රැකියා ඇතත් මිනිස්සු නැත මිනිසුන් ඇතත් රක්ෂා නැත

2019/03/20 – ලංකාදීප

ස්ථිර රැකියාවක් සොයා ගැනීම පුද්ගල සමාජ අවශ්‍යතාවයකි. ඉගෙනගැනීමෙන් පසු යහපත් ආදායමක් ලැබෙන සහ හොඳ පිළිගැනීමක් ඇති වෘත්තියක් අපේක්ෂා කෙරේ. ලැබෙන අවස්ථා හා පවතින රැකියා අවස්ථා අතර පරතරයක් තිබේ. එහි විෂමතා ඇත. ඇමරිකාවෙන් ලැබෙන වාර්තාවක් අනුව එරට වෘත්තීය අවස්ථා මිලියන 7.6 ක් තිබේ. මෙම හිඟය පියවා ගැනීම අපහසු නැත. රැකියා රහිත ඇමරිකානුවන් මිලියන හයක් සිටින බව අනාවරණය වෙයි. මෙම සම්පූර්ණ පිරිසටම ඇමරිකාවෙන් රස්සා සැපයීම ගැටළුවක් නොවේ. එහෙත් යැපෙන මාර්ගයක් සොයා ගන්නට මහන්සිවෙන පිරිස මෙම පවතින වෘත්තීය අවස්ථා වලට කැමැති නැත. එය වෙනස් අර්බුදයකි.

ඉන්දියාවේ තත්ත්වය වෙනස්ය. ඉන්දියාවේ ප‍්‍රාන්ත ගණනාවක රැකියා හිඟය දරුණු අර්බුදයක් වී තිබේ. ඉන්දියානු දුම්රිය සේවයේ පොදු සේවක තනතුරු අනූ දහසක් සම්පූර්ණ කරන්නට අයැදුම් පත් කැඳ වූ විට ලැබී ඇති ඉල්ලූම් පත් ගණන මිලියන විසි අටකි. උපාධිධරයෝ පවා සුළු රැකියා අවස්ථා වලට අයැදුම් කර තිබේ.

ලෝකයේ රටවල් දෙකක දැනට පවතින මුහුණුවර ගැන යම් අවබෝධයක්  ලබාගැනීමට මෙම තොරතුරු සෑහෙනු ඇත. ශ‍්‍රී ලංකාවේ ශ‍්‍රම වෙළඳ පොළ හා තරුණ පෙළ අපේක්ෂා කරන රැකියාව ගැන අවධානය යොමු කිරීම සුදුසුය. අඩු ආදායම් මට්ටමක සිටි රටක තත්ත්වයෙන් මිදී මැදි ආදායම් රටක ස්වභාවයට පත් වූ ශ‍්‍රී ලංකාවේ ජන සමාජය තුළ පවතින ආකල්ප වෙනස් වී තිබේ. එය සාධාරණ තත්ත්වයකි. යැපෙන වෘත්තියක වෙනුවට තෘප්තිමත් සේවයක නිරතවීම අපේක්ෂාවයි. එහි ප‍්‍රතිඵලයක් වශයෙන් පවතින රැකියා වලට සුදුසු අය නැත. රැකියා අවස්ථා විශාල වශයෙන් පවතින නමුත් ඒවායේ වැඩ කරන්නට තරුණ පෙළ සූදානම් නැත. මෙම පරතරය මගින් සෑහෙන විෂමතා ඇති කර තිබේ.

කාර්මික හා කෘෂිකාර්මික අංශ වල පවතින රැකියා ඇබෑර්තු සෑහෙන ප‍්‍රමාණයකි. ශ‍්‍රම හිඟය නිසා ගොවිතැන අඩාල වී තිබේ. ඇ`ගළුම් කර්මාන්තය ආශ‍්‍රිව විශාල අවස්ථා ඇත. අපනයනය ඉලක්ක කරගත් කර්මාන්ත ආයතන තමන්ගේ වැඩ පොල වල ශ‍්‍රම හිඟයක් පවතින බව වාර්තා කර තිබේ.  ඉගෙනගැනීමෙන් පසු නොගැලපෙන වෘත්තීන් හි නිරත වන්නට කැමැති නැත. ලැබෙන තෘප්තිය හා රැුකියාවෙන් උපයාගත හැකි ආදායම අතර වාදයක් පවතී. ඇතැම් කොටසක ගේ අරමුණ වී ඇත. රැකියාවක සඳහා ගමන බිමන දුෂ්කරය. වැය කළ යුතු කාලය වෙනස් වී තිබේ. එම කාලය වෙනුවට තමන්ටම තී‍්‍රවිලර් එකක් හෝ මිල දී ගෙන ආදායමක් හොයා ගැනීම සුදුසු බව හිතන තරුණ පිරිසක් ද ඇත. පොදු ප‍්‍රවාහනයේ දී සිදුවන හිරිහැර හෙයින් ශ‍්‍රී ලංකාවේ කාන්තාවෝ රැකියාවකට යන්නට මැලි කමක් දක්වන බව ද පර්යේෂණ වාර්තා පෙන්වා දී තිබුණි. එය ශ‍්‍රම හිඟය තවත් පැත්තකින් ගැටළුවක් බවට පත් කර තිබේ. අනාගතයේ දී මෙරට තරුණ ශ‍්‍රමය හි`ග වන අතර වයස්ගත ජනගහනය ප‍්‍රතිශතයක් වශයෙන් වැඩි වන බව ද අනාවරණය වී ඇති කරුණකි.

ලෝකයේ වෙනත් රටවල් ශ‍්‍රම හිඟයට මුහුණ දෙන ආකාරයට විදේශ රටකින් ශ‍්‍රමිකයන්ට මෙරටට පැමිණ වැඩ කරන්නට ඉඩ දෙන වාතාවරණයක් රට තුළ නැත. රටට අවශ්‍ය ශ‍්‍රමය සොයා ගත යුතුය. නිෂ්පාදන අංශ අඩාල නොවන පරිදි හසුරුවා ගැනීමේ දී ශ‍්‍රම වෙළ`ද පොල හැසිරීම ගැන නිසි අවධානයක සිටිය යුතුය. පවතින රැකියාවලට අකමැති නම් ඒවා තාක්ෂණික යන්ත‍්‍ර වලට පවරා ඒවා මෙහෙයවන දැනුම තරුණන්ට දෙන අධ්‍යාපනයේ වෙනස්කම් ඇති කිරීම ගැන කල්තබා සාකච්ඡුා කිරීම සුදුසුය.