ඊලග ඡන්දය ගැන නොව රට ගැන සිතා තීරණ ගනිමු

ප්‍රතිචාරයක් ලබාදෙන්න

2022/03/23 – ලංකාදීප

අප ගැන අපට ඇත්තේ මහත් ආඩම්බරයෙකි. අපේකම ගැන කතාකරන්නේ ඉහළින්ය. කිසිම රටකට හෝ ජාතියකට දෙවැනි වෙන සූදානමක් නැත. අපේකම කෙසේ වෙතත් එදිනෙදා පැන නැගෙන ප‍්‍රශ්නවලට උත්තර සොයන්නේ පිටස්තරයන්ගෙනි.

දේශපාලන, ආර්ථික හෝ සමාජ ප‍්‍රශ්න පැන නැගීම සාමාන්‍ය දෙයකි. වරින් වර ගැටළු ඇතිවෙයි. නිරාකරණය කරගැනීමේ නොහැකියාවක් නැත. පමා කළහොත් දැවැන්ත අර්බුද බවට පත්වෙන්නේ සුළු ප‍්‍රශ්න බව සදහන් කළ යුතුය. නියපොත්තෙන් කඩාදමන්නට හැකි පැලෑටි පොරවකින් කපන්නට පවා නොහැකි තැනට පත්වන තෙක් බලාසිටින්නට සමත්කමක් අපට තිබේ.

මෙවැනි සදහනක් කරන්නට හේතු වූයේ ඇයි? මහජනතාව අතිශය පීඩාකාරී තැනකය. ජීවන වියදම මහත් ප‍්‍රශ්නයකි. භාණ්ඩ හිගයක් පවතින අතර වෙළද පොල පාලනයක් නැත. දේශපාලන පක්ෂ අවුලූවන විරෝධතා සමාජය නොසන්සුන් කර ඇත. කෘෂිකර්ම, අධ්‍යාපන, සෞඛ්‍ය ඇතුළු ක්ෂේත‍්‍රවල පවා සංකීර්ණ තත්ත්ව වාර්තා වෙයි. නිදහසට පසු උද්ගත වූ දරුණු ආර්ථික අර්බුදයක් බව පැහැදිලිය.

විශාල බලාපොරොත්තු සහිතව ආණ්ඩුවක් බලයට පත්කරගත් පොදු ජනතාව කලකිරීමක බව සදහන් කළහොත් එය වරදක් නොවේ. මෙරට ඉතිහාසය මෙවැනි අවස්ථා වලින් බහුලය. ගැටුම්, අර්බුද, විපත් සහ අරගල අලූත් දේ නොවේ. ඒවා අලූත් නොවන හා සමානවම විසදාගන්නට දරන ප‍්‍රයත්න ද පැරණි සම්ප‍්‍රදායික ආකෘති බව සදහන් කළ යුතුය. එන පාර්ශවයක් යෝජනා කරන කිසිම දෙයකට අනෙක් පාර්ශවය එකග නොවේ. අනෙක් පාර්ශවයකට සවන් දෙන්නට සූදානම් බලය ඇති අය සූදානම් නැත.  සමාජය එකතු වී එකමුතු වී විසදුමක් සොයාගන්නට උවමනාවක් නැත. අවසානයේ සිදුවෙන්නේ කුමක්ද? ක‍්‍රමය අර්බුදයකට ලක් වෙයි. ජනතාව විපතකින් තවත් විපතකට පත්වේ. නායකයන්ගේ වගකීම ජන ජීවිතය අපහසුතාවයකට පත් කිරීමද? දැනට උද්ගතව ඇති ව්‍යාකූලත්වය පාලනය කරගන්නට අපට එකතුවිය නොහැකි ඇයි?

එකතුවී සාකච්ඡාකර එකගත්වයකට පැමිණෙන සූදානමක් නැති අපි, විසදුම බැහැරින් අපේක්ෂා කරන්නෙමු. ලෝකයේ වෙනත් රටකින් වෙනත් සංවිධානයකින් බලකරන ක‍්‍රමයකට හැඩගැසෙන්නට සූදානම්ය. මානව හිමිකම් ප‍්‍රශ්න ඉදිරියේ අර්බුදයක සිටින ශ‍්‍රී ලංකාවට විසදුම යෝජනා කරන්නේ ජාත්‍යන්තර ප‍්‍රජාවයි. ආර්ථිකය අර්බුදය සලකා ආදායම හා වියදම ගලපන්නට එන්නේ විදේශ රටවල්ය. ජාත්‍යන්තර සංවිධාන අපට රාමුවක් හදන්නට සූදානම්වෙයි. දෙමල ජාතිකයන් සිය ප‍්‍රශ්න ගෙනයන්නේ ඉන්දියාවටය. මුස්ලිම් ජාතිකයෝ තමන්ගේ ප‍්‍රශ්නවලට මැද පෙරදිග රටවලින් සහාය ලැබෙන තෙක් බලා සිටිති. තරුණ පරපුර අනාගතය ගොඩනගාගන්නට තැත් කරන්නේ වෙනත් රටකින්ය. මේවා සාවධානව කල්පනා කළ යුතු කරුණු බව පෙනේ.

අපට විසදුමක් නැති, විසදුමක් සොයාගන්නට ප‍්‍රයත්නයක් නැති පසුබිමක පිටස්තරයන් වෙත නැඹුරුවෙන ප‍්‍රවණතාවයක් ඇත. අපේ ජනතාව ලෝකයේ වෙනත් තැනකින් උත්තර සොයන තැනට පත්වීම ගැන අප සියළුම දෙනා වගකිව යුතුය. ජාතික, ආගමික හා දේශපාලන නායකයෝ කම්පාවට පත්විය යුතු අතර තමන්ගෙන් ඉටුවිය යුතුව තිබුණ කාර්ය භාරය සාක්ෂාත් නොකිරීම ප‍්‍රශ්නවලට මුල බව වටහා ගත යුතුය. පවතින අර්බුද මෙනෙහි කර ජනතාව හමුවට පැමිණ ස්වයං විවේචනයක් කළ යුතුව ඇති අතර එය මෙම තීරණාත්මක අවස්ථාවේ ගත හැකි එක වැදගත් තීන්දුවකි.

ත‍්‍රස්තවාදය තුරන් කළ අපට ජනතාවගේ මානව හිමිකම් ආරක්ෂා කළ හැක. කොවිඞ් වසංගතය පාලනය කර ජන ජීවිත ආරක්ෂා කරගන්නට සමත් වූ අපට පැවැත්ම ආරක්ෂා කරන්නට බැරිකමක් නැත. ආදායම හා වියදම ගැන අවබෝධයක් ඇති, ණය බර ගැන දන්නා අපට අලූත් උත්පාදන අවකාශයක් ඇති කරන්නට ගත හැකි පියවර නොදන්නවා නොවේ. ආර්ථික හා සමාජ ප‍්‍රතිසංස්කරණයකට යා යුතුය. ජනප‍්‍රියත්වය ගැන හිතන, ඊළග ඡන්දයක මනාප ප‍්‍රමාණය ගනින මෙරට දේශපාලන පක්ෂ විසදුමක් සදහා තීරණ ගන්නේ නැත. අලූත් ආකෘතියකට ජනතාව සූදානම් නොකරන අතර ප‍්‍රායෝගික තීරණ ගන්නට ඉඩ දෙන්නේ ද නැත. එහි භයානක ප‍්‍රතිඵල අද අප හමුවේ තිබේ. එය ගණනකට නොගෙන තව තවත් කල් හරිමින් සිටිමු. මුලින් සදහන් කරන ලද පරිදි වෙනත් කොතැනකින් හෝ විසදුම් ලැබෙන තෙක් පොදු ජනතාව බලා සිටිති.

විශාල ප්‍රතිසංස්කරණයක්  නොකළොත් අනාගතය අදුරේ

ප්‍රතිචාරයක් ලබාදෙන්න

2022/03/16 – ලංකාදීප

ගොඩ වෙදකම අපේ සංස්කෘතියේ එක කොටසකි. සාමාන්‍ය අසනීපයක දී අත් බෙහෙත් භාවිතා කරන අවස්ථා ඇත. එවැනි අවස්ථාවල අසල්වැසි, දන්න කියන සියළුම දෙනා ගොඩවෙදුන් බවට පත්වෙති. ප‍්‍රතිකාරයක් වෙතැයි සිතන බෙහෙත් වට්ටෝරු වලින් උපදෙස් ලැබේ. ගොඩ වෙදකම හොද ප‍්‍රතිකාරයක් වන අතර අසනීපය සුව වී සාමාන්‍ය තත්ත්වයට පත්වීමට ද ඉඩ තිබේ. අත් බෙහෙත් පලක් නැති මොහොතක විශේෂඥ ප‍්‍රතිකාර ලබා ගන්නට සිදුවේ. ගොඩ වෙදකම්වලින් පලක් නැති තැන මුණ ගැසෙන විශේෂඥ වෛද්‍යවරයා, නිසි ප‍්‍රතිකාර නොගෙන රෝගය සගවාගෙන සිටීම ගැන තද අවවාද කරයි. ප‍්‍රතිකාර අරඹන්නේ එයින් අනතුරුවය.

ශ‍්‍රී ලංකාවේ ආර්ථිකය ද අසනීප හා බරපතල රෝග ගණනාවක ලක්ෂණ පෙන්වමින් ගිලන්ව සිටි බව නොරහසකි. පසුගිය කාලය තුළ බලයට පත් ආණ්ඩු අසනීපයෙහි තරම දැනගෙන සිටියේය. නිසැකවම රට සුවපත් කරන බව ප‍්‍රකාශ කර බලය ලබා ගනී. බලය ලබාගත් පසු ප‍්‍රතිකාර ගැන අමතක වෙයි. ආර්ථිකයෙහි තිබුණ ව්‍යාධි දෙස බලන පසු ප‍්‍රතිකාර පහසු නැත. බරපතල සැත්කම් කරන්නට සිදුවේ. සමජයට වේදනාවක් දැනෙන තීරණයක් වන අතර බෙහෙත් තිත්තය. මිහිරි වචන කියා බලයට පත්වන පාලකයෝ නිසි ප‍්‍රතිකාර මග හරිති. ගොඩවෙදකම් වලින් ගැලවෙන්නට මෙතෙක් කල් තැත් දැරූහ. නිසි ප‍්‍රතිකාර කරන බව අගවන ලද නමුත් අවසාන මොහොතේ දී ඒවා පැහැර හරින ලද බව පෙන්වා දිය යුතුය. නිසි ප‍්‍රතිකාර ප‍්‍රමාද කිරීම අවසානයේ දී ආර්ථිකය බරපතල තැනකට පත්ව ඇති බව රෝගියාට පමණක් නොව භාරකරුවන්ට ද වැටැහී තිබේ. දැනට රට තුළ පවතින උග‍්‍ර ආර්ථික ප‍්‍රශ්න රෝගීභාවය උත්සන්න වී ඇති බව තහවුරු කරන එක සාධකයකි.   

ශ‍්‍රී ලංකාවේ ආර්ථිකයෙහි බරපතල ව්‍යාධි දෙකකි. ජාතික ආදායම අඩුය. ආදායම ඉක්මවා වියදම් කරමින් සිටී. විදේශ වෙළදාම අනෙක් රෝගී පැත්ත බව සදහන් කළ හැක. අපනයන ආදායම ඉක්මවා ආනයන වියදම ඉහළය. ආදායම හා වියදම අතර පරතරය පියවා ගැනීමට රට තුළ ණය ගන්නා සහ ඒවා පියවන්නට මුදල් අච්චු ගහන ආණ්ඩු විදේශ වෙළදාමේ දී එනම් ආනයන හා අපනයන පරතරය පියවනු සදහා වානිජ ණය භාවිතා කෙරේ. දෙස් විදෙස් ණය හා ඒවාට ගෙවන පොලියෙන් ශ‍්‍රී ලංකාවේ ආර්ථික දේහය බෙලහීන වී ඇති අතර නොයෙක් රටවලින් ලැබෙන ආධාරවලින් ආරක්ෂා වෙමින් පවතින තත්ත්වයකට ඇද වැටී ඇත.

ආණ්ඩු බාරගන්නා පාලකයන්ට ඉරණමෙන් ගැලවෙන්නට කළ යුතු බරපතල සැත්කම ගැන අවබෝධයක් ඇත. ඡන්දයෙන් දිනන ඔවුහු ආර්ථිකය ගොඩගැනීමට කළ යුතු ප‍්‍රතිකාර පසෙක තබන අතර අවධානය ඊළග ඡන්දයෙන් දිනන උපක‍්‍රම ගැනය.

ආණ්ඩුවේ ව්‍යාධි පෙන්වා හිතමිතුරු රටවල්වලින්  තාවකාලික පෙති ගිලින ආර්ථිකය මෙතැනින් එහාට ජීවත් කරන ක‍්‍රමය ගැන හිතන්නට අවශ්‍යය. අද තීරණයක් ගැනීමෙන් අනාගත පරපුර සුරක්ෂිත වනු ඇති අතර විශාල ප‍්‍රතිසංස්කරණයක් නොකළහොත් එහි වන්දිය ගෙවන්නේ අපගේ දරුවන් බව අමතක කළ යුතු නැත.

ආදායම වැඩිකරගත යුතුව තිබේ. ජාතික ආදායම වැඩි කරන උපාය දෙකකි. එකක් නාස්තිකාර වියදම් හා අනවශ්‍ය සහන ඉතාමත් අඩු කර පරතරය පියැවීම සදහා බදු නංවන්නට සිදුවේ. බදු වැඩි නොකර පවත්වා ගැනීම සදහා තව තවත් කර්මාන්ත හා ව්‍යාපාර ආරම්භ කරන්නට අවස්ථාව ලබා දිය යුතුය. දේශීය හා විදේශීය ආයෝජන වැඩි කළහොත් ඒවායෙන් ලැබෙන ආදායම වාසියකි. විදේශ වත්කම් තරකරගැනීම අනෙක් උපාය මාර්ගයයි. අපනයනය කෙරෙහි නැඹුරුව මෙහි දී ඉතාම වැදගත්ය. අපනයනය කරන්නට සුදුසු දේ රට තුළ නිපදවිය යුතුය. මහා පරිමානයෙන්, තරගකාරී මිලකට උසස්ම තත්ත්වයේ දේ නිපදවිය හැකි පරිසරයක් ඇති කළහොත් අපනයන වෙළදාම ශක්තිමක් කළ හැක. කුඩා රටකට ලෝක වෙළද පොලට ගැලපෙන පරිදි මහා පරිමාන නිෂ්පාදනය පහසු නැත. අවශ්‍ය මෙවලම් හා තාක්ෂණය සදහා විශාල පිරිවැයක් අවශ්‍යය. සිංගප්පූරුව වැනි රටවල් ජාත්‍යන්තර ආයෝජන මත එය ජය ගෙන තිබේ.

ආදායම වැඩි කරන විනිමය උපයන පිලිවෙල සදහා තීරණ ගත යුතුය. ඉන්දියාව, චීනය හෝ වෙනත් රටකින් ලැබෙන සහන ආපසු ගෙවිය යුතුය. මුල්‍ය අරමුදලෙන් ලැබෙන ණය සංචිතයක් පවා ආපසු පියැවිය යුතුය. අපට ඇති රෝගී ආර්ථිකයට වෙනත් රටක ප‍්‍රතිකාර ගැලපෙන්නේ නැත. සැත්කම කළ යුතු අපට වන අතර තිත්ත බෙහෙත් බොන්නට සිදුවන්නේ අප සියළුම දෙනාටය. පාලකයන්ට දොස් තබන අතර දේශපාලන වේදිකාවේ මිහිරි වචන කියන වෙනත් පාලකයෙකු ආයෙමත් වතාවක් පත් කරගැනීම නොකෙරෙන වෙදකමකි. 

සැමට සාධාරණය ඉටුවන සමාජ ක්‍රමයක් පතමු

ප්‍රතිචාරයක් ලබාදෙන්න

2022/03/09 – ලංකාදීප

අග හිගකම් ඇතිවෙන විට වැට කඩොලූ බැදේ. අවහිරතා පැනැවෙන්නේ ඇති නැති පරතරය අනුවය. සාමාන්‍ය ජනතාවට මෙතෙක් හිමිව තිබුණ අවස්ථා පාලනය කරනබව කියැවේ.  පවතින ආර්ථික තත්ත්වය අනුව පාලන විධිවිධාන යෝජනාවෙමින් පවතී. සම්පත් හිගය සලකා අරපිරිමැස්මකින් ක‍්‍රියා කිරීම නරක නැත. පාලන පැනැවීමේ දී සියළුම දෙනාටම සාධාරණ ක‍්‍රම අනුගමනය ඉතාම වැදගත්ය.

ආනයන සීමා පනවා ඇත. වාහන ගෙන්වීම නතර කර තිබේ. විදේශ ගමන් බිමන් සීමා කර ඇති බව පෙනේ. විශ්ව විද්‍යාලයකට ඇතුළුවන අවස්ථාව අහිමි වූ දරු දැරියන්ට විදේශ රටකට ගොස් අධ්‍යාපනය ලැබීමට අවස්ථාව තිබුණි. ඇතැම් අංශ යෝජනා කරන පරිදි පිටරට අධ්‍යාපනය තහනම් කළ යුතුය. ඇපල්, මිදි වැනි දේ ආනයනය කිරීම ද නතර කළ යුතු බව කියැවේ. සුඛෝපභෝගී ද්‍රව්‍ය ආනයනය සම්පූර්ණයෙන්ම තහනම් කළ යුතු අතර ඒවා රට තුළ නිපදවීමට පියවර ගත යුතු බව ප‍්‍රකාශවන තවත් කරුණකි.

පාලනය නරක නැත. ශ‍්‍රී ලංකාවේ ක‍්‍රම අනුව නීතිය හැදෙන්නේ අසරණ පිරිස පැත්තකට තල්ලූකරම්න් බව සදහන් කළ යුතුව ඇත. බලය සහ ධනය ඇති ජන කොටසට කිසිම පාලනයක් බලපාන්නේ නැත.

චන්ද්‍රබාබු නයිදු මහතා මහ ඇමැති වශයෙන් ඉන්දියාවේ අන්ද්‍රා ප‍්‍රදේශය පාලනය කරන කාලයේ එක්තරා ඇමැතිවරයෙකු ප‍්‍රාන්ත ආණ්ඩුවට මේ හා සමාන යෝජනාවක් ගෙන එන ලදී. ප‍්‍රාන්තයේ සිසුන් ඉගෙනගැනීම සදහා විදේශගතවීම තහනම් කළ යුතු බව එහි දී අවධාරණය කෙරිණ. ‘‘දැනටමත් ඔබගේ දරුවන් පිටරටවල ඉගෙනගන්නේ දැයි’’ ප‍්‍රශ්න කළ මහ ඇමැතිවරයා ‘‘එසේ කරගෙන යන අයට අත් ඔසවන්නැයි’’ එවකට පලාත් සභාව නියෝජනය කළ මහජන නියෝජිතයන්ගෙන් ඉල්ලීමක් කළේය. වැඩි දෙනෙකුගේ අත් එසැවිණ. ‘‘පළමුවෙන් ඔබගේ දරුවන් ආපසු කැදවන්න. ඔබ සියළු දෙනා එයට එකගනම් පමණක් විදේශ අධ්‍යාපනය තහනම් කළ හැකි’’ බව එහි දී කියා සිටියේය.

පාලකයන්ට අනුගමනය කළ නොහැකි තීරණ ජනතාවට පමණක් පැනැවීම සුදුසු නැත. සමාජයට ආදර්ශයක් දිය යුතු පාලකයන්ය. ඉහළ පැලැන්තිය තමන්ගේ කැපවීම පෙන්විය යුතුය. ඔවුන් ආරක්ෂාවන අතරවාරයේ මධ්‍යම පැලැන්තියට සහ ඉහළට නගින නොතිත් ආශාවකිස් පසුවන පහල තලයට බාධා පැනවීම සුදුසු නැත.

ආර්ථික ක‍්‍රමයක උස් පහත්වීම් සිදුවේ. ප‍්‍රශ්න පැන නැගේ. සම්පත් සීමා සහිත වන අවස්ථා ඇතිවේ. සංකීර්ණ ගැටළු බව පිලිගත යුතුය. ගැටළු නිරාකරණයට ගත හැකි හොදම පියවර තෝරාගත යුතුය. එම පියවර සමාජයේ හරස්කඩක් නියෝජනය කළ හැකි ගෞරවාන්විත එකක් බවට හැරවීම පාලකයන්ගේ වගකීමකි. නැති බැරි ජන කොටස් විදින පීඩනය නොතකා තීරණගැනීම වරදකි. පංති පරතරය වැඩිකරන, සාධාරණ අවස්ථා අහිමිකරන තීරණ ඉදිරියේ හටගත්තත්ත්ව අමතක කළ යුතු නැත. පසුගිය දශක කිහිපය තුළ පැවැති ගැටුම්, අරගල, ත‍්‍රස්තවාදී ක‍්‍රියා අපට උගන්වන ලද පාඩමක් තිබේ. ඒවායේ අමිහිරි අත්දැකීම් අමතක කළ යුතු නැත.

රටට අවශ්‍ය අලූත් නැගිටීමක් වන අතර සමාජය එකතු කරගෙන ගමන ඉක්මන් කිරීමට ගැලපෙන තීරණ අවශ්‍යය. ආර්ථිකය සක‍්‍රීය කරන්නට පියවර ගත යුතුය. ප‍්‍රතිසංස්කරණ අවශ්‍යය. මෙතෙක් අනුගමනය කරන ලද රාමුව වෙනස් කිරීම නරක නැත. එම තීරණ වලින් උද්දාමයක්, පිබිදීමක් අපේක්ෂා කළ යුතු අතර සමාජ වෛරය ඇවිලවිය යුතු නැත. මැති ඇමැතිවරුන් ඇතුළු ප‍්‍රභූ පැලැන්තියට ලැබෙන වරප‍්‍රසාද ගැන සමාජය තුළ කනස්සල්ලක් තිබේ. දේශපාලන ක‍්‍රමය ගැන පිලිකුලක් ඇත. මහජන නියෝජිතයන් කරන කියන හා හැසිරෙන ආකාරය ගැන ප‍්‍රසන්න හැ`ගීමක් නැත. රටට අවශ්‍ය කරන්නේ එකමුතුවකි. පවතින අවස්ථා අහිමි කිරීම වෙනුවට ඒවා පවත්වාගෙන යන්නට සුදුසු තරමට ගැලපෙන ක‍්‍රමවේදයකි.

තරම නොදැනගෙන වැඩ කලොත් අනතුරක්

ප්‍රතිචාරයක් ලබාදෙන්න

2022/03/02 – ලංකාදීප

යුක්රේනයට ප‍්‍රහාර එල්ල කරන රුසියාව ගැන දෙස් විදෙස් අවධානය යොමු වී ඇත. අසල්වැසි රට, එහි අහිංසක ජනතාව පත්ව ඇති විපත කණගාටුවට කරුණකි. මෙම ගැටුම ගැන විවිධ මත ඇත. ලෝකයේ ප‍්‍රබල රටවල බලහත්කාරය ගැන අලූත් මානයකින් කියැවීමකට අවස්ථාවකි. ලෝක ධර්මතාවය නැවතත් සිහිපත් කරන ලද බව ද පෙන්වා දිය හැකි තවත් පැත්තකි.

අප හැම දෙනාටම තරම ගැන අවබෝධය වැදගත්ය. ඇගිල්ලේ තරමට ඉදිමෙන්නට ජන විඥාණය කියා දී තිබේ. යුතුකම් හා වගකීම් ඇත. අසල්වැසියන් සමග ක‍්‍රියාකිරීමේ දී බලය වෙනුවට ගෞරවය දිනාගත යුතුය. තමන් ගැන පමණක් සිතන සහ බලය ගැන උවමනාවට වඩා තැකීම ඛේදවාචකයකින් කෙළවරවෙයි. පුද්ගලයන්ට පාඩමකි. රටවල් වලට ද පොදුය. දේශපාලන හෝ සමාජ නායකයෝ මෙවැනි සිදුවීම් වලින් අත්දැකීම් ලබාගත යුතුය. බලයේ සිටින හා බලයට එන්නට සූදානම්වන දේශපාලන පක්ෂ යුක්රේන සිදුවීමෙහි ඇතුලාන්තය ගවේශනය කිරීම සුදුසුය.

යුක්රේන ජනාධිපති සෙලෙස්න්කි බලයට පත්වෙන්නේ 2019 දීය. ඉතාම ජනප‍්‍රිය විකට නළුවෙකු වූ හෙතෙම ජනපියත්වය උපයෝගී කරගෙන දේශපාලන පක්ෂයක් පිහිටුවයි. පළමු ඡන්දයෙන්ම අති විශාල ඡන්ද ප‍්‍රමාණයකින් ජනාධිපති ධුරයට පත්වෙයි. පළමු විදේශ සංචාරය සදහා ඔහු බ‍්‍රසල්ස් නගරය තෝරා ගත් අතර ඇමරිකාව ප‍්‍රමුඛ රටවල් සමග සබදතා ඇති කරගත්තේය. නේටෝ සංවිධානයට ඇතුලත්වීමට එකග විය. සෝවියට් දේශයෙන් කැඞී වෙන්වුණ රටවල් වශයෙන් බටහිර සමග තිබුණ පැරණි අත්දැකීම් සැහැල්ලූවෙන් තැකූ යුක්රේන නායකයා අසල්වැසි රුසියාව, එරට ජනාධිපති පුටින් ජාත්‍යන්තරය සමග ගනුදෙනු කරන ආකාරය ගැන නොතකා ක‍්‍රියා කළේය.

ජාත්‍යන්තර දේශපාලනයේ දී පුලූල් දැක්මක් තිබිය යුතුය. බලවත් රටවල අභිමානය, ඔවුන්ගේ සාහසික තීරණ ගැන කල්පනාවෙන් සිටීම සුදුසුය. ජාත්‍යන්තරය සාධාරණ නැත. යුක්රේනයට ප‍්‍රහාර එල්ලවන විට බටහිර, සහ නේටෝ සහාය අපේක්ෂා කළ නමුත් ප‍්‍රතිචාර සැලකීමේ දී අපේක්ෂා කරන ලද තරමට නොවේ. මේවා අත්දැකීම්ය.

කුඩා රටවල් සිය අනන්‍යතාව ආරක්ෂා කරගෙන, සමීපයේ ඇති බලවත් රටවල් සමග ගනුදෙනු කළ යුතුය. අපට ඉහළ නිලධාරීහු සිටිති. ලොකු මිත‍්‍රයෝ ඇත. ධනවත් ඥාතීහු සිටී. ඔවුන් සමග හැසිරෙන ආකාරය එකිනෙකට වෙනස්ය. තරම දැනගෙන කටයුතු කෙරේ. බලවත් පුද්ගලයෙකුට හෝ රටකට අභියෝග කළ හැකි නමුත් එහි සීමාවක් තිබේ. ලෝකයේ නොයෙක් තැන් වලින් එයට උදාහරණ ඇත.

බලවත් රටවලට ද වගකීමක් ඇත. අසල්වැසි කුඩා රටවල් සමග මිත‍්‍රශීලීව කටයුතු කිරීම වැදගත්ය. පුලූල් රාජ්‍ය තාන්ත‍්‍රික සබදතා ඇති කරගත යුතුය. වියට්නාමය, ඇෆ්ගනිස්ථානය සහ තවත් මැදපෙරදිග රටවල් ද, බලවත් රටවලට අමතක නොවන පාඩම් උගන්වා ඇති බව සදහන් කිරීම මෙහි දී වැදගත්ය. මේවා හැදෑරීම පාලකයන් නැඹුරු විය යුතුය. යුතුකම් සහ වගකීම් අමතක වූ පසු එහි පීඩාව විදින්නේ අහිංසක ජනතාවය. යුක්රේන ජනතාවගේ කදුළු වේදනාවේ තරම දක්වයි.

පසුගිය කාලයේ ඉන්දියාව හා ශ‍්‍රී ලංකාව අතර ද නොගැලපුන තැන් තිබුණි. පැරණි යටගියාව ද ඉදිරියේ දී තිබිය යුතු සබදතාවය ගැන ද අලූතින් හිතන්නට පාඩමකි. බැදීම් අවශ්‍යය. තේරුම් ගැනීම වැදගත්ය. අසල්වැසියා භීතියට පත්වන තැන් කොනිත්තා තාවකාලික වාසි ලබාගත හැක. අවසානයේ දී විනාශයක් ඇති කෙරේ.

ජාත්‍යන්තර සබදතා බලවත් ජාලයකි. විවිධ ක‍්‍රම හා නොයෙක් බලවේග අනුව සංකීර්ණ බැදීම් රටවල් අතර ඇති කරගෙන තිබේ. ප‍්‍රබල රටවල ක‍්‍රියාපටිපාටි ඉදිරියේ සෘජුව සිටින්නට උපාය අවශ්‍යය. සූක්ෂම දැක්මක් තිබිය යුතුය. තමන් ගේ ප‍්‍රශ්නවලට අසල්වැසියන්ගෙන් හෝ පිටස්තර රටවලින් උත්තර සොයන අවස්ථාවල ආපසු හැරෙන තැන ඉතාම නිවැරදිව දැනගෙන සිටීම වැදගත් බව මෙහි දී සදහන් කළ යුතු කරුණකි. දේශපාලනඥයන් හා දේශපාලන පක්ෂ අනුගමනය කරන පටු ප‍්‍රතිපත්ති හා   එයින් ලැබෙන තාවකාලික ජනප‍්‍රියත්වය කෙළවර ඇති උගුල්, කිසිසේත් අමතක නොකළ යුතු පැත්තකි. රුසියාවේ බලය සහ බටහිරට නැමෙන්නට යුක්රේනයේ තිබුණ හදිස්සිය දරුණු ගැටුමක් අවුලූවා ඇත. මතුපිටින් පෙනෙන ව්‍යුහයට වඩා ගැඹුරක් ලෝක සිතියමෙහි තිබේ.

අපනයනයට පමනක් සීමාකර රටක ඉදිරි ගමනක් තිබේද

ප්‍රතිචාරයක් ලබාදෙන්න

2022.02.23 – ලංකාදීප

වෙළද පොල තුළ භාණ්ඩ හිගයක් පවතින අතර පාරිභෝගිකයන් පීඩාවට පත් කර ඇත. අත්‍යවශ්‍ය ආනයනික ද්‍රව්‍යවල හිගය සහ එහි ප‍්‍රතිඵලයක් ලෙස මිල ඉහළයාම බරපතල කරුණකි. ආනයන නතර කළ යුතුය. පිටරටට නතු නොවී අපට හැකි දේ අප රට තුළ නිපදවාගත යුතුය යන අදහසක් ද ඇත. දේශීය නිෂ්පාදන නැංවීම ගැන විවාදයක් නැත. සිය රට දේ මිල දී ගන්නට කැමැතිය. වෙළද පොලට ගිය පසු අප සියළුම දෙනා පාරිභෝගිකයෝය. විකිණීමට ඇති ද්‍රව්‍යවල ප‍්‍රමිතිය, මිල ගැන සලකනවිට ප‍්‍රශ්න ඇති බව සලකා බැලිය යුතු පැත්තකි.

ආනයන අඩු කර අපනයන නංවන පියවරකට අවතීර්ණ වන පසුබිම ඉතාම පැහැදිලිය. විදේශ විනිමය හිගයක් පවතී. එහි ප‍්‍රතිඵලයක් ලෙස ඉන්ධන, ඖෂධ වැනි දේ ආනයනයට පවා බාධා මතු වී ඇත. අපනයනය වැඩි කර එමගින් විදේශ විනිමය සොයා ගැනීමේ ප‍්‍රයත්නයක් ගැන සාකච්ඡා කෙරේ. අපනයන නැංවීම වැදගත්ය. ලෝක වෙළද පොලට සැපැයිය හැකි දේ නිපදවන පියවර ඉක්මන් කිරීම සුදුසුය. මතක තබාගත යුතු කරුණක් මෙහි දී සදහන් කරන්නට අවශ්‍යය. ආනයන හා අපනයන අතර සබදතාවයක් තිබේ. ආනයන රහිතව අපනයන නැංවීම ප‍්‍රායෝගික නැත.

ගනු දෙනු හුරු පුරුදු සරල භාවිතාවකි. එදිනෙදා පැවැත්ම තුළින් අපට කියා දෙන වැදගත් පාඩමකි. ගනු දෙනු රටවල් අතර වෙළදාම හා බැදේ. රටකින් යමක් මිල දී ගත හොත් ඔවුන් අපගෙන් යමක් ආපසු ගන්නට සුදානම්ය. ලෝකයේ කිසිම රටක් වෙළද පරතරය වැඩි කරගන්නට සූදානම් නැත. මිල දී ගැනීම ආනයනය වන අතර අපනයනය විකිණීමය. ආනයන හා අපනයන අතර අසමතුලිත විදේශ වෙළදාමක් නැත. නැව් වරායට ළගා වෙන්නේ මෙරට දේ මිල දී ගන්නට පමණක් නොවේ. ඔවුන්ගේ නැව්වල ඇති ලංකාව ඇනවුම් කරන ලද දේ ප‍්‍රවාහනය කරයි. අපනයනයට පමණක් බහාලූම් හෝ ලැබෙන්නේ නැති බව වටහා ගත යුතු සරල කාරණයකි.

විදේශ වත්කම් පිරිහී ඇති අවස්ථාවක ආනයන පාලනය අනුගමනය කළ හැකි එක ක‍්‍රමයක් නමුත් පාලනයක පැවැති  ඉකුත් වසර අවසානයේ වෙළද පරතරය සැලකිය යුතු අඩුවීමක් පෙන්වන්නේ නැත. වෙළද පොල තුළ පැන නැගී ඇති සංකීර්ණ ප‍්‍රවණතා දෙස අවධානය යොමු කරනවිට ආනයන සීමාව වෙනුවෙන් ගෙවන ලද වන්දිය සුළු පටු එකක් නොවේ. 

ආනයන සීමා කරන අතරතුර මතු වූ අනෙක් සංකීර්ණ පැති ගැන ද මතක් කළ යුතුය. ආනයනයේ දී අය කරන බදු අහිමිවීම රාජ්‍ය ආදායම දුර්වල කර ඇත. ආදායම අඩුවන විට අය වැය පාලනය කිරීම අපහසුය. 

පසුගිය කාලවකවානුව තුළ වෙළද පොල හසුරුවන ලද සංවෘත හා විවෘත ක‍්‍රම ගැන ජනතාවට අදහසක් ඇත. සටන්පාඨ දේශපාලනයෙන් හෙම්බත්ව සිටින ශ‍්‍රී ලාංකිකයෝ සීනි නැතිව තේ බොන යුගයකට – මිරිස් නැතිව හොදි කන්නම් කියන තැනකට සූදානම් නැත. මහජනතාවගේ හැගීම් එක්තරා තැනක් දක්වා පාලනය කළ හැකි අතර එහි සීමාව හදුනාගැනීම පාලකයන්ගේ වගකීමකි. ලෝකයේ පවතින අවස්ථා සහ ජාත්‍යන්තරයේ ස්වභාවය ගැන වඩා අවබෝධයක් අද සමාජයට ඇත. තොරතුරු තාක්ෂණ යුගයේ දී ලෝකයේ සිදුවන පරිවර්තනය ගැන නොදන්නෝ නොවෙති. එදිනෙදා අවශ්‍යතා පාලනය කරන තීරණ සමග මතුවිය හැකි අවදානමක් තිබේ.

ආදායම පහත වැටී, විදේශ සංචිත පිරිහී ඇති බව පිලිගත යුතුය. ණය බර ප‍්‍රශ්නයකි. ප‍්‍රතිසංස්කරණ අවශ්‍ය කරන කාලයකි. දුෂ්කරතා ඇති විය හැකිය. කරුණු පැහැදිලි කර මෙම දුබලතා මැඩ නැවත නැගී සිටින්නට සැලැස්මක් අවශ්‍යය. ජනතාව ඉදිරිට ගොස් ඔවුන්ගේ කැපවීම හා පරිත්‍යාගය ඉල්ලා සිටිය යුතු අතර සමස්ථ සමාජයම එකතු වී කරන ප‍්‍රයත්නයකින් හැර විසදුමක් නැත. කොටසකට පමණක් පීඩනය එල්ලවන අනෙක් කොටසට බරක් නොදැනෙන ක‍්‍රමවලින් වෙළද පොල පාලනය යුක්ති සහගත නැත.

සුළගින් උත්පාදනය කරන විදුලියේ වාසි

ප්‍රතිචාරයක් ලබාදෙන්න

2022/02/16 – ලංකාදීප

ඉන්ධන වියදම හා පරිසර හානි ගැන අවධානය යොමු කරන ජගත් ප‍්‍රජාව පුනර්ජනනීය විදුලි උත්පාදනය ගැන අවධානය යොමු කරති. සූර්ය තාපය විදුලිය බලයට හරවන ප‍්‍රයත්න බහුලව ක‍්‍රියාත්මක වන අතර ස්වභාවික සුළගින් විදුලිය උත්පාදනය ද අවධානයක් යොමු වී ඇත.

ඩෙන්මාර්ක් රජය සුළග උපයෝගී කරගෙන විදුලි උත්පාදනයෙහි අලූත් වර්තාවක් පිහිටුවා තිබේ. සුළං බලාගාර ආධාර කරගෙන වොට් ටිලියන 2.3 ක් නිපදවන්නට සමත්ව ඇති බව දැක්වේ. එම විදුලිය උත්පාදනය එරට අවශ්‍යතාවයෙන් සියයට 68 කි. වසර 2033 වන විට අවශ්‍යවන අමතර විදුලිය ඉල්ලූම නිපදවීම සදහා උතුරු මුහුදේ කෘතීම දූපතක් ඉදි කරන්නට සැලැසුම් කර ඇත. එහි දැවැන්ත සුළං පෙති සහිත කුළුණු ඉදිකෙරේ. මෙම ව්‍යාපෘතිය එරට ඉතිහාසයේ දැවැන්තම ආයෝජනය වනු ඇතැයි සැලකේ. පාපන්දු පිටි දහ අටක් විශාල මෙම කෘතීම දූපත තුළ සවිකරන සුළං පෙති වලින් වසර පුරා විදුලිය උත්පාදනය කෙරේ.

ඩෙන්මාර්ක් හා නෝර්වේ අතර විදුලිය හුවමාරු ගිවිසුමක් ඇත. ස්වභාවික සුළග අඩු කාලයේ දී උත්පාදනය අඩුවනවිට නෝර්වේ රාජ්‍යයෙන් ජල විදුලිය මිල දී ගැනේ. අනෙක් කාලයට ඩෙන්මාර්ක් සුළං විදුලිය ආපසු විකුණන බව දැක්වේ. මෙම ගනුදෙනුව සදහා රටවල් දෙක අතර සමාගම් දෙකක් පිහිටුවා ඇත. ඒවා රජයට අනුබද්ධ ආයතන වශයෙන් පවතී. නීති සකස් කොට තිබේ. රවවල් දෙක අතර අධි බලැති විදුලිය සම්පේ‍්‍රශණ මාර්ගය කිලෝ මීටර් පන්සියයක් පමණ දුරට විහිදෙන බව දැක්වේ. ගණන් බැලීමේ දී දෙරට අතර විදුලිය හුවමාරුව වියදමක් නැතිතරම් බව ඔප්පූ වී ඇත.

චීනය සහ ඇමරිකාව ලෝකයේ විශාලතම සුළං විදුලිය උත්පාදකයන්ය. 2020 වසරේ මෙම රටවල් දෙක අලූතින් සවිකරන ලද සුළං පෙති බලාගාර වලින් නිපදවන විදුලිය ඒකක ප‍්‍රමාණය ලෝක නිෂ්පාදනයෙන් හරි අඩකි. ජාත්‍යන්තර වාර්තා අනුව දැනට ලෝකයේ ඇති සුළං බලාගාරවලින් ගිගාවොට් 750 ක විදුලිය උත්පාදන ධාරිතාවයක් තිබේ. වායුගෝලයට මුදාහරින කාබන්ඩයොක්සයිඞ් ප‍්‍රමාණය මෙටි‍්‍රක් ටොන් බිලියනයකට වැඩි ප‍්‍රමාණයක් පාලනය කරන්නට මෙමගින් සමත්ව තිබේ. විදුලිය උත්පාදනය සදහා දැවිතෙල්, ගල් අගුරු හෝ ස්වභාවික ගෑස් පරිහරණය කරන රටවලට මෙම කරුණුවලින් ඉගෙන ගත හැකි පාඩමක් ඇත.

විශේෂඥ වාර්තා අනුව සුළං විදුලිය බලාගාර සදහා ශ‍්‍රී ලංකාවේ භූගෝලීය පරිසරය ගැලපේ. නුවරඑළිය සහ පුත්තලම දිස්ත‍්‍රික්කවල ස්ථාන ගණනාවක  දැනට සුළං බලාගාර ඉදිකර සාර්ථකව ක‍්‍රියාත්මක වෙයි. ශ‍්‍රී ලංකාවේ උතුරු ප‍්‍රදේශයේ මන්නාරම ආශ‍්‍රිතව සුළං විදුලිය බලාගාර සදහා කදිම අවස්ථා ඇති බව පර්යේෂණ වාර්තා වැඩිදුරටත් තහවුරු කර ඇත. අඩුම තරමින් මෙගවොට් 5,000 ක් උත්පාදනය කරන පහසුව තිබේ. දැනට ශ‍්‍රී ලංකාවේ කෙරෙන සමස්ථ උත්පාදනය පවා ඉක්මවා යන විශාල ප‍්‍රභවයකි. ශ‍්‍රී ලංකාවේ සම්පූර්ණ විදුලිය නිෂ්පාදනය මෙගවොට් 4,300 කි. ජල, ගල් අගුරු හා දැවිතෙල් බලාගාරවලින් නිපදවන සම්පූර්ණ විදලිය ප‍්‍රමාණයට ද වඩා සුළගින් විදුලිය නිපදවිය හැකි බව දැක්වේ.

බොරතෙල් මිල දිනෙන් දින ඉහළ යයි. දැන් පවතින මිල ගණන් අනුව තෙල් හා ගල් අගුරු ආනයනයට වැය කරන විනිමය ප‍්‍රමාණය ඇමරිකානු ඩොලර් බිලියන හතරක් පමණ විය හැකිය. විනිමය හිග සහ ඛනිජ තෙල් මිල දී ගැනීමට පවා ණය ගන්නා පසුබිමක මුලික ආයෝජනය හැර අනෙක් පිරිවැයක් රහිත සුළං විදුලි උත්පාදනය ගන අවධානය යොමු නොකරන්නේ ඇයි? හරිත විදුලිය උත්පාදනය එනම් පරිසරයට හානි නොකරන ව්‍යාපෘති ඉදිරිපත් කළහොත් ජාත්‍යන්තර ආයතනවලින් පහසුවෙන් මූල්‍ය ආධාර ලබාගැනීමේ හැකියාවක් ඇත. ආයෝජකයන්ට ද අවස්ථාව පැවැරිය හැකිය. ආයෝජකයන්ගේ වියදමෙන් ඉදිකර පසුව යම් කාලයකට පසු රටට පැවරෙන ගිවිසුම් අත්සන් කරන හැකියාවක් තිබේ. දීර්ඝ කාලීන ආයෝජන වශයෙන් සුළං විදුලිය බලාගාර සදහා දිරිමත් කිරීම සුදුසු පියවරක් වනු ඇත.

විදුලිය ඒකකයකට ගෙවන මිල ගැන පාරිභෝගිකයන්ට කැක්කුමක් තිබේ. විදුලියබල මණ්ඩලය අධික පාඩු සහිතව පවත්වාගෙන යන අතර ඒවාට ගෙවන්නේ ද පොදු මහජනතාව බව සදහන් කළ යුතුය. විදුලි බල මණ්ඩලයේ පාඩු, ගල් අගුරු හා දැවිතෙල් ආනයන වියදම ගණන් බලන නිලධාරීහු විදුලිය බිල වැඩි කරන්නට යෝජනා කරනු ඇත. සුළං බලාගාර සදහා යෝජනා කැදවීමට යුහුසුළු නොවන්නේ ඇයි? ආණ්ඩුවට ආයෝජනය සදහා මුදල් නැත. පුද්ගලික අංශයට පවරන යොජනාවක් ඉදිරිපත් කළහොත් දේශපාලන පක්ෂ සහ වෘත්තීය සමිතිවල අරගල ඇරඹෙනු ඇත. ජාතික සම්පත් වෙන්දේසියක් ගැන මහා ඝෝෂා නැගෙන්නට ඉඩ තිබේ. සාමාන්‍ය ජනතාව මාසික විදුලිය බිල ගෙවන්නේ පහසුවෙන් නොවේ. ආකෘතිය වෙනස් කළහොත් වියදම අඩු කළ හැක. දේශපාලනඥයෝ වෙනසකට සූදානම් නැත. ජනතාවගේ දුක වේදනාව ගැන නොතකන දේශපාලන ක‍්‍රමයකින් රටට පලක් තිබේද?

සුළගින් උත්පාදනයට ඩෙන්මාර්කයෙන් පාඩම්

ප්‍රතිචාරයක් ලබාදෙන්න

2022/02/16 – ලංකාදීප

ඉන්ධන වියදම හා පරිසර හානි ගැන අවධානය යොමු කරන ජගත් ප‍්‍රජාව පුනර්ජනනීය විදුලි උත්පාදනය ගැන අවධානය යොමු කරති. සූර්ය තාපය විදුලිය බලයට හරවන ප‍්‍රයත්න බහුලව ක‍්‍රියාත්මක වන අතර ස්වභාවික සුළගින් විදුලිය උත්පාදනය ද අවධානයක් යොමු වී ඇත.

ඩෙන්මාර්ක් රජය සුළග උපයෝගී කරගෙන විදුලි උත්පාදනයෙහි අලූත් වර්තාවක් පිහිටුවා තිබේ. සුළං බලාගාර ආධාර කරගෙන වොට් ටිලියන 2.3 ක් නිපදවන්නට සමත්ව ඇති බව දැක්වේ. එම විදුලිය උත්පාදනය එරට අවශ්‍යතාවයෙන් සියයට 68 කි. වසර 2033 වන විට අවශ්‍යවන අමතර විදුලිය ඉල්ලූම නිපදවීම සදහා උතුරු මුහුදේ කෘතීම දූපතක් ඉදි කරන්නට සැලැසුම් කර ඇත. එහි දැවැන්ත සුළං පෙති සහිත කුළුණු ඉදිකෙරේ. මෙම ව්‍යාපෘතිය එරට ඉතිහාසයේ දැවැන්තම ආයෝජනය වනු ඇතැයි සැලකේ. පාපන්දු පිටි දහ අටක් විශාල මෙම කෘතීම දූපත තුළ සවිකරන සුළං පෙති වලින් වසර පුරා විදුලිය උත්පාදනය කෙරේ.

ඩෙන්මාර්ක් හා නෝර්වේ අතර විදුලිය හුවමාරු ගිවිසුමක් ඇත. ස්වභාවික සුළග අඩු කාලයේ දී උත්පාදනය අඩුවනවිට නෝර්වේ රාජ්‍යයෙන් ජල විදුලිය මිල දී ගැනේ. අනෙක් කාලයට ඩෙන්මාර්ක් සුළං විදුලිය ආපසු විකුණන බව දැක්වේ. මෙම ගනුදෙනුව සදහා රටවල් දෙක අතර සමාගම් දෙකක් පිහිටුවා ඇත. ඒවා රජයට අනුබද්ධ ආයතන වශයෙන් පවතී. නීති සකස් කොට තිබේ. රවවල් දෙක අතර අධි බලැති විදුලිය සම්පේ‍්‍රශණ මාර්ගය කිලෝ මීටර් පන්සියයක් පමණ දුරට විහිදෙන බව දැක්වේ. ගණන් බැලීමේ දී දෙරට අතර විදුලිය හුවමාරුව වියදමක් නැතිතරම් බව ඔප්පූ වී ඇත.

චීනය සහ ඇමරිකාව ලෝකයේ විශාලතම සුළං විදුලිය උත්පාදකයන්ය. 2020 වසරේ මෙම රටවල් දෙක අලූතින් සවිකරන ලද සුළං පෙති බලාගාර වලින් නිපදවන විදුලිය ඒකක ප‍්‍රමාණය ලෝක නිෂ්පාදනයෙන් හරි අඩකි. ජාත්‍යන්තර වාර්තා අනුව දැනට ලෝකයේ ඇති සුළං බලාගාරවලින් ගිගාවොට් 750 ක විදුලිය උත්පාදන ධාරිතාවයක් තිබේ. වායුගෝලයට මුදාහරින කාබන්ඩයොක්සයිඞ් ප‍්‍රමාණය මෙටි‍්‍රක් ටොන් බිලියනයකට වැඩි ප‍්‍රමාණයක් පාලනය කරන්නට මෙමගින් සමත්ව තිබේ. විදුලිය උත්පාදනය සදහා දැවිතෙල්, ගල් අගුරු හෝ ස්වභාවික ගෑස් පරිහරණය කරන රටවලට මෙම කරුණුවලින් ඉගෙන ගත හැකි පාඩමක් ඇත.

විශේෂඥ වාර්තා අනුව සුළං විදුලිය බලාගාර සදහා ශ‍්‍රී ලංකාවේ භූගෝලීය පරිසරය ගැලපේ. නුවරඑළිය සහ පුත්තලම දිස්ත‍්‍රික්කවල ස්ථාන ගණනාවක දැනට සුළං බලාගාර ඉදිකර සාර්ථකව ක‍්‍රියාත්මක වෙයි. ශ‍්‍රී ලංකාවේ උතුරු ප‍්‍රදේශයේ මන්නාරම ආශ‍්‍රිතව සුළං විදුලිය බලාගාර සදහා කදිම අවස්ථා ඇති බව පර්යේෂණ වාර්තා වැඩිදුරටත් තහවුරු කර ඇත. අඩුම තරමින් මෙගවොට් 5,000 ක් උත්පාදනය කරන පහසුව තිබේ. දැනට ශ‍්‍රී ලංකාවේ කෙරෙන සමස්ථ උත්පාදනය පවා ඉක්මවා යන විශාල ප‍්‍රභවයකි. ශ‍්‍රී ලංකාවේ සම්පූර්ණ විදුලිය නිෂ්පාදනය මෙගවොට් 4,300 කි. ජල, ගල් අගුරු හා දැවිතෙල් බලාගාරවලින් නිපදවන සම්පූර්ණ විදලිය ප‍්‍රමාණයට ද වඩා සුළගින් විදුලිය නිපදවිය හැකි බව දැක්වේ.

බොරතෙල් මිල දිනෙන් දින ඉහළ යයි. දැන් පවතින මිල ගණන් අනුව තෙල් හා ගල් අගුරු ආනයනයට වැය කරන විනිමය ප‍්‍රමාණය ඇමරිකානු ඩොලර් බිලියන හතරක් පමණ විය හැකිය. විනිමය හිග සහ ඛනිජ තෙල් මිල දී ගැනීමට පවා ණය ගන්නා පසුබිමක මුලික ආයෝජනය හැර අනෙක් පිරිවැයක් රහිත සුළං විදුලි උත්පාදනය ගන අවධානය යොමු නොකරන්නේ ඇයි? හරිත විදුලිය උත්පාදනය එනම් පරිසරයට හානි නොකරන ව්‍යාපෘති ඉදිරිපත් කළහොත් ජාත්‍යන්තර ආයතනවලින් පහසුවෙන් මූල්‍ය ආධාර ලබාගැනීමේ හැකියාවක් ඇත. ආයෝජකයන්ට ද අවස්ථාව පැවැරිය හැකිය. ආයෝජකයන්ගේ වියදමෙන් ඉදිකර පසුව යම් කාලයකට පසු රටට පැවරෙන ගිවිසුම් අත්සන් කරන හැකියාවක් තිබේ. දීර්ඝ කාලීන ආයෝජන වශයෙන් සුළං විදුලිය බලාගාර සදහා දිරිමත් කිරීම සුදුසු පියවරක් වනු ඇත.

විදුලිය ඒකකයකට ගෙවන මිල ගැන පාරිභෝගිකයන්ට කැක්කුමක් තිබේ. විදුලියබල මණ්ඩලය අධික පාඩු සහිතව පවත්වාගෙන යන අතර ඒවාට ගෙවන්නේ ද පොදු මහජනතාව බව සදහන් කළ යුතුය. විදුලි බල මණ්ඩලයේ පාඩු, ගල් අගුරු හා දැවිතෙල් ආනයන වියදම ගණන් බලන නිලධාරීහු විදුලිය බිල වැඩි කරන්නට යෝජනා කරනු ඇත. සුළං බලාගාර සදහා යෝජනා කැදවීමට යුහුසුළු නොවන්නේ ඇයි? ආණ්ඩුවට ආයෝජනය සදහා මුදල් නැත. පුද්ගලික අංශයට පවරන යොජනාවක් ඉදිරිපත් කළහොත් දේශපාලන පක්ෂ සහ වෘත්තීය සමිතිවල අරගල ඇරඹෙනු ඇත. ජාතික සම්පත් වෙන්දේසියක් ගැන මහා ඝෝෂා නැගෙන්නට ඉඩ තිබේ. සාමාන්‍ය ජනතාව මාසික විදුලිය බිල ගෙවන්නේ පහසුවෙන් නොවේ. ආකෘතිය වෙනස් කළහොත් වියදම අඩු කළ හැක. දේශපාලනඥයෝ වෙනසකට සූදානම් නැත. ජනතාවගේ දුක වේදනාව ගැන නොතකන දේශපාලන ක‍්‍රමයකින් රටට පලක් තිබේද?

සවුදි අරාබියේ ආර්ථික ප‍්‍රතිසංස්කරණ දෙන ආදර්ශය

ප්‍රතිචාරයක් ලබාදෙන්න

2022/02/09 – ලංකාදීප

වසර 2030 ඉලක්ක කරගෙන ආර්ථික ප‍්‍රතිසංස්කරණ මාලාවක් ක‍්‍රියාවට නංවන්නට සවුදි අරාබිය තීරණය කර තිබේ. කොවිඞ් වසංගත තත්ත්වය හේතුවෙන් ලෝක ආර්ථිකයේ පසුබෑම ප‍්‍රශ්නයක් වනු ඇති බව සවුදි පාලකයෝ නිගමනය කර ඇත. ලෝක ප‍්‍රජාව ඛනිජ තෙල් භාවිතය සීමාකිරීම එරටට තීරණාත්මක ලෙස බලපාන බව ද නිරීක්ෂණය කරන කරුණකි. පැවැත්ම වෙනස් නොකළහොත් ගැටළු මතුවිය හැකි බව ප‍්‍රකාශ වී ඇත.  අංශ ගණනාවක් සදහා වෙනස්කම් බලගන්වා තිබේ.

මැද පෙරදිග කලාපයේ විශාලතම ආර්ථිකය සවුදි අරාබිය වන අතර ලෝකයේ ධනවත්ම රටවල් විස්ස අතරින් එකකි. ඛනිජ තෙල් හා ස්වභාවික ගෑස් බහුලම රටක් බව දැක්වේ. වැඩිම බොරතෙල් නිධි සහිත රටවල් ලැයිස්තුවේ දෙවැනි ස්ථානයෙහි සිටී. එරට ජාතික ආදායමෙන් සියයට 63 ක් ඛනිජ තෙල් වලින් වන අතර අපනයන ආදායමෙන් සියයට හැට හතක් ඛනිජ තෙල් ආශ‍්‍රිත නිෂ්පාදන බව දැක්වේ. සවුදි අරාබියේ සේවය කරන පිරිස අතරින් සියයට අසූවක් වෙනත් රටවල ශ‍්‍රමිකයෝය.

තෙල් ආදායම සීමාවිය හැකි අනාගතයේ යැපෙන ක‍්‍රම ගැන සවුදි පාලකයෝ අධ්‍යයනය කර තිබේ. ආර්ථිකය විවිධාංගීකරණය කරන අතර රැකියා විරහිතභාවය අඩු කර කාන්තා ශ‍්‍රමය උපයෝගීකරගන්නා අලූත් පැති යෝජනා කරයි. රාජ්‍ය යාන්ත‍්‍රණය කාර්යක්ෂම කිරීම ද අරමුණු අතර ඇත. කරුණු දොලහකින් සමන්විත වැඩ පිලිවෙලක් සැලැස්මකට ඇතුලත් කර තිබේ. සැලැස්ම අධීක්ෂණයට වෙනම අංශයක් ස්ථාපනය කර ඇත. ආයෝජනය, නිවාස සංවර්ධනය, මුල්‍ය ස්ථාවරත්වය, ජීවන මටට්ම නැංවීම ඇතුළු කරුණු මෙහි දී සලකන ලද බව වාර්තා වෙයි. සවුදි රජය සතු දැවැන්ත ව්‍යාපාර පනහකට වැඩි ප‍්‍රමාණයක් පුද්ගලීකරණය කෙරේ. ව්‍යවසාය අරඹන පහසුව සදහා ස්වයංක‍්‍රීය දත්ත පද්ධති හා ආයෝජන පරිපාලන ක‍්‍රමවේද ඇති කරයි. එයින් ආයෝජනය හා ව්‍යවසායකත්වය පහසු වනු ඇත. පැය විසිහතරක් තුළ වරාය මෙහෙයුම් අවසන් කරන සහ නැව් එන්නටත් කලින් ඒවායේ භාණ්ඩ විද්‍යුත් නිශ්කාශනය කරන පහසුකම් සලසයි. ආනයන හා අපනයන සදහා එක තැනකින් වහාම අවසර දෙන ක‍්‍රමවේදයක් ද යෝජනා කර තිබේ.

ආර්ථිකය බලගැන්වීම සදහා ඩිජිටල් ක‍්‍රමවේද හදුන්වා දී ඇත. රජයේ සේවය අඩු කරන අතර බදු අය කරන්නට යොජනා කර තිබේ. කර්මාන්ත හා ව්‍යාපාර සම්බන්ධව වානිජ අධිකරණයේ නඩු කල්තැබීම වාර තුනකට සීමා කර ඉක්මන් තීන්දු දෙන ප‍්‍රතිපත්තියක් සකසන ලද බව දැක්වේ. අලූත් අණ පනත් 197 ක් සම්මත කර තිබේ. ඒවායෙන් ආර්ථිකය ගැන තීන්දු ගැනීම ඉක්මන් කරයි. විද්‍යුත් ආණ්ඩුකරණය සවුදි අරාබි පාලනයේ දැවැන්ත පෙරැළියකි. එරට බලපත‍්‍ර ප‍්‍රතිසංස්කරණ වැඩසටහන අනුව ආණ්ඩුවේ බලපත‍්‍ර අංශ 5,500 ක් අතරින් සියයට හැටක් නවීකරණය කර ඇත. වානිජ හා කර්මාන්ත අංශ සදහා වන බලපත‍්‍ර පැය විසි හතරක් ඇතුලත නිකුත් කෙරෙන බව නිවේදනය කිරීම විශේෂයෙන් සලකා බැලිය යුතු පැත්තකි.

තෙල් සම්පත් වලින් ඉහළින් සිටි සවුදිය රොබෝ ත්කාෂණයට ඇතුළු වී ඇත. පස්වන පරම්පරාවේ වේගවත් සන්නිවේදනය හදුන්වා දී ඇති අතර කෘතීම බුද්ධිය භාවිතා කරන ලෝකයේ රටවල් පහලොව අතර එකක් වී සිටී. ආර්ථිකයේ ප‍්‍රතිසංස්කරණ හා තාක්ෂණයේ භාවිතාව සමග මහා පරිමාන විදේශ ආයෝජන ඉලක්ක කර ඇත. 2019 වසරේ සිට තෙල් නොවන අංශ වලින් රටට එන ආදායම සියයට පහක පමණ වේගයකින් වර්ධනය වී ඇති අතර සෘජු විදේශ ආයෝජන සියයට තුන්සිය තිස් එකක වර්ධනයක් පෙන්වයි. 2030 වසර වන විට සවුදි අරාබියේ ආර්ථිකයට පුද්ගලික අංශයේ දායකත්වය සියයට 65 ක ප‍්‍රතිශතයක් දක්වා වැඩිකරගැනීම අවසාන අරමුණ බව දැක්වේ.

සවුදි අරාබිය ධනයෙන් පොහොසත්ය. ඛනිජ තෙල් ඇතුළු පොසිල සම්පත් අසීමිත ප‍්‍රමාණයක් ඇත. තෙල් පරිභෝජනය වහාම අවසන් නොවනු ඇති අතර තවත් දශක ගණනක් යැපෙන්නට අවස්ථාව තිබේ. සවුදියේ පුරවැසියන්ට ආර්ථික හා සමාජ අගහිගතාවයක් නැත. එවැනි වාසිදායක පසුබිමක සිටින අතරවාරයේ පවා අනාගතය සැලසුම් කරමින් සිටී. ආර්ථික ප‍්‍රතිසංස්කරණ නොකර, අවහිරයක් රහිතව පැවැතිය හැකි සවුදිය වෙනස්වෙන සැලැස්මක් ප‍්‍රකාශයට පත් කරන නමුත් සමාජ හා ආර්ථික අර්බුදයක් අභිමුවෙහි සිටින ශ‍්‍රී ලංකාව අලූත් පැති ගැන අවධානය නොකරන්නේ ඇයි?

හොද අනාගතයක් ගැන බලාපොරොත්තු ඇතිව දේශපාලන නායකයන් බලයට පත් කරන බව මතක් කළ යුතුව ඇත. ඡන්ද වේදිකාවේ දී ජනතාව හමුවේ තබන පොරොන්දු පසුව මතක නැත. සෑම දේශපාලනඥයෙකුම ජනතාවට මිහිරි වචන කියන අතර ආර්ථිකය ගොඩනගන්නට නම් ගත යුතු තීරණ වල තිත්ත පැති අගවන්නේ නැත. ආණ්ඩු පත් කරන ජනතාව ද නායකයන්ගෙන් ඉල්ලන්නේ මැජික් විසදුම්ය. අවුරුද්දෙන් දෙකෙන් කේතුමතියක් නිර්මාණය කරන්නට බල කරයි. විපක්ෂ චෝදනා, යල්පැන ගිය නීති සහ නිලධාරීවාදය ප‍්‍රතිසංස්කරණ වලකන තැන්ය. ඊළග මැතිවරණය සදහා ජනප‍්‍රියත්වය ආරක්ෂා කරගන්නට වෑයම් කරන නායකයෝ රට ගොඩනගන හා එයින් මහජන ගෞරවය දිනා ගන්නා වෑයම අමතක කර දමති. ජනතා අපේක්ෂා සාක්ෂාත් කළ යුතුය. එවැනි පියවරක් සදහා අවශ්‍ය වෙනස්කම් කරන්නට විශාල ධෛර්යයක් අවශ්‍යය. වෙනස්කම් ඉවසන ශක්තියක් සමාජය තුළ තිබිය යුතුය.

නිදහස් උදානය දෙස නිදහස් මනසකින්

ප්‍රතිචාරයක් ලබාදෙන්න

2022/02/02 – ලංකාදීප

නිදහස ගැන අභිමානයෙන් කතාකරන සතියකි. නිදහස අත්පත් ගන්නට කරන ලද සටන සහ එහි යටගියාව සිහිපත් කෙරේ. නිදහස සදහා නොනවත්වා ගෙන ගිය අරගලය මෙහි දී ඉතාම වැදගත්ය. දේශපේ‍්‍රමී ජාතික වීරයෝ අධිරාජ්‍යවාදී පාලනය ඉදිරියේ කළ නිර්භීත සටන්, ජීවිත පූජා  කළ අභීතභාවය රන් අකුරින් ලියැවී තිබේ. නිදහස් රටක් වෙනුවෙන් සියළු ජාතීන් එකතු වී ගෙන ගිය අවසන් අරගලය සදානුස්මරණීය බව සදහන් කළ යුතුය.

නිදහස, එහි උදාරත්වය පමණක් නොව පැවැත්ම ද අපට පැවැරී ඇති වගකීමකි.  නිදහස් උදානයේ සමාජ සංස්කෘතික වටපිටාව හුරුපුරුදුය. ආර්ථික හා සමාජ නිවහල්භාවයක් සදහා හැඩගැසීමක් නැත. සමස්ථ ව්‍යුහයෙහි ශ‍්‍රී ලාංකේය අනන්‍යතාවයක් නිර්මාණය කරගත යුතුය. නිදහස උත්සව ගතානුගතිකය. එහි සංස්කෘතික හා සම්ප‍්‍රදාය ලක්ෂණ තිබේ. අප ගමන් කරන්නේ ගෝලීයකරණයේ අලූත්ම ව්‍යුහයකටය. තාක්ෂණික යුගයකටය. එහි දී මුහුණදෙන්නට සිදුවන සංකීර්ණ අරගලයක් ඇත. අලූත් පරපුර එම අනාගතයට ඇතුළුවෙමින් සිටී. එය විශාල පරිවර්තනයකි. එකී ප‍්‍රවේශයට එරෙහිව ගතානුගතික රාමුව තුළ විශාල විරෝධයක් තිබේ. අනන්‍යතාව ආරක්ෂා කරගෙන පැවැත්ම සම්බන්ධ නිර්භීතභාවය ගැන අපට හිතන්නට සිදුවී ඇත. 

අධිරාජ්‍යවාදීහු සමාජය එකමුතුවීම වැලැක්වීය. පාලන උපක‍්‍රමයකි. ස්වදේශිකයන් එකතුවීම වලක්වන ලද අතර එමගින් ඉතාම කුඩා විජාතික කණ්ඩායමකට ලංකාව පාලනය කළ හැකි විය. භාෂාව, සමාජ පැලැන්තිය, ආගම සහ කුළය ඇතුළු කාරණා පදනම් කරගෙන ලාංකික ජන සමාජය බෙදා උස් පහත්කම් ඇති කළේය. පාලනයට සම්බන්ධ කරගත්තේ වූයේ රදලයන්ය. බලපත‍්‍ර ක‍්‍රම ඇති කරන ලද අතර සමාජයේ විශේෂ වරප‍්‍රසාද සීමිත රදල පිරිස අතට ඒවා ලැබුණි. නිදහස සමග වෙනස්විය යුතුව තිබුණ මෙම නොදියුණු ලක්ෂණ තවමත් ආරක්ෂා කරන බව පෙනේ. නිදහස සමග බලය ලැබුණ පැලැන්තිය සමාජ බෙදීම් තවත් උග‍්‍ර කරන ක‍්‍රම අනුගමනය කළ බව සදහන් කළ යුතුය. වසර හැත්තෑ හතරක් අවසානයේ දී තව තවත් බෙදීම් ඇති කරගෙන තිබේ. දේශපාලන, ආගම් හා ජාතිවාදී අර්බුද රටට ඇති කර තිබෙන විනාශය මෙම අවස්ථාවේ දී කල්පනාවට ගත යුතු කරුණකි.

ඉකුත් දශක හත තුළ පැමිණි ගමන අපට ඉතිරි කර ඇත්තේ මොනවාද? අපගේ ආත්ම ශක්තිය දුර්වල කර තිබේ. ලෝකයේ අනෙක් රටවල් සමග ගනුදෙනු කිරීමේ දී බයක් ඇත. හීනමානය පොදු ලක්ෂණයකි. ජාත්‍යන්තරයට ඇතුළුවන බව ඇතිකරන්නේ දැනුම ඇති හොදම අධ්‍යාපනය ලබා ඇති සුළු පිරිසකි. මෙකී පටු ආකල්ප තුරන් කළ යුතුය. ආර්ථික හා සමාජයීය නිදහස පුලූල්කරන අකල්ප අපට අවශ්‍යය. ජාති බේධයෙන් ආගම්වාදයෙකින් අපට ඇති කරන වාසියක් නැත.

නිදහස් චින්තනයට, නිදහස් වෘත්තිකත්වයට පුලූල් ඉඩක් රට තුළ නිර්මාණය කරන්නේ කෙසේ ද යන ගැඹුරු සංවාදය අද ඇති කළ යුතුව තිබේ. ස්ථාවර තැනක නැතිත ජන සමාජය එකතුකර ශක්තිමත් කරන ව්‍යායාමයක් අපට අවශ්‍යය. දේශපාලනය වෙනම කරුණකි. එය බෙදෙන්නට හේතුවක් නොවේ. ජාතිය හෝ ආගම එක්සත් රටක් හදන්නට බාධාවක් කරගත යුතු නැත. බෙදීම හා එයින් ගැටුම් ඇති කිරීම පටු ආකල්ප සහිත දේශපාලන ව්‍යාපාරවල වැඩවසම් ලක්ෂණයකි.

ශ‍්‍රී ලංකාව අලූත් අවස්ථා අභිමුවෙහිය. තොරතුරු තාක්ෂණය හා සමාජ සන්නිවේදනය අලූත් අවකාශයක් ඇති කරන වකවානුවකි. තරුණ පරම්පරාව එතැනට එකතුවෙමින් සිටී. අලූත් යුගයක් ඇතිකිරීම හුදෙක් දේශපාලන සටන් පාඨයකට සීමා විය යුතු නැත. සමාජ ආර්ථික නිදහස ඇති කරන අලූත් ප‍්‍රතිපත්ති යෝජනා කළ යුතු අතර විවෘත මනසකින් තීරණ ගත යුතුය. වර්තමානය හමුවේ ඇති අමාරුම ප‍්‍රශ්න ඉදිරියට ගැනීමට ආත්ම ශක්තියක් අප ඇති කරගත යුතුය. ආගමික, සමාජ සහ දේශපාලන නායකයන් එකතු වී අධිරාජ්‍යවාදීන් වෙනස් කරන ලද අලූත් ආකෘතියකට හදන්නේ කෙසේදැයි සාකච්ඡා කළ යුතුය. අන්තවාදය වෙනුවට හැබෑ නිදහස ඇති කිරීම වැදගත්ය.

රටේ සැබෑ ප‍්‍රශ්නය ව්‍යවස්ථාවද? ආර්ථිකයද?

ප්‍රතිචාරයක් ලබාදෙන්න

2022/01/26 – ලංකාදීප

අලූත් ව්‍යවස්ථාවක් ගැන අදහස යළිත් පැන නැගී ඇත. දශක ගණනක් එකම මාතෘකාව වරින්වර මතුවෙමින් තිබේ. ව්‍යවස්ථාව අවශ්‍ය දේශපාලනඥයන්ටය. එකිනෙකට වෙනස් මතවල සිටින දේශපාලන පක්ෂ, තමන්ට පමණක් ගැලපෙන ව්‍යවස්ථා ගැන සිහින දකිමින් සිටිති. අදහස් එකතු කර එකගතාවයකට එන්නට සූදානම් නැත. සාකච්ඡාකර නිගමනයකට එළැඹිය හැක. ප‍්‍රජාතන්ත‍්‍රවාදයට ගරුකරන අප සියළු දෙනා තුළ තිබිය යුතු උසස් ගුණාංගයකි. සංස්කෘතිය, ආගම, විනය ගැන ඉහළින් සිතන අප අතර සම්මුතිය නැත. මෑත ඉතිහාසය තුළ ව්‍යවස්ථා සාකච්ඡා කාලය සහ වචන නාස්ති කළ ව්‍යායාම ලෙස අවසන්ව තිබේ.

ජනතාවට ද ප‍්‍රශ්න තිබේ. ඒවා ව්‍යවස්ථාව ගැන නොවේ. පවතින ආර්ථික දුෂ්කරතා පිලිබදවය. ව්‍යවස්ථාවලින් ප‍්‍රශ්න විසදිය හැකිනම් 1994 සිට අද දක්වා ව්‍යවස්ථා හා ඒවායේ සංශෝධනවල ප‍්‍රතිඵල අනුව රට පාරාදීසයකි. එදිනෙදා ජීවිතය ගැටගසා ගැනීම ජනතාවට දැනෙන ප‍්‍රශ්නයකි. ජීවන වියදම ඉහළය. අත්‍යවශ්‍ය භාණ්ඩ හා සේවා හිගය. කොවිඞ් වසංගතය ඇති කරන ලද ගැටළු බව රහසක් නොවේ. පවතින තත්ත්වය තුළ දරුවන්ගේ අනාගතය පවා අවිනිශ්චිතය. වර්තමානය පමණක් නොව අනාගත පරපුරට ද විසදුමක් අවශ්‍යය. පීඩාවට පත්ව ඇති තැන් නිවැරදිව හදුනාගෙන තීරණ ගැනීම මෙරට මහජන නියෝජිතයන් සතු වගකීමකි.

පාර්ලිමේන්තු සැසිවාරය විවෘත කරන ජනාධිපති ගෝඨාභය රාජපක්ෂ මහතා විද්වත් කමිටුවක් ව්‍යවස්ථා රාමුව සකස් කිරීමට කටයුතු කරන අතර එය කැබිනට් මණ්ඩලයට හා පාර්ලිමේන්තුව හමුවේ තබන බව කියා සිටියේය. ජනාධිපතිවරයා ගේ ප‍්‍රතිපත්ති ප‍්‍රකාශනය හා ඔහුගේ සැලැස්ම තුළ ඇති ඉදිරි පියවර අලූත් ව්‍යවස්ථාවක් ගැන අදහසක්  ප‍්‍රකාශ කරන්නට බල කරන ලද බව වටහා ගත හැක. ඇත්ත තත්ත්වය එය නොවේ. ජනතාවට පැවැත්ම වෙනස් කරගන්නට උවමනා වී තිබේ. ව්‍යවස්ථාව වෙනුවට ඉතාම දක්ෂ පිරිසක් මෙහෙයවා නිසි ආර්ථික ප‍්‍රතිපත්ති හදාගැනීම වැදගත්ය. තද තීරණ ගෙන සංවර්ධන ක‍්‍රියාවලිය වේගවත් කළ යුතුය. රැකී රක්ෂා උත්පාදනය හා අතට ආදායමක් ලැබෙන මාර්ග ඇති කරන්නට අවශ්‍යය. කොළඹ වරාය නගරය මංතීරු ගැන සාමාන්‍ය ජනතාව දක්වන උනන්දුව මෙයට එක උදාහරණයකි. දස දහස් ගණනින් ජනතාව එහි පැමිණ තිබේ. නුවර අධිවේගී මාර්ගයේ කොටසක් විවෘත කිරීමෙන් පසු එම කොටස පරිහරණයට ඉදිරිපත්ව සිටින පිරිස තවත් පැත්තකි. දුම්රිය වැඩවර්ජනය සමග අදහස් දක්වන ලද මගී ජනතාව දෙපාර්තමේන්තුව පුද්ගලීකරණය කර හොද සේවාවක් ලබාදෙන ලෙස බලකර සිටියේය.

උතුර නැගෙනහිර ජීවත්වන ජනතාව ගේ හඩ අපට වැදගත්ය. දශක ගණනක් ත‍්‍රස්තවාදයෙන් බැට කෑ ඔවුහු අලූත් ජීවිතයක් අපේක්ෂා කරති. මාර්ග සංවර්ධනය, අලූත් කර්මාන්ත හා ව්‍යාපාර ඔවුන් ගේ ඉල්ලීම වී තිබේ. පැවැත්ම සහ සංවර්ධනය ගැන වෙනම උතුරු නැගෙනහිර ජන කොටස්වලට ඇත. ජනතා මතය වෙනුවට අපට දැනෙන්නේ අතරමැදි දේශපාලනඥයන්ගේ හඩයි. දේශපාලනඥයෝ ඉල්ලන්නේ බලය හා බලතල බව පෙනේ. රට තුළ කරන යෝජනාවලින් පැවැත්ම සාක්ෂාත් කරගැනීම වෙනුවට ජාත්‍යන්තරය තුළ මතයක් ඇති කර ස්වභාවය සංකීර්ණ කරන්නට ඇතැම් දේශපාලන නායකයෝ සූදානම්ය. ලෝකයේ වෙනත් රටකින් අපට විසදුමක් ලැබෙන්නේ නැත. සෑම රටක්ම එක හා සමාන අලූත් සමාජ භාවයන්ට ගොදුරු වී සිටී.

පවතින ව්‍යුහය අධ්‍යයනය කළහොත් පෙනෙන ප‍්‍රධාන කාරණයක් තිබේ. ජනතාව ඉල්ලන දෙයක් ඇත. දේශපාලනඥයන් ගේ අරමුණ අනෙක් එකකි. ජනමාධ්‍යවලින් ද මෙම පැති දෙක අතර සංවාදයක්, සබදතාවයක් ඇති කරන්නේ නැත. අප ගමන් කරමින් සිටින්නේ අවුල් ජාලයකින් තවත් අවුල් සහගත තැනකටය. මෙහි ප‍්‍රතිඵල අපට දැනෙන්නට තිබේ. ජනතාවට දේශපාලනය එපා වී ඇත. දේශපාලනඥයන් කෙරෙහි තිබුණ විශ්වාසය පිරිහී ඇති බව පෙනේ. දේශපාලනඥයන්ට සමීප සමාජ නායකයන් හා ආගමික නායකයන්ට ද එම ඉරණම අත්ව ඇති බව ඉතාමත් පැහැදිලිය.

සියළු දෙනාටම එකගවිය හැකි ව්‍යවස්ථාවක් පමණක් නොව පවතින සංවර්ධන සැලසුම් සම්බන්ධයෙන් පොදු එගතාව ඇති කරගැනීම අවශ්‍ය වී තිබේ. එය තුළ සාධාරණත්වය හා යුක්ති සහගත බව ප‍්‍රශ්න කළ හැක. පවතින ආර්ථික හා සමාජ ගැටළුවලට වර්ණවත් උත්තර නැත. නිල්, කොළ, රතු හෝ වෙනත් වර්ණයකට දැනට ලෝකයේ පවතින ආර්ථික මුලධර්ම වලට එපිටින් යා නොහැක.

Older Entries Newer Entries