිම කැමැත්ත ලියූ ලී ක්වාන් යූ තමන් ගේ පරම්පරා නිවසේ ජීවිතයේ අන්තිම කාලයගත කළේය. එම නිවස පවා අභාවයෙන් පසු කඩා විනාශ කරන ලෙස හෙතෙම ඉල්ලීමක් කර තිබුණි. එහි අරමුණ සිහිවටනයක් වශයෙන් මහජන මුදල් වැය කර නඩත්තු කිරීම වැලැක්වීමයි. තවමත් එම ඉල්ලීම බලගන්වා නැති අතර පවුලේ අය අතර ඒ ගැන විවාදයක් තිබේ.
ශ‍්‍රී ලංකාවේ දේශපාලනය ධනය හම්බකරගත හැකි තැනකි. එතැනට එන විට නිරායාසයෙන්ම දූෂණයට ගොදුරු වන බව රහසක් නොවේ. ලැබෙන වැටුපෙන් හෝ පවුලේ ආදායමෙන් ජීවත්වන දේශපාලනඥයන් අතලොස්සකි. ඡන්දය දිනා වැඩි කාලයක් යන්නට මත්තෙන් දියුණුවන තරම ගැන සාමාන්‍ය ජනතාවට අවබෝධයක් ඇත. එහෙයින් දේශපාලනඥයෝ වංක, පිරිහුණ චරිත වශයෙන් පොදුවේ වර්ග කර තිබේ. ලැබෙන වේතනය, දීමනා හෝ අනෙක් පහසුකම් නොගෙන මහජන සේවයට කැපවන බව කියන දේශපාලනඥයෝ සිටිති. පක්ෂ වලින් නඩත්තු වන බව ප‍්‍රකාශ වෙයි. මේවායේ අභ්‍යන්තරය පැහැදිලි නැත.
ඉන්දියාවේ හිටපු ජනාධිපති දිවංගත ආචාර්ය අබ්දුල් කලාම් ගේ ජීවන රටාව හා ද්‍රෘෂ්ඨිය පැහැදිලි කරන සිද්ධි කීපයක් මෑතක දී අනාවරණය වී තිබේ. එය මෙරට දේශපාලනඥයන්ට පාඩමකි. ජනාධිපතිවරයාගේ ලේකම් පී. එම් නයියර් ඉන්දියානු රූපවාහිනියකටදුන් සම්මුඛ සාකච්ඡාවක දී එය විශේෂ අවධානයට ලක් විය.
වරක් ජනාධිපති කලාම් ගේ ඥාතිහු පිරිසක් රාශ්ඨපති භවනට පැමිණ නතර වූ අතර ඔවුහු ගත කළ කාලය තුළ නිල වාහන භාවිතා කිරිමට ඉඩ දී නැත. ආහාර පාන වෙනුවෙන් වියදම් වූ සියළු පිරිවැය ජනාධිපතිවරයාගේ පුද්ගලික මුදලින් ගෙවා දැමීම වැදගත් සිද්ධියකි. ජනාධිපතිවරයාගේ ඇරයුමෙන් ඔහුගේ සහෝදරයෙකු සතියක් ජනාධිපති මන්දිරයේ නතර කරගෙන සිටි අවස්ථාවක් ගැන ද සදහන්ය. ඔහු නික්ම ගිය පසු වියදම ගෙවන්නට කලාම් ජනාධිපතිවරයා තැත් කළේය. ඉතා අසීරුවෙන් එය ප‍්‍රතික්ෂේප කරන්නට නිලධාරීන්ට සිදුවූ බව නයියර් මහතා කියා ඇත.
නමක් ගමක් පවා නොදන්නා පුද්ගලයෝ කැදවා මහජන මුදලින් ආහාර පාන සපයා, මහත් සත්කාර කර පිටත් කරන දේශපාලනඥයන් සිටින යුගයක අබ්දුල් කලාම් ජනාධිපතිවරයා ඉතා අගනා ආදර්ශයක් සපයා ඇත. ප‍්‍රජාතන්ත‍්‍රවාදය, එහි ගුණාංග ගැන මහා වර්ණනා කරන සහ ජනතා සේවය වෙනුවෙන් කැපවෙන බව කියන දේශපාලනය මෙහි මුලින් සදහන් කරන ලද නායකයන් ගේ විත්ති අවබෝධ කරගෙන කටයුතු කරන්නේ නම් පොදු ජනතාව වශයෙන් අපට වැදගත්ය. ඒ අතරය
Milinda Prashna 
ප්රතිචාරයක් ලබාදෙන්න