LOGO

2019/03/13 – ලංකාදීප

පිළිකාව මාරාන්තික රෝගයකි. තවත් කෙනෙකුගෙන් බෝ නොවෙන පිළිකා රෝගය මෑත කාලීනව සෑහෙන වර්ධනයකට ලක් වූ බව ජාත්‍යන්තර වාර්තා දක්වයි. පිළිකා වෛරස් කලින් හදුනාගෙන මර්දනය කළ හැකි එන්නතක් නිදපවීමට හැකිවනු ඇතැයි සුප‍්‍රකට ප‍්‍රකෝටිපති බිල් ගේට්ස් විශ්වාසය පළ කර තිබේ. හෙතෙම සෞඛ්‍ය අධ්‍යාපන ක්ෂේත‍්‍රයේ අභිවෘද්ධිය වෙනුවෙන් සිය ධනය පරිත්‍යාග කරයි. මැලේරියාව තුරන් කිරීම හා ඒඞ්ස් රෝගය පාලනය කිරීම සඳහා විශාල මෙහෙවරක නිරත විය.

2019 වසරේ දී වාර්තා බිඳ හෙළමින් ජාත්‍යන්තරය කළඹන්නට සමත්වන අලූත් විද්‍යා හා තාක්ෂණ සොයා ගැනීම් ගණනාවක් ගැන ගේට්ස් සිය තාක්ෂණික විවරණිකාවකින් පෙන්වා දෙයි. එයට අනුව පිළිකාව මර්දනය කළ යුතුම එකකි. පිළිකාවේ පැතිරීම හා එයින් සිදුවන ජීවිත හානි දෙස අවධානය යොමු කර ඇති ජාත්‍යන්තර පර්යේෂණ ආයතන, එය ඇති වෙන්නට කලින් වලක්වා ගන්නේ කෙසේදැයි සොයා බැලීම ආරම්භ කර තිබේ. බිල් ගේට්ස් එකී පර්යේෂණ වෙනුවෙන් කතා කර තිබේ. සාමාන්‍ය එන්නතක් ලෙස ශරීරයට ලබාගත් පසු පිළිකා වෛරස සෛල ඇතිවිය හැකි අවදානම විනාශ කරන එන්නතක් වනු ඇති අතර එය බලවත් අස්වැසිල්ලකි.

වෛද්‍ය විද්‍යාව විශාල ඉදිරි පිම්මකට අවතීර්ණ වී තිබේ. රෝග වැළදුන පසු ප‍්‍රතිකාර ගැනීම වෙනුවට රෝග ඇති වීමෙන් වලකන පියවර කෙරෙහි යොමු වී සිටී. ස්වභාවික ප‍්‍රතිශක්තීකරණය අභිබවා බාහිරව දෙන ප‍්‍රතිශක්තීකරණයෙන් සෑහෙන රෝග ප‍්‍රමාණයක් පාලනය කරගත හැකි වනු ඇත. රෝග ඇති විය හැකි ආහාර පාන හා ජීවිත හුරුපුරුදු අත් හැරීමට ද වෛද්‍ය උපදෙස් නිකුත් වෙමින් තිබේ. අප ජීවත්වන පරිසරය සෑම පැත්තකින්ම අභියෝගාත්මකය. ආහාර පාන කෘතීම රසකාරක හා කල්තබා ගැනීමේ ද්‍රව්‍ය භාවිතා කර නිපදවයි. අලූත් එලවලූ හා පලතුරු භාවිතා කිරීමට ඇති අවස්ථා සීමිතය වාතය, ජලය අපවිත‍්‍ර වී තිබේ. පොසිල ඉන්ධන භාවිතය හා මිනිස් ක‍්‍ර‍්‍රීයාකාරම් හෙයින් වායුගෝලයේ ඇතිවූ වෙනස්කම් නොයෙක් රෝග වලට බලපා ඇති මූලික සාධක සේ හදුනා ගෙන ඇත. පරෙස්සම් නොවීම භයානක රෝග වලට මුල බව අවධාරණය කෙරේ. නිසි ආහාර ගැනීම හා ශරීරයට අවශ්‍ය කරන ව්‍යායාම මගින් අනවශ්‍ය මේදය දහනය කර හොඳ සෞඛ්‍ය පුරුදු පවත්වා ගැනීම ඉතාම වැදගත්ය. ලෙඩ රෝග ඇති වීම පාලනය කරන විද්‍යාත්මක හුරු පුරුදු වෛද්‍ය උපදෙස් වලට අඩංගු බව සිහිපත් කිරීම වටී.

අලූත් සොයා ගැනීම් අනුව වෛද්‍ය ප‍්‍රතිකාර ක‍්‍රම පවා විශාල වෙනස්කම් වලට නැඹුරු වී ඇත. විශාල වියදමක් යන ශරීර අභ්‍යන්තරයේ රෝග පරීක්ෂා කුඩා ’‘ටැබ්ලට් එකක්’’ වැනි කැමරාවක් ගිලීමෙන් අනාවරණය කරගත හැකි වී තිබේ. අතේ බැඳගෙන යන ඔරලෝසුවක් වැනි උපකරණයකින් ඊ.සී.ජී වාර්තා නිකුත් වෙයි. ඒවා ස්වයංකී‍්‍රයව පවුලේ වෛද්‍යවරයා වෙත යොමු කෙරෙන අතර හදිසි අවස්ථාවක දී රෝගීන් ක්ෂණයකින් රෝහල් කරා යොමු කළ හැකි ජාල ගත පහසුකම් නිර්මාණය වෙමින් තිබේ. ප‍්‍රතිකාර කිරීමට වඩා මෙවැනි ක‍්‍රම මගින් රෝහල් ගාස්තු අවම කළ හැකිය. වෛද්‍යවරු හා රෝගීන් වෙනුවෙන් පවතින අධික තදබදය පාලනය කරන්නට පුලූවන්කමක් තිබේ.

පිළිකාව, හෘද රෝග, දියවැඩියාව, වකුගඩු වැනි වලක්වා ගත හැකි රෝග ඉතාම නරක අන්දමින් රට තුළ පැතිරෙමින් පවතින බව පෙනේ. විශාල වියදමක් දරා රෝග වලට ප‍්‍රතිකාර කරනු වෙනුවට රෝග ඇතිවීම වලක්වන උපදෙස් කෙරෙහි මෙරට සෞඛ්‍ය අංශ පවා අනුගමනය කිරීම සුදුසුය. පාසල් වියේ සිට දරුවන් ගැන සැලකිලිමත්වීම වටී. නොයෙක් රටවල් පාසලේ දී දරුවන් අනුභව කරන ආහාර, ශාරීරික ක‍්‍රියාකාරකම් වලට යොමු කිරීම කරන අතර නිවැරදි සෞඛ්‍ය පුරුදු වලට නැඹුරු කිරීමට සැලසුම් සකස් කර තිබේ. දරුවන් වියපත්වන විට නිරෝගී ජීවිත ගත කරන්නට එය පදනමකි. ශ‍්‍රී ලංකාව ජාත්‍යන්තරයෙන් ලැබෙන අදහස් අනුව සම්ප‍්‍රදායික ප‍්‍රතිකාර ක‍්‍රම රෝග වලක්වා ගැනීමේ ප‍්‍රයත්න දක්වා හරවා ගැනීම වැදගත්ය.

 

 

 

Advertisements